О создании государственного учреждения "Управление юстиции города Приозерск Департамента юстиции Карагандинской области Министерства юстиции Республики Казахстан" Қолданыста

"Қазақстан Республикасы Әділет министрлігі Қарағанды облысының Әділет департаменті Приозерск қаласының Әділет басқармасы" мемлекеттік мекемесін құру туралы Қазақстан Республикасының Үкіметі ҚАУЛЫ ЕТЕДІ:

1. Бекітілген штат санының лимиті шегінде «Қазақстан Республикасы Әділет министрлігі Қарағанды облысының Әділет департаменті Приозерск қаласының Әділет басқармасы» мемлекеттік мекемесі (бұдан әрі - мекеме) құрылсын.

2. Мекемені қаржыландыру республикалық бюджетте Қазақстан Республикасы Әділет министрлігіне көзделген қаражат есебінен және шегінде жүзеге асырылады деп белгіленсін.

3. Қазақстан Республикасы Әділет министрлігі заңнамада белгіленген тәртіппен:

1) Мекеменің ережесін бекітсін және оның мемлекеттік тіркелуін қамтамасыз етсін;

2) Қарағанды облысының әкімдігімен бірлесіп, осы қаулыдан туындайтын өзге де шараларды қабылдасын.

4. «Қазақстан Республикасы Әділет министрлігінің кейбір мәселелері» туралы Қазақстан Республикасы Үкіметінің 2004 жылғы 28 қазандағы № 1120 қаулысына (Қазақстан Республикасының ПҮАЖ-ы, 2004 ж., № 41, 532-құжат) мынадай толықтыру енгізілсін: көрсетілген қаулымен бекітілген Қазақстан Республикасы Әділет министрлігінің аумақтық органдары - мемлекеттік мекемелерінің тізбесі мынадай мазмұндағы 135-1-тармақпен толықтырылсын: «135-1. Қазақстан Республикасы Әділет министрлігі Қарағанды облысының Әділет департаменті Приозерск қаласының Әділет басқармасы».

5. Осы қаулы қол қойылған күнінен бастап қолданысқа енгізіледі.