Вопросы Агентства по стратегическому планированию Республики Казахстан Күшін жойған
Басқа 0
Қазақстан Республикасының Стратегиялық жоспарлау жөніндегі агенттігінің мәселелері
📌 Ескерту. Күші жойылды - ҚР Президентінің 18.12.2003 N 1252 Жарлығымен.
"Қазақстан Республикасының Президенті туралы" Қазақстан Республикасының 1995 жылғы 26 желтоқсандағы N 2733 Конституциялық заңының 17-1 бабына сәйкес қаулы етемін:
Тармақ 1
1. Қоса беріліп отырған:
Тармақша 1
1) Қазақстан Республикасының Стратегиялық жоспарлау жөніндегі агенттігі туралы ереже;
Тармақша 2
2) Қазақстан Республикасының Стратегиялық жоспарлау жөніндегі агенттігінің құрылымы бекітілсін.
Тармақ 2
2. Қазақстан Республикасының Стратегиялық жоспарлау жөніндегі агенттігінің штат саны 31 адам болып белгіленсін.
Тармақ 3
3. Қазақстан Республикасының Стратегиялық жоспарлау жөніндегі агенттігіне материалдық-техникалық қызмет көрсету Қазақстан Республикасы Президентінің Іс Басқармасына жүктелсін.
Тармақ 4
4. Қазақстан Республикасы Президентінің "Қазақстан Республикасының Стратегиялық жоспарлау және реформалар жөніндегі агенттігінің мәселелері" атты 1998 жылғы 17 тамыздағы N 4021 (Қазақстан Республикасы ПҮАЖ-ы, 1998 ж., N 26, 218-құжат) және "Қазақстан Республикасы Президентінің 1998 жылғы 17 тамыздағы N 4021 Жарлығына өзгерістер енгізу туралы" 1999 жылғы 26 наурыздағы N 91 Жарлықтарының күші жойылған деп танылсын.
Тармақ 5
5. Қазақстан Республикасының Үкіметі:
Тармақша 1
1) Үкіметтің бұрын шығарылған актілерін осы Жарлыққа сәйкес келтірсін;
Тармақша 2
2) осы Жарлықтан туындайтын өзге де қажетті шаралар қолданылсын.
Тармақ 6
6. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
Тармақ 7
7. Осы Жарлық қол қойылған күнінен бастап күшіне енеді.
Басқа 12. Қазақстан Республикасының Стратегиялық жоспарлау жөніндегі агенттігі туралы ереже
Қазақстан Республикасы
Президентінің
1999 жылғы 28 қарашадағы
N 271 Жарлығымен
бекітілген
Қазақстан Республикасының Стратегиялық жоспарлау жөніндегі агенттігі туралы ереже
Тарау 1. 1. Жалпы ережелер
1. Жалпы ережелер
Тармақ 1
1. Қазақстан Республикасының Стратегиялық жоспарлау жөніндегі агенттігі (бұдан әрі - Агенттік) Қазақстан Республикасының Президентіне тікелей бағынатын және есеп беретін, Қазақстан Республикасының мемлекеттік стратегиялық жоспарларын (бұдан әрі - стратегиялық жоспарлар), стратегиялық жоспарлар мен мемлекеттік бағдарламалар әзірлеу және іске асыру кезінде мемлекеттік органдардың қызметін ведомствоаралық және салааралық үйлестіруді жүзеге асыратын мемлекеттік орган болып табылады.
Тармақ 2
2. Агенттік өз қызметін Қазақстан Республикасының Конституциясына, Қазақстан Республикасының заңдарына, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне, сондай-ақ осы Ережеге сәйкес жүзеге асырады.
Тармақ 3
3. Агенттік заңды тұлға болып табылады, өз атауы мемлекеттік тілде жазылған мөрі мен мөртаңбасы, белгіленген үлгідегі бланкілері, сондай-ақ заңдарға сәйкес банктерде шоттары болады.
Тармақ 4
4. Агенттік өз құзыретіндегі мәселелер бойынша заңдарда белгіленген тәртіппен бұйрықтар түрінде актілер шығарады, олардың Қазақстан Республикасының барлық аумағында міндетті күші болады.
Тармақ 5
5. Агенттік туралы Ережені, оның құрылымы мен жалпы штат санын Агенттік Төрағасының (бұдан әрі - Төраға) ұсынуы бойынша Қазақстан Республикасының Президенті бекітеді.
Тармақ 6
6. Агенттіктің заңдық мекен-жайы:
473000, Астана қаласы, Бейбітшілік көшесі, 2.
Тармақ 7
7. Республикалық мемлекеттік органның толық атауы - Қазақстан
Республикасының Стратегиялық жоспарлау жөніндегі агенттігі.
Тармақ 8
8. Мемлекет Қазақстан Республикасының Президенті атынан Агенттіктің құрылтайшысы болып табылады.
Агенттік туралы осы Ереже оның құрылтай құжаты болып табылады.
Тармақ 9
9. Агенттіктің қызметін қаржыландыру тек республикалық бюджеттен ғана жүзеге асырылады.
Тарау 2. 2. Агенттіктің міндеттері, функциялары мен құқықтары
2. Агенттіктің міндеттері, функциялары мен құқықтары
Тармақ 10
10. Агенттіктің негізгі міндеттері:
Тармақша 1
1) стратегиялық жоспарлар әзірлеу және олардың іске асырылуын бақылау;
Тармақша 2
2) Қазақстан Республикасының Мемлекет басшысы мен Қазақстан Республикасының Үкіметін стратегиялық жоспарларды іске асыру барысы туралы хабардар етіп отыру;
Тармақша 3
3) стратегиялық жоспарлау жүйесін қалыптастыру және жетілдіру;
Тармақша 4
4) Қазақстан Республикасының қаржы-экономикалық, әлеуметтік, әскери-стратегиялық, сыртқы және ішкі саясатының негізгі бағыттарын қалыптастыру жөнінде ұсыныстарды талдап жасау;
Тармақша 5
5) мемлекеттік бағдарламаларды стратегиялық жоспарлармен үйлестіруді қамтамасыз ету болып табылады.
Тармақ 11
11. Агенттік заңдарда белгіленген тәртіппен мынадай функцияларды жүзеге асырады:
Тармақша 1
1) стратегиялық жоспарлардың іске асырылуын талдайды және бақылап отырады;
Тармақша 2
2) мемлекеттік органдардың стратегиялық жоспарларды әзірлеу және іске асыру жөніндегі қызметін үйлестіреді;
Тармақша 3
3) стратегиялық жоспарлардың іске асырылу барысы туралы ақпараттық-талдау материалдарын дайындайды;
Тармақша 4
4) стратегиялық жоспарлауды қолданудың халықаралық практикасын талдайды және қорытады;
Тармақша 5
5) Қазақстан Республикасында стратегиялық жоспарлау жүйесін жетілдіру жөнінде ұсыныстар енгізеді;
Тармақша 6
6) мемлекеттің әлеуметтік-экономикалық саясатын талдайды;
Тармақша 7
7) экономиканың стратегиялық секторларында және табиғи монополияға жататын салада жұмыс істейтін шаруашылық жүргізуші субъектілер қызметінің нәтижелерін талдайды;
Тармақша 8
8) Қазақстан Республикасының ішкі және сыртқы саясатының негізгі бағыттарын қалыптастыру жөнінде ұсыныстар енгізеді;
Тармақша 9
9) халықаралық экономикалық және қаржы ұйымдарымен ынтымақтастық жөнінде ұсыныстар енгізеді;
Тармақша 10
10) стратегиялық жоспарларға сәйкес бюджет саясатын және сырттан қарыз алу саясатын қалыптастыру жөнінде, сондай-ақ қарыз алу процесі мен мемлекеттік борышты басқаруды жетілдіру жөнінде ұсыныстар енгізеді;
Тармақша 11
11) мемлекеттік басқару жүйесін жетілдіру жөнінде ұсыныстар енгізеді;
Тармақша 12
12) әзірленетін Мемлекеттік бағдарламалар жобаларына стратегиялық жоспарларға сәйкестігі тұрғысында талдау жасайды;
Тармақша 13
13) өзіне Қазақстан Республикасының заңдарымен және Қазақстан Республикасы Президентінің актілерімен жүктелген өзге де функцияларды жүзеге асырады.
Тармақ 12
12. Агенттік заңдарда белгіленген тәртіппен өзіне жүктелген міндеттерді іске асыру және өз функцияларын жүзеге асыру үшін:
Тармақша 1
1) Қазақстан Республикасының Мемлекет басшысы мен Үкіметіне стратегиялық жоспарларды әзірлеу, түзету және іске асыру жөнінде ұсыныстар енгізуге;
Тармақша 2
2) мемлекеттік органдардан, лауазымды тұлғалардан және ұйымдардан өзінің құзыретіне жататын мәселелер жөнінде материалдар сұратуға және алуға;
Тармақша 3
3) мемлекеттік органдар үшін стратегиялық жоспарларды іске асыру жөніндегі есептіліктің нысандары мен мерзімдерін белгілеуге;
Тармақша 4
4) өз құзыреті шегінде халықаралық ұйымдармен және шетелдік заңды тұлғалармен келіссөздер жүргізуге және келісімдер жасасуға;
Тармақша 5
5) Қазақстан Республикасының дамуы жөніндегі ұсыныстарды талдап жасау үшін Агенттік жанынан консультативтік-кеңесші органдарды, комиссиялар және жұмыс топтарын, сондай-ақ ғалымдар мен мамандарды, соның ішінде шетелдіктерін тартуға;
Тармақша 6
6) мемлекеттік органдар, сондай-ақ экономиканың стратегиялық секторларында жұмыс істейтін өзге де ұйымдар өткізетін отырыстар мен кеңестерге қатысуға;
Тармақша 7
7) мемлекеттік органдардың лауазымды тұлғаларын оларға стратегиялық жоспарлармен жүктелген міндеттерді атқармағаны,
сондай-ақ стратегиялық жоспарларға қайшы келетін іс-әрекеттері үшін тәртіптік жауапкершілікке тарту туралы Қазақстан Республикасы Президентінің Әкімшілігіне және Қазақстан Республикасының Үкіметіне ұсыныстар енгізуге хақылы.
Тарау 3. 3. Агенттіктің мүлкі
3. Агенттіктің мүлкі
Тармақ 13
13. Агенттіктің жедел басқару құқығында оқшауланған мүлкі болады.
Агенттік мүлкі оған мемлекет берген мүлік есебінен құралады және ол республикалық меншікке жатады.
Тармақ 14
14. Агенттік өзіне бекітілген мүлікті өздігінен иеліктен айыруға немесе өзге жолмен басқаруға хақылы емес.
Агенттікке заңдармен белгіленген жағдайларда және шекте мүлікке иелік ету құқығы берілуі мүмкін.
Тармақ 15
15. Қазақстан Республикасы Президентінің Іс Басқармасы Агенттікке материалдық-техникалық қызмет көрсетуді қамтамасыз етеді.
Тарау 4. 4. Агенттік қызметін ұйымдастыру
4. Агенттік қызметін ұйымдастыру
Тармақ 16
16. Агенттікті Қазақстан Республикасының Президенті қызметке тағайындайтын және қызметтен босататын Төраға басқарады.
Тармақ 17
17. Агенттік Төрағасының орынбасары болады, оны Төрағаның ұсынуы бойынша Қазақстан Республикасының Президенті қызметке тағайындайды және қызметтен босатады.
Тармақ 18
18. Төраға:
Тармақша 1
1) Агенттік қызметіне басшылық етеді және Агенттікке жүктелген міндеттердің, сондай-ақ Қазақстан Республикасы Президенті актілерінің сапалы орындалуына дербес жауап береді;
Тармақша 2
2) Агенттік Төрағасы орынбасарының және құрылымдық бөлімшелері басшыларының өкілеттіктері мен міндеттерін айқындайды;
Тармақша 3
3) Агенттіктің құрылымдық бөлімшелерінің ережелерін бекітеді;
Тармақша 4
4) Агенттік қызметкерлерін қызметке тағайындайды және қызметтен босатады;
Тармақша 5
5) мемлекеттік органдарда және басқа ұйымдарда Агенттік атынан өкілдік етеді;
Тармақша 6
6) Агенттіктің құзыретіне кіретін басқа да мәселелер бойынша шешімдер қабылдайды.
Тармақ 19
19. Агенттік қабылдайтын шешімдер Төрағаның бұйрықтарымен ресімделеді.
Тармақ 20
20. Төрағаның орынбасары Төраға болмаған кезде оның міндеттерін атқарады және өзіне Төраға жүктеген міндеттерді
орындайды.
Тармақ 21
21. Агенттікте консультативтік-кеңесші орган - алқа құрылады. Алқаның саны мен дербес құрамын Агенттік Төрағасы бекітеді.
Тарау 5. 5. Агенттікті қайта ұйымдастыру және тарату
5. Агенттікті қайта ұйымдастыру және тарату
Тармақ 22
22. Агенттік заңдарда белгіленген тәртіппен қайта ұйымдастырылады және таратылады.
Басқа 71. Қазақстан Республикасының Стратегиялық жоспарлау жөніндегі агенттігінің құрылымы
Қазақстан Республикасы
Президентінің
1999 жылғы 28 қарашадағы
N 271 Жарлығымен
бекітілген
Қазақстан Республикасының Стратегиялық жоспарлау жөніндегі агенттігінің құрылымы
Басшылық
Стратегиялық жоспарлау және бақылау департаменті
Әлеуметтік-экономикалық талдау департаменті