Аудан бойынша жекелеген елді мекеннің шекарасын бекіту туралы Қолданыста

Аудан бойынша жекелеген елді мекеннің шекарасын бекіту туралы Қазақстан Республикасының 2003 жылғы 20 маусымдағы Жер кодексінің 107, 108 баптарына, Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылысы туралы" Заңының 12-бабының 3 тармақшасына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6, 31 баптарына сәйкес, аудан әкімдігі ҚАУЛЫ ЕТТІ және Ордабасы аудандық мәслихаты ШЕШТІ:

1. Қараспан ауыл округі Төреарық елді мекенінің аумағын кеңейтуге ауылдың оңтүстік шығысындағы жайылым жерден 11,33 гектар жер учаскесі елді мекеннің шегіне енгізіле отырып, Төреарық елді мекенінің шегі өзгертілсін.

2. Осы бірлескен қаулы мен шешім алғаш ресми жарияланғаннан кейін күнтізбелік он күн өткен соң қолданысқа енгізілсін.