Об образовании Бадамшинского сельского округа Каргалинского района Мәртебесі расталмаған

Қарғалы ауданының Бадамша ауылдық округін құру туралы 📌 Ескерту. Шешімнің тақырыбында және бүкіл мәтіні бойынша «Батамша поселкелік», «Батамша поселкесі» сөздері «Бадамша ауылдық», «Бадамша ауылы» сөздерімен ауыстырылды - Ақтөбе облысы әкімдігінің 11.12.2015 № 452 қаулысымен және Ақтөбе облыстың мәслихатының 11.12.2015 № 359 шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі). "Қазақстан Республикасының әкiмшiлiк-аумақтық құрылымы туралы" Қазақстан Республикасының 1993 жылғы 8 желтоқсандағы N 4200 Заңы 11 бабының 3 тармағына сәйкес жасалған Қарғалы ауданының өкiлдi және атқарушы органдарының ұсынысы негiзiнде облыстық мәслихат пен облыс әкiмi Шешім етті:

1. Әкiмшiлiк орталығы Бадамша ауылы Бадамша ауылдық округi құрылсын, сызба-картаға сәйкес оның құрамына елдi мекендер мен жалпы көлемi 1557 га аумақ кiргiзiлсiн.

2. Қайтадан құрылған Бадамша ауылдық округiн ұстау шығыны 2000 жылғы аудан әкiмi аппаратының аудан орталығын дамыту бөлiмiн ұстауға қаралған лимит көлемiнде жүргiзiлсiн.

3. Облыстық статистика басқармасы (А. Д. Мұқаев) облыстықәкiмшiлiк-аумақтық бiрлiктердiң есептiк мәлiметтерiне тиiстi өзгерiстер енгiзсiн.

4. Облыстық жер ресурстарын басқару жөнiндегi комитет (М. Н. Жекеев) ауданның әкiмшiлiк-аумақтық құрылымына енгiзiлген өзгерiстерге сәйкес жер-кадастр құжаттарын тәртiпке келтiрсiн.