О мерах по оздоровлению воздушного бассейна Алматинской области Күшін жойған

Алматы облысының әуе бассейнін тазарту шаралары туралы 📌 Ескерту. Күші жойылды - Алматы облысы әкімінің 24.08.2004 № 8-87 шешімімен. Әуе бассейнін тазарту мен ауаға зиянды заттар тастамасы бөлінуін кеміту мақсатында және Қазақстан Республикасының "Қоршаған ортаны қорғау туралы" Заңындағы 55-баптың талаптарына сәйкес облыс Әкімі ШЕШІМ ҚАБЫЛДАДЫ:

1. Алматы облысының аумағында жанар-жағармай материалдарына зиянды тастаманың бөлінуін едәуір кемітетін қоспаларды міндетті түрде қолдану енгізілсін.

2. Алматы облыстық қоршаған ортаны қорғау басқармасы (А.А. Айтжанов): - "Экспрус" фирмасымен бірлесе отырып, облыстық әуе бассейнін жанар-жағармай материалдарына қоспа қосу жолымен қорғау шараларын жасасын; - іс-шаралар жоспарының жүзеге асырылуын қамтамасыз етсін.

3. Осы шешімнің 1 тармағындағы талап Алматы облысының аумағымен жүретін автокөліктердің барлығына қойылады.

4. "Көлікке фирмалық қызмет көрсету орталығы" мемлекеттік жол кәсіпорнының Алматы облыстық филиалы (К.Т. Наратауов) Алматы облыстық қоршаған ортаны қорғау басқармасының келісімінсіз мұнай өнімдері тиелген вагондарды кірме жолдарға алып келмесін.

5. Көлік және байланыс бөлімі (М.Қ. Исатаев), облыс Әкімінің 1999 жылғы 2 қаңтардағы N 2-22 шешіміне өзгерістер мен толықтырулар енгізу жөнінде ұсыныстар берсін.

6. Осы шешімнің орындалуын бақылау облыс Әкімінің бірінші орынбасары Ә.Ә. Тойбаевқа жүктелсін.