Об упразднении села Маркатай и включении его территории в состав села Церковное Новомирского сельского округа Железинского района Павлодарской области Қолданыста

Марқатай ауылын тарату және оның аумағын Павлодар облысы Железин ауданы Новомир селолық округінің Церковное ауылының құрамына енгізу туралы Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабы 1-тармағының 4) тармақшасына, Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылысы туралы" Заңы 11-бабының 3) тармақшасына, Железин ауданы әкімдігі мен Железин аудандық мәслихатының 2012 жылғы 22 маусымдағы "Павлодар облысы Железин ауданы Новомир селолық округінің Марқатай ауылын тарату туралы" N 34-5/5 бірлескен қаулысы мен шешіміне, Павлодар облысы әкімдігінің 2012 жылғы 6 қыркүйектегі "Марқатай ауылын тарату және оның аумағын Павлодар облысы Железин ауданы Новомир селолық округінің Церковное ауылының құрамына енгізу туралы" N 255/9 қаулысына сәйкес, Железин ауданы Марқатай ауылы тұрғындарының пікірін ескере отырып, Павлодар облысының әкімдігі ҚАУЛЫ ЕТЕДІ және Павлодар облыстық мәслихаты ШЕШІМ ЕТЕДІ:

1. Железин ауданының әкімшілік-аумақтық құрылысына келесі өзгерістер енгізілсін: елді мекен мәртебесінен айырылуына және оның аумағын Павлодар облысы Железин ауданы Новомир селолық округінің Церковное ауылының құрамына енгізуіне байланысты Маркатай ауылы таратылсын.

2. Осы қаулы мен шешімнің орындалуын бақылау облыстық мәслихаттың азаматтардың құқығы мен заңды мүдделерін қамтамасыз ету мәселелері жөніндегі тұрақты комиссиясына жүктелсін.

3. Осы қаулы мен шешім алғаш рет ресми жарияланғаннан кейін он күнтізбелік күн өткен соң қолданысқа енгiзiледi.