О создании противопожарной службы в районах Актюбинской области Қолданыста

Ақтөбе облысының аудандарында өртке қарсы қызметтерін құру туралы 📌 Ескерту. Күші жойылды – Ақтөбе облысының Әділет департаментінің 15.02.2007 № 4-19/1525 хаты. "Қазақстан Республикасының Төтенше жағдайлар жөніндегі Агенттігінің Мемлекеттік өртке қарсы қызметін ұйымдастыру тәртібі туралы" Қазақстан Республикасы Министрлер Кабинетінің 1994 жылғы 22 сәуірдегі № 430 қаулысын, "Өрт қауіпсіздігі туралы" Қазақстан Республикасы Заңының 8-бабын жүзеге асыру және мемлекеттік өртке қарсы қызметінің құрылымын жетілдіру мақсатында облыс Әкімі ШЕШІМ ЕТТІ:

1. Қазақстан Республикасы Төтенше жағдайлар жөніндегі Агенттігінің Ақтөбе облыстық мемлекеттік өртке қарсы қызмет басқармасы (Ж. С. Еспаев):

1) 2000 жылғы 1-сәуірге дейін аудандық кәсіби өрт сөндіру бөлімдерін Ақтөбе облыстық мемлекеттік өртке қарсы әскерилендірілген өрт сөндіру бөлімдері етіп қайта құрсын.

2) аудандардағы әскерилендірілген өрт сөндіру бөлімдерін жеке құрамамен жасақтасын және аудандық буындардағы өрт сөндіру бөлімдерін қосымшаға сәйкес нөмірлесін.

2. Ақтөбе қаласы мен аудандардың әкімдері Ақтөбе облыстық мемлекеттік өртке қарсы қызметімен бірлесе отырып, 2000 жылдың 1-сәуіріне дейін:

1) елді мекендерді өрт қауіпсіздігінен қорғауды қамтамасыз ету жөніндегі аумақтық бағдарламаларды;

2) әскерилендірілген өрт сөндіру бөлімдерінің басқа ведомостволардың авариялық-құтқару бөлімшелерімен өзара іс-әрекетінің жоспарын жасасын және бекітсін.

3. Облыстық қаржы басқармасы (Б. Е. Жантеміров) 2001 жылы бір өрт сөндіру автомобилін сатып алуға қаржы қарастырсын.

4. Осы шешімнің орындалуын бақылау облыс Әкімінің бірінші орынбасары В. В. Супрунға жүктелсін.

Облыс Әкімінің 2000 жылғы 9 наурыздағы № 34 шешіміне қосымша Аудандардағы құрылған өрт бөлімдерінің НӨМІРІ № 6 өрт сөндіру бөлімі (Алға қаласы) - № 6 әскерилендірілген өрт сөндіру бөлімі № 7 өрт сөндіру бөлімі (Бөгеткөл, Қарабұлақ поселкелері) - № 7 әскерилендірілген өрт сөндіру бөлімі № 8 өрт сөндіру бөлімі (Байғанин поселкесі) - № 8 әскерилендірілген өрт сөндіру бөлімі № 9 өрт сөндіру бөлімі (Ырғыз поселкесі) - № 9 әскерилендірілген өрт сөндіру бөлімі № 10 өрт сөндіру бөлімі (Батамша, Қарғалы поселкесі) - № 10 әскерилендірілген өрт сөндіру бөлімі № 11 өрт сөндіру бөлімі (Мәртөк поселкесі) - № 11 әскерилендірілген өрт сөндіру бөлімі № 12 өрт сөндіру бөлімі (Қандыағаш, Ембі қалалары) - № 12 әскерилендірілген өрт сөндіру бөлімі № 13 өрт сөндіру бөлімі (Темір, Ембі қаласы, Шұбақұдық қала үлгісіндегі поселкесі) - № 13 әскерилендірілген өрт сөндіру бөлімі № 14 өрт сөндіру бөлімі (Ойыл поселкесі) - № 14 әскерилендірілген өрт сөндіру бөлімі № 15 өрт сөндіру бөлімі (Қобда поселкесі) - № 15 әскерилендірілген өрт сөндіру бөлімі № 16 өрт сөндіру бөлімі (Хромтау қаласы) - № 16 әскерилендірілген өрт сөндіру бөлімі № 17 өрт сөндіру бөлімі (Шалқар қаласы) - № 17 әскерилендірілген өрт сөндіру бөлімі