Об утверждении порядка обеспечивающего право граждан, имеющих льготы на проезд Күшін жойған

Жеңілдікпен жүретін азаматтардың құқығын қамтамасыз ететін тәртіпті бекіту турлы 📌 Ескерту. Күші жойылды – Ақтөбе облысы әкімінің 22.05.2007 № 2 шешімімен. «Азаматтардың жеке топтарына жеңілдік беру мәселелері бойынша Қазақстан Республикасының кейбір заңдылық актілеріне өзгерістер мен толықтырулар енгізу туралы» Қазақстан Республикасының 1999 жылғы 17-сәуірдегі № 374-1 Заңына және Ақтөбе облысының 2000 жылға арналған бюджеті туралы» облыстық Мәслихаттың 1999 жылғы 17-қарашадағы № 1 шешіміне сәйкес облыс Әкімі ШЕШІМ ЕТТІ:

1. Женілдікпен жүруге құқылы азаматтардың жүру тәртібі туралы қоса тіркелген Ережесі бекітілсін.

2. «Женілдікпен жүретін азаматтардың құқын қамтамасыз ететін тәртіпті бекіту туралы» облыс Әкімінің 1999 жылгы 16-қыркүйектегі № 159 шешімінің күші жойылды деп есептелсін.

3. Осы шешімнің орындалуын бақылау облыс Әкімінің рынбасары А. Қ. Есіркеповке жүктелсін.

Облыс Әкімінің 2000 жылғы «24» қаңтардағы № 12 шешімінен бекітілді Жеңілдігі бар азаматтардың көлікпен жүру тәртібі туралы ЕРЕЖЕ

1. Қалалық жолаушылар тасымалдайтын қатынас (таксиден басқа) көліктерінің барлық түрлерінде тегін жүруге белгіленген үлгідегі айлық жол жүру билеті негіз болып табылады.

2. Айлық жол жүру билеті бір ай бойына пайдаланылуымен қатар, қатаң есептегі құжат болып табылады және: ішкі істер әскерлерінің мерзімді қызметтегі әскери қызметшілеріне; Қазақстан Республикасы Қорғаныс министрлігінің мерзімді кызметтегі әскери қызметшілеріне; «Отан», «Даңқ» ордендерімен марапатталғандарға, «Халық қаһарманы», Қазақстан Республикасының құрметті атақтарына ие болғандарға беріледі.

3. Тегін жүруге женілдігі бар «Отан», «Даңқ» ордендерімен, «Халық қаһарманы», Қазақстан Республикасының құрметті атақтарымен марапатталғандардың тізімдерін облыстық еңбек, жұмыспен қамту және халықты әлеуметтік қорғау басқармасы жасайды және бекітеді.

4. Айлық жол жүру билеті ай сайын қоғамдық көлікті басқару қызметінен әскери бөлімнің қолбасшыларының сенім хаты арқылы: ішкі істер әскерлерінің мерзімді қызметтегі әскери қызметшілеріне 70 дана; Қазақстан Республикасы Қорғаныс министрлігінің мерзімді қызметтегі әскери қызметшілеріне 10 дана; «Отан», «Даңқ» орденімен марапатталғандарға, «Халық қаһарманы», Қазақстан Республикасының құрметті атақтарына ие болғандардың әрқайсысына облыстық еңбек, жұмыспен қамту және халықты әлеуметтік қорғау басқармасы арқылы беріледі.

5. Әскери бөлімнің қолбасшылары айлық жол жүру билетін әр ай басталар алдында алады және олардың пайдалануы қатаң түрде бақылап.

6. Пайдаланылған айлық жол жүру билеті әр ай басталар алдында қоғамдық көлік басқармасы қызметіне қайтарылып отырады.

7. Ай сайын қоғамдық көлік басқармасының қызмет орындары айлық жол жүру билеттерін жинап, олар өз кезегінде облыстық қаржы басқармасына жинақтау тізімімен бірге тапсырады.

8. Тасымалдаушылардың автомобиль көлігімен женілдік бергені үшін жұмсаған қаржысын өтеуді облыстық қаржы басқармасы әр айдың 15-і күні қамтамасыз етеді.