Шашубай кентіндегі көшелердің атауларын өзгерту туралы Қолданыста

Шашубай кентіндегі көшелердің атауларын өзгерту туралы Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылысы туралы" Заңының 14-бабы 4-тармақшасына, Қазақстан Республикасы Үкіметінің 1996 жылғы 5 наурыздағы "Қазақстан Республикасындағы ұйымдарды, темір жол станцияларын, әуежайларды, сондай-ақ физикалық – географиялық объектілерді атау мен қайта атаудың және олардың атауларының транскрипциясын өзгертудің Тәртібін бекіту туралы" N 281 қаулысына және аудандық ономастикалық комиссиясының 2009 жылғы 16 қарашасындағы N 2 ұйғарымы, Шашубай кентінің ардагерлер ұйымының мүшелерінің ұсынысы негізінде шығарылған кент тұрғындарының жиналысының 2009 жылғы 13 қарашадағы жиналыс хаттамасына сәйкес Шашубай кентінің әкімі ШЕШІМ ЕТТІ:

1. Ақтоғай ауданы Шашубай кентіндегі көшелердің атаулары өзгертілсін: Киров көшесі – Шашубай көшесі деп; Комсомол көшесі – Қараменде би көшесі деп; Набережная көшесі – Жағалау көшесі деп; Космонавт көшесі – Ғарышкер көшесі деп; Ленин көшесі – Жағыпар Ақбергенұлы көшесі деп қайта аталсын.

2. Осы шешімнің орындалуын бақылауды өзіме қалдырамын.

3. Осы шешім ресми жарияланғаннан кейін он күнтізбелік күн өткен соң қолданысқа енгізіледі.