О переименовании улиц села Терисаккан Мәртебесі расталмаған

Терісаққан ауылы көшелерінің атауларын өзгерту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 35 бабының 2 тармағына, Қазақстан Республикасының 1993 жылғы 8 желтоқсандағы «Қазақстан Республикасының әкімшілік-аумақтық құрылысы туралы» Заңының14 бабының 4) тармақшасына сәйкес және Терісаққан ауылы – әкімшілік аумақтық бірлігі халқының конференциясының 2011 жылғы 31мамырдағы № 5 хаттамасы негізінде, Қобда ауданының Терісаққан ауылдық округінің әкімі ШЕШІМ ҚАБЫЛДАДЫ:

1. Терісаққан ауылының келесі көшелерінің атауы өзгертілсін:

1) Молодежный көшесі – Жастар көшесі;

2) Юбилейный көшесі – Ақтөбе көшесі;

3) Ленина көшесі – Желтоқсан көшесі;

4) Октябрь көшесі – Астана көшесі;

5) Абая көшесі – Абай Құнанбаев көшесі;

6) Набережная көшесі – Жағалау көшесі.

2. Осы шешім алғашқы ресми жарияланған күннен бастап он күнтізбелік күн өткен соң қолданысқа енгізіледі.