О некоторых мерах по реализации международной стипендии "Болашак" Қолданыста

"Болашақ" халықаралық стипендиясын іске асыру бойынша кейбір шаралар туралы Қазақстан Республикасы Үкіметінің 2008 жылғы 1 маусымдағы № 573 қаулысымен бекітілген «Болашақ» халықаралық стипендиясын тағайындау үшін үміткерлерді іріктеу қағидаларын іске асыру мақсатында БҰЙЫРАМЫН:

1. Өз бетімен түскен үміткерлер санаты бойынша «Болашақ» халықаралық стипендиясын тағайындау конкурсына қатысу үшін құжаттар қабылдаудың қосымша мерзімі 2012 жылғы 19 қараша мен 30 қараша аралығы болып белгіленсін.

2. Стратегиялық жоспарлау және ақпараттық технологиялар департаменті (А.Ә. Нұрмағамбетов):

1) Қазақстан Республикасы Әділет министрлігінде осы бұйрықтың белгіленген тәртіппен мемлекеттік тіркелуін;

2) мемлекеттік тіркеуден өткеннен кейін оның бұқаралық ақпарат құралдарында ресми жариялануын қамтамасыз етсін.

3. Баспасөз қызметі Қазақстан Республикасы Білім және ғылым министрлігінің веб-сайтында «Болашақ» халықаралық стипендиясына құжаттар қабылдау мерзімдері туралы ақпаратты жарияласын.

4. Осы бұйрықтың орындалуын бақылау вице-министр С.Б. Шаяхметовке жүктелсін.

5. Осы бұйрық алғашқы ресми жарияланған күнінен бастап қолданысқа енгізіледі.