О переименовании улицы Заводская города Аксу Қолданыста

Ақсу қаласының Заводская көшесінің атын өзгерту туралы Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабының 1 тармағы 4) тармақшасына және 31-бабының 2 тармағына сәйкес, Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылымы туралы" Заңының 13-бабы 4) және 5) тармақшалары негізінде, Ақсу қаласы тұрғындарының пікірлерін және қалалық ономастикалық комиссияның 2010 жылғы 3 наурыздағы қорытындысын есепке ала отырып, Ақсу қаласының әкімдігі ҚАУЛЫ ЕТЕДІ және Ақсу қалалық мәслихаты ШЕШІМ ЕТЕДІ:

1. Ақсу қаласының Заводская көшесінің аты Ілияс Оспанов атындағы көше болып өзгертілсін.

2. "Ақсу қаласының экономика және бюджеттік жоспарлау бөлімі" мемлекеттік мекемесі қала бюджетіне түзету енгізген кезде жоғарыда аталған көшенің атын өзгертумен байланысты жұмыстарды орындауға ақшалай қаражат қарастырсын.

3. "Ақсу қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі" мемлекеттік мекемесі Заводская көшесінің атын өзгертуге байланысты жұмыстардың орындалуын қамтамасыз етсін.

4. Осы шешім және қаулы алғашқы ресми жарияланған күннен бастап он күнтізбелік күн өткеннен соң қолданысқа енгізіледі.

5. Осы шешімнің орындалуын бақылау қалалық мәслихаттың әлеуметтік саясат, заңдылық және құқықтық тәртіп мәселелері жөніндегі тұрақты комиссиясына жүктелсін.