О льготном проезде на внутригородском общественном транспорте (кроме такси) учащихся очной формы обучения Қолданыста

Күндiзгi білім беру ұйымдарының оқушыларына қала ішіндегі қоғамдық көлiктерде (таксиден басқа) жол жүрулеріне жеңiлдiк беру туралы Қазақстан Республикасының 2007 жылғы 27 шiлдедегi "Бiлiм туралы" Заңының 6 бабы 1 тармағының 2) тармақшасына, Қазақстан Республикасының 2004 жылғы 7 шiлдедегi "Қазақстан Республикасындағы мемлекеттiк жастар саясаты туралы" Заңының 6 бабы 4) тармақшасына сәйкес және Қазақстан Республикасының қолданыстағы заңнамаларына сәйкес келтіру мақсатында, Теміртау қалалық мәслихаты ШЕШIМ ЕТТI:

1. Теміртау қаласының келесi санаттағы оқушыларына 2010 жылы қала iшiндегi қоғамдық көлiктерде (таксиден басқа) жүрулеріне жеңiлдiк белгiленсiн:

1) Теміртау қаласының жалпы бiлiм беретiн оқу орындарының бiрiншi сыныптан сегiзiншi сыныпқа дейiнгi сынып оқушыларына (жазғы кезеңді 2010 жылдың 1 маусымынан 31 тамызға дейiнгi аралықты есептемегенде) тегін жол жүру;

2) жалпы бiлiм беретiн оқу орындарының, кәсібі лицейлердің тоғызыншы сыныптан он бiрiншi сыныпқа дейiнгi сынып оқушыларына, колледждер оқушыларына (тоғызыншы сынып базасында оқитындарға, бірінші және екінші курс оқушыларына) тиісті тарифтің 50 % төлеу (жазғы кезеңді 2010 жылдың 1 маусымынан 31 тамызға дейiнгi аралықты есептемегенде);

3) кәсіби лицейлерде, колледждерде (он бiрiншi сынып базасында оқитын) және меншіктің барлық түріндегі жоғарғы оқу орындарының күндiз оқитын тұлғаларына тиісті тарифтің 50 % төлеу (жазғы кезеңді 2010 жылдың 1 маусымынан 31 тамызға дейiнгi аралықты есептемегенде).

2. Теміртау қалалық мәслихаттың 2010 жылғы 5 қаңтардағы N 24/4 "Күндiзгi білім беру ұйымдарының оқушыларына қала ішіндегі қоғамдық көлiктерде (таксиден басқа) жол жүрулеріне жеңiлдiк беру туралы" (нормативтік құқықтық актілерді мемлекеттік тіркеу Тізілімінде N 8-3-92 тіркелген, "Теміртау" газетінің 2010 жылдың 24 ақпандағы N 8, "Зеркало" газетінің 2010 жылғы 17 ақпандағы N 7 жарияланған) шешімі күшін жойды деп танылсын.

3. Осы шешімнің орындалуын бақылау қалалық мәслихаттың бюджет мәселелері жөніндегі тұрақты комиссиясына жүктелсін (төрағасы Владимир Павлович Дмитриев).

4. Осы шешім оны ресми жариялаған күннен бастап қолданысқа енеді. КЕЛІСІЛДІ "Теміртау қаласының білім беру, дене шынықтыру және спорт бөлімі" мемлекеттік мекемесінің бастығы А.Д. Ахметов 22 сәуір 2010 жыл