«Об организации противопожарной службы на объектах хозяйствования в целях предупреждения пожаров» Күшін жойған

Өрттен сақтандыру мақсатында шаруашылық нысандарында өрт сөндіру қызметтерін ұйымдастыру туралы 📌 Ескерту. Күші жойылды - Ақмола облысы әкімінің 05.06.2007 № 32 өкімімен. Ақмола облысы шаруашылық нысандарында өрт сөндіру қызметтерін ұйымдастыруды жақсарту мақсаттарында және Қазақстан Республикасы Үкіметінің 22.05.99 ж. №616 «Қазақстан Республикасы Үкіметінің кейбір шешімдеріне толықтырулар мен өзгертулер енгізу туралы», 27.04.99 ж. №482 «ҚР-ның төтенше жағдайлар жөніндегі агенттігіне бағынышты ұйымдар туралы» Қаулыларына сәйкес:

1. Облыстық өрт сөндіру қызметі білім, денсаулық сақтау, мәдениет, басқару органдары және басқа саладағы мекемелердің нысандарындағы өрттерді келісім-шартсыз негізде, мемлекеттік бюджет есебінен, №1 қосымшадағы тізімге сәйкес сөндіруді жүзеге асырсын.

2. Барлық ұйымдардың басшыларына, қандай меншік түріне жататынына қарамастан, өз жұмыстарын шаруашылық жүргізу принципімен жүзеге асыру міндеттелсін: - мемлекеттік өрт сөндіру қызметі органдарымен келісе отырып, әрқайсысы өз алдына ведомстволық нормативтерге сәйкес өрт сөндіру қызметтерін құрсын немесе шаруашылық жүргізу құқығындағы «Өрт сөндіруші» республикалық мемлекеттік кәсіпорнының Ақмола облыстық филиалымен келісім-шарт жасасын.

3. Осы шешімнің орындалуын бақылау облыс әкімінің бірінші орынбасары А.Сейітжанов пен төтенше жағдайлар жөніндегі басқарманың бастығы И.Қанапияновқа жүктелсін.

Ақмола облысы әкімінің 14.01.2000 ж. № 1-207р өкіміне №1 қосымша Мемлекеттік бюджет есебінен шарт жасаспау негізінде өрт сөндіруді жүзеге асырылатын нысандардың ТІЗБЕСІ

1. Заң шығару және атқарушы органдар, қорғаныс министрлігі және ішкі істер, ұлттық қауіпсіздік комитеті органдарының нысандары және бюджеттен қаржыландырылатын басқа да нысандар.

2. Өз жұмысын коммерциялық емес негізде жүргізетін білім беру, кадрлар дайындау нысандары:

2.1. Мектепке дейінгі балалар мекемелері.

2.2. Жалпы білім беретін және мамандандырылған мектептер, мектеп-интернаттар, мектепаралық оқу-өндірістік комбинаттары.

2.3. Кәсіби-техникалық училищелер, кадрлар дайындау және қайта дайындау жөніндегі оқу орындары.

2.4. Орта-арнайы оқу орындары.

2.5. Жоғары оқу орындары.

2.6. Мамандарды дайындау және білімін жетілдіру оқу орындары.

3. Бюджеттен қаржыландырылатын денсаулық сақтау және демалыс нысандары.

3.1. Жатып емделетін емдеу мекемелері, амбулаториялық-емханалық дәріханалар.

3.2. Санаторилер, профилакторилер.

3.3. Демалыс және туризм мекемелері.

4. Мәдени ағарту бағытындағы қоғамдық нысандар.

4.1. Кітапханалар.

4.2. Мұражайлар мен көрмелер.

4.3. Театрлар, концерт залдары, кинотеатрлар, клубтар, мәдениет үйлері және басқа да 800 орынға лайықталған залдар.