О льготном проезде на внутригородском общественном транспорте (кроме такси) обучающихся и воспитанников очной формы обучения Қолданыста

Күндiзгi білім беру нысандарында оқитындарға және тәрбиеленушілерге қала ішіндегі қоғамдық көлiктерде (таксиден басқа) жол жүрулеріне жеңiлдiк беру туралы Қазақстан Республикасының 2007 жылғы 27 шiлдедегi "Бiлiм туралы" Заңының 6 бабы 1 тармағының 2) тармақшасына, Қазақстан Республикасының 2004 жылғы 7 шiлдедегi "Қазақстан Республикасындағы мемлекеттiк жастар саясаты туралы" Заңының 6 бабы 4) тармақшасына сәйкес және Қазақстан Республикасының қолданыстағы заңнамаларына сәйкес келтіру мақсатында, Теміртау қалалық мәслихаты ШЕШIМ ЕТТI:

1. Теміртау қаласының жеңілдік санаттағы күндізгі білім беру нысандарында оқитындарға және тәрбиеленушілерге (жазғы каникулдарды есептемегенде) 2011 жылы қала ішіндегі қоғамдық көліктерде (таксиден басқа) құқығын растайтын құжаттар бар болғанда жүрулеріне жеңілдік белгіленсін:

1) Теміртау қаласының жалпы бiлiм беретiн оқу орындарының бiрiншi сыныптан сегiзiншi сыныпқа дейiнгi сынып оқушыларына тегін жол жүру;

2) жалпы бiлiм беретiн оқу орындарының, кәсібі лицейлердің тоғызыншы сыныптан он бiрiншi сыныпқа дейiнгi сынып оқушыларына, колледждер оқушыларына (тоғызыншы сынып базасында оқитындарға, бірінші және екінші курс оқушыларына) тиісті тарифтің 50 % төлеу;

3) кәсіби лицейлерде, колледждерде (он бiрiншi сынып базасында оқитын) және меншіктің барлық түріндегі жоғарғы оқу орындарының күндiз оқитын тұлғаларына тиісті тарифтің 50 % төлеу.

2. Осы шешімнің орындалуын бақылау қалалық мәслихаттың бюджет мәселелері жөніндегі тұрақты комиссиясына жүктелсін (төрағасы Владимир Павлович Дмитриев).

3. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі және 2011 жылдың 1 қаңтарынан бастап туындаған құқықтық қатынастарға таралады. КЕЛІСІЛДІ "Теміртау қаласының білім беру, дене шынықтыру және спорт бөлімі" мемлекеттік мекемесінің бастығы Б.Р. Рахимова 01 ақпандағы 2011 жылы