О наименовании отдельных составных частей города Шымкента Қолданыста

Шымкент қаласының жеке құрамдас бөліктеріне атау беру туралы Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылысы туралы" Заңының 13 бабы 4 тармағына сәйкес және тиісті аумақ халқының пікірін ескере отырып, Шымкент қаласының әкімдігі ҚАУЛЫ ЕТЕДІ және Шымкент қалалық мәслихаты ШЕШЕМІЗ:

1. Әл-Фараби ауданындағы солтүстік-шығыс жағынан Қабанбай батыр даңғылымен, солтүстік-батыс жағынан Әйтеке би көшесімен және оңтүстік-батыс жағынан Ерманов көшесімен шектелетін аумақ Тәуелсіздік алаңы деп аталсын.

2. Еңбекші ауданындағы солтүстік жағынан Машат көшесімен, оңтүстік жағынан Жібек жолы даңғылымен, оңтүстік-шығыс жағынан Е.Спатаев көшесімен шектелетін аумақ Ұлағат шағынауданы. Еңбекші ауданындағы солтүстік жағынан Жібек жолы даңғылымен, солтүстік-батыс жағынан Бурабай көшесімен, оңтүстік-шығыс жағынан Жаңажол көшесімен шектелетін аумақ Мирас шағынауданы деп аталсын.

3. Осы бірлескен қаулы мен шешім алғашқы ресми жарияланғаннан кейін күнтізбелік он күн өткен соң қолданысқа енгізіледі.