О координационном Совете по борьбе с преступностью и коррупцией Күшін жойған

Қылмыскерлiк және жемқорлықпен күрес жөнiндегi үйлестiру кеңесi туралы Евскерту. Күші жойылды - Алматы қаласы Әкімшілігінің 17.11.2003 N 5/683 қаулысымен. Қазақстан Республикасы Президентiнiң 2000 жылғы 20 сәуiрдегi "Қылмыскерлiк және жемқорлықпен күрес жүйесiн жақсарту жөнiндегi шаралар туралы" Жарлығын жүзеге асыру, атқарушы, құқық қорғау және басқа мүдделi мемлекеттiк органдардың аталған мiндеттердi орындау жолындағы қызметтерiн жақсы үйлестiру мақсатында Алматы қаласының Әкiмi ШЕШIМ ҚАБЫЛДАДЫ :

1. Алматы қаласы Әкiмiнiң жанынан Қылмыскерлiк және жемқорлықпен күрес жөнiндегi үйлестiру кеңесi құрылсын және оның жеке құрамы бекiтiлсiн (N1 қосымша);

2. Қылмыскерлiк және жемқорлықпен күрес жөнiндегi үйлестiру кеңесi туралы Ереже бекiтiлсiн (N 2 қосымша);

3. Кеңестiң жұмысшы органы Алматы қаласы Әкiмi аппаратының мемлекеттiк-құқықтық бөлiмi болып белгiленсiн;

4. Осы шешiмнiң орындалуына бақылауды өзiме қалдырамын.

Алматы қаласы әкiмiнiң 2000 жылғы 16 мамырдағы N 468 шешiмiне N 1 қосымша Қылмыскерлiк және жемқорлықпен күрес жөнiндегi үйлестiру кеңесiнiң ЖЕКЕ ҚҰРАМЫ Кеңес төрағасы Храпунов Виктор - Алматы қаласының әкiмi Вячеславович Кеңес хатшысы Сатаев Жұманәлi Құрманәлiұлы - Алматы қаласы әкiмi аппараты мемлекеттiк-құқықтық бөлiмнiң меңгерушiсi Кеңес мүшелерi: Әлиев Рахат Мұхтарұлы - Алматы қаласы мен Алматы обысының ҰҚКД бастығы Мерзадинов - Алматы қаласының прокуроры Ерғали Серікбайұлы Касымов - Алматы қалалық IIББ бастығы Қалмұханбет Нұрмұханбетұлы Абдоллаев Сәкен - Алматы қалалық Әдiлет басқармасының Жүсіпахметұлы бастығы

Алматы қаласы әкiмiнiң 2000 жылғы 16 мамырдағы N 468 шешiмiне N 2 қосымша Алматы қаласы әкімінің жанындағы қылмыскерлік және жемқорлықпен күрес жөніндегі үйлестіру Кеңесі туралы ЕРЕЖЕ

І. Жалпы ережелер

1.1. Қылмыскерлік және жемқорлықпен күрес жөніндегі үйлестіру Кеңесі (бұдан әрі - Кеңес) Алматы қаласы әкімінің жанындағы ақыл-кеңес беру органы болып табылады және қылмыскерлік және жемқорлықпен күресті ұйымдастыру мәселелерінде атқарушы, құқық қорғау және өзге мемлекеттік органдардың қызметтерін ведомствоаралық үйлестіруді қамтамасыз етеді.

1.2. Кеңес өз қызметін Қазақстан Республикасының Конституциясы мен заңдарына, еліміздің Президенті мен Үкіметінің актілеріне, Алматы қаласы Әкімінің шешімдері мен өкімдеріне, сондай-ақ осы Ережеге сәйкес жүргізеді.

1.3. Кеңес құрамын Алматы қаласының әкімі анықтайды және бекітеді.

ІІ. Кеңестің негізгі мақсаты

2.1. Кеңестің негізгі мақсаты мен міндеті мыналар болып табылады:

1) қаланың атқарушы, құқық қорғау және басқа мемлекеттік органдарының қылмыскерлік және жемқорлықпен күресті ұйымдастыру салаларында құқық тәртібі мен заңдылықты нығайтуда ведомствоаралық үйлестіру қызметін қамтамасыз ету болып табылады;

2) қаладағы қалыпты құқықтық жағдайды талдау, қылмыскерлік және жемқорлықпен күресті күшейту жөніндегі шаралар жоспарын қарау және бекіту;

3) ішкі істер қызметтері, прокуратура, Ұлттық қауіпсіздік, салық және кеден қызметтері, Салық полициясы органдарының қылмыскерлік және жемқорлықпен күрес жөніндегі қызметінің аясын дамыта түседі;

4) Қазақстан Республикасының заңдарын, еліміздің Президенті мен Үкіметінің актілерін, Алматы қаласы Әкімінің шешімдері мен өкімдерін, атқарушы, құқық қорғау және өзге мемлекеттік органдардың қылмыскерлік және жемқорлықпен күрес мәселелері жөніндегі орындаушылық мүмкіншіліктерін зерттеу;

5) атқарушы, құқық қорғау және басқа мемлекеттік органдардың қаладағы құқық қорғауды және заңдылықтарды қамтамасыз ету жөніндегі жұмыстарына нұсқамалар әзірлеу.

ІІІ. Кеңестің қызметі

3.1. Кеңес мынадай қызметтерді жүзеге асырады:

1) Кеңестің мәжілістерінде атқарушы, құқық қорғау органдарының қалада қылмыскерлік және жемқорлықпен күресті ұйымдастырудағы жағдайын қарастыру;

2) атқарушы, құқық қорғау және басқа мемлекеттік органдарының қылмыскерлік және жемқорлықпен күресті ұйымдастыру жөніндегі басшыларының есебін тыңдау;

3) жоғарыда аталған жұмыстарды жақсарту жөнінде нұсқаулық даярлау;

4) Кеңеске жүктелген өзге міндеттерді орындау.

ІV. Кеңестің өкілеттігі

4.1. Кеңес негізгі мақсаттарды жүзеге асыру және өз міндеттерін орындауда мынадай құқыққа ие болады:

1) атқарушы, құқық қорғау органдардан ақпараттарды, құжаттарды және материалдарды сұрастыруға және алуға;

2) қылмыскерлік және жемқорлықпен күресті ұйымдастыру жөнінде ұсыныстарды және нұсқаулықтарды әзірлеу, құқық қорғау және өзге мемлекеттер органдарының қызметкерлерін Кеңестің мәжілісіне материалдарды әзірлеу үшін тарту.

V. Кеңестің жұмысын ұйымдастыру

5.1. Кеңес жоспарға сәйкес жұмыс істейді. Оның мәжілісі ай сайын және қажеттігіне қарай өткізіледі.

5.2. Кеңес мәжілісін Төраға немесе оның тапсырысымен Кеңестің бір мүшесі өткізеді. Оған Кеңес мүшелерінің жартысынан көбі қатысса ғана, құқылы болып есептеледі.

5.3. Кеңестің шешімі жай көпшілік дауыспен қабылданады, ол хаттамамен рәсімделіп, оны Төраға бекітеді.