О введении "Журнала посещения и проверок должностными лицами" Күшін жойған

"Басқарушы органдар лауазымды адамдарының болуын және тексеруін тіркеу журналын" енгiзу туралы 📌 Ескерту. Күші жойылды - Алматы облысы әкімінің 29.09.2004 № 9-95 шешімімен. Алматы облысында шағын кәсiпкерлiктi құруды жандандыру және оны экономикалық жағынан өсіру мақсатында, Қазақстан Республикасы Президентiнiң "Шағын кәсiпкерлiктi дамытуға мемлекеттiк қолдауды күшейту және оны жандандыру жөнiндегi шаралар туралы" 1997 жылғы наурыздың 6-ғы N 3398 , сондай-ақ "Азаматтар мен Заңды тұлғалардың кәсiпкерлiк қызмет еркіндігіне құқығын қорғау туралы" 1998 жылғы сәуiрдiң 27-гі N 3928 Жарлықтарын орындау жолында Алматы облысының Әкiмi ШЕШІМ ҚАБЫЛДАДЫ:

1. Салық органдарын тек заң актілерінде тікелей көзделген жағдайлардағы тексерулерді қоспағанда, бақылаушы органдардың үш жылда бір реттен артық негізделмеген тексеруiн болдырмау мақсатында "Лауазымды адамдардың болуын және тексеруін тіркеу журналы" қосымшаға сай енгiзiлсін, оны толтырмаған жағдайда кәсіпкер лауазым иесін өз кәсіпорнын тексеруге жібермеуге құқылы.

2. Осы шешiмнiң орындалуын бақылау Кәсіпкерлікті, шағын және орта бизнесті қолдау және дамыту комитетіне (А.К. Жүргенов) жүктелсiн.

Алматы облысы Әкiмiнiң 1998 жылғы 17 тамыздағы N 8-251 шешiмiне қосымша Басқарушы органдар лауазымды адамдарының болуын және тексеруін тіркеу ЖУРНАЛЫ ______________________________________________________________________________________ (ұйымның аталуы) Қазақстан Республикасы Президентiнiң "Кәсiпкерлiк қызметке бостандықтың мемлекеттiк кепiлдiгiн жүзеге асыру жөнiндегi қосымша шаралар туралы" Жарлығын орындау үшiн және лауазымды адамдардың жеке кәсiпкердiң iсiне негiзделмеген араласу жағдайын болдырмау мақсатында Орындалуын бақылаушы: Алматы облысының Әкiмi жанындағы Кәсіпкерлікті, шағын және орта бизнесті қолдау және дамыту комитеті, 480091, Алматы қ., Төле би көшесi, 59, 196 бөлме, тел. 69-25-91, 62-30-62, 63-52-48 № р.с. Күні Тексеруді жүзеге асырушы ұйымның аталуы Тексерушінің аты-жөні, қызметі, қызметтік куәлігінің нөмірі Тексерудің негізгі мақсаты (толтырылған немесе басқа құжаттың нөмірі) Нәтижесі Қолы Ескертпе 1 2 3 4 5 6 7 8