О переименовании некоторых улиц города Шалкар Мәртебесі расталмаған

Шалқар қаласының кейбір көшелерін қайта атау туралы Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабының 1 тармағының 4 тармақшасына, 31 бабының 2 тармағына және Қазақстан Республикасының 1993 жылғы 8 желтоқсандағы № 4200 «Қазақстан Республикасының әкімшілік - аумақтық құрылысы туралы» Заңының 12 бабының 5-1 тармақшасына және Шалқар қаласының Айшуақ, Тұтынушылар тұйығы, Пионер, Минеральные воды, Орман тұйық көшелерінің тұрғындарының конференция хаттамаларына сәйкес, аудан әкімдігі ҚАУЛЫ ЕТЕДІ және аудандық мәслихат ШЕШІМ ЕТЕДІ:

1. Шалқар қаласының Айшуақ көшесі Дәрменқұл Қалағанов көшесі болып қайта аталсын.

2. Шалқар қаласы Тұтынушылар тұйығы көшесі Жаржан Жармағамбетов тұйық көшесі болып қайта аталсын.

3. Шалқар қаласы Пионер көшесі Үркінбай Адилшинов көшесі болып қайта аталсын.

4. Шалқар қаласы Минеральные воды көшесі Ырзағазы Нұртаев көшесі болып қайта аталсын.

5. Шалқар қаласы Орман тұйық көшесі Бисенов Өнербай Бисенұлы тұйық көшесі болып қайта аталсын.

6. Осы әкімдіктің бірлескен қаулысы мен мәслихаттың шешімнің орындалуын бақылау Шалқар қаласының әкімі Е. Данағұловқа жүктелсін.

7. Осы әкімдіктің бірлескен қаулысы мен шешімі алғаш ресми жарияланғаннан кейін күнтізбелік он күн өткен соң қолданысқа енгізіледі.