Аққұм ауылындағы жекелеген көшелерді қайта атау туралы Қолданыста

Аққұм ауылындағы жекелеген көшелерді қайта атау туралы "Қазақстан Республикасындағы жергілікті мемлекеттік басқару және өзін -өзі басқару туралы" Қазақстан Республикасының 2001 жылғы 23 қаңтардағы Заңына, "Қазақстан Республикасының әкімшілік-аумақтық құрылыс туралы" Қазақстан Республикасының 1993 жылғы 8 желтоқсандағы Заңының 14-бабының 4) тармақшасына және Жалағаш ауданы әкімі жанындағы консультациялық-кеңесші орган комиссия мәжілісінің 2010 жылғы 28 сәуірдегі N 3 хаттамасына сәйкес ШЕШЕМІН:

1. Аққұм ауылындағы:

1) Қазақстан көшесі Ералы Түменбаев атындағы көше болып;

2) Көксу көшесі Іскендір Доспанбетов атындағы көше болып;

3) Бостандық көшесі Райбек Книязов атындағы көше болып;

4) Достық көшесі Зинадин Лекеров атындағы көшесі болып қайта аталсын.

2. Ауылдық округі әкімі аппаратының бас маманы Б.Күзеков осы шешімді іске асыру жөнінде қажетті шаралар қабылдасын.

3. Осы шешім алғаш рет ресми жарияланғаннан кейін он күн өткен соң қолданысқа енгізілсін.