О рыбохозяйственном освоении водоемов Исатайского района Қолданыста

Исатай ауданының су айдындарын балық шаруашылығы үшін игеру туралы Каспий теңiзiнiң солтүстiк-батыс деңгейiнiң ұдайы көтерiлуiне байланысты, сонымен бiрге әлсiн-әлсiн теңiз суының тасқынынан балықтың тұншығу жағдайы туындап отыр. Исатай ауданы шегiнде теңiз жағалауының экологиялық жағдайын зерттеген комиссия ұсынысын қарап, ШЕШІМ ЕТЕМІН:

1. ҚР Үкiметiнiң № 1480 1996 жылдың 4 желтоқсанындағы қаулысымен бекiтiлген балық аулау Ережесiнiң 9-бабын басшылыққа ала отырып, Каспий теңiзiнiң Мартыши мекенiнен Құрманғазы ауданының қамысты аймағындағы шекарасына дейiнгi жа¬алау балық тұншы¬у қауiптiлiгi бар балық шаруашылығы су айдыны деп танылсын.

2. Исатай ауданының әкiмi (Н.Мұхтаров): - табиғатты пайдаланушыларға балық тұншығу қаупi бар телiмдердi бекiтiп берсiн; - балық аулау кәсiпшiлiктерi телiмдерiн жабдықтауға жәрдем көрсетсiн; - жергiлiктi жерде балық қабылдауды қамтамасыз ететiн ұйымды iздестiрсiн; - жергiлiктi халықты қатыстыра отырып балық аулаушылар бригадасын, кооперативтердi, ЖШС құратын болсын.

3. Табиғи ресурстар мен қоршаған ортаны қорғау министрлiгiнiң Солтүстiк-Каспий аймақтық биоресурстарды қорғау жөнiндегi мекемесi (Қ.Сүлейменов): - балық тұншығу қауiптiлiгi бар су айдындарын бекiту үшiн келiсiмдер мен паспорттарды ресiмдесiн; - балық аулау кәсiпшiлiктерi билетi мен кеме жүру рұқсатын жазып берсiн; - балық тұншығу қаупi бар айдындарды балық шаруашылығы үшiн игеруге бақылау жасау мен ауланған балықты есепке алуды қамтамасыз етсiн.

4. Балық аулауға рұқсат алған табиғатты пайдаланушылар балық қорын сақтау жөнiндегi шаралар кешенiн әзiрлесiн және жүзеге асырсын (қамысты аумақты шабу, мәлөктердi құтқару, балықты мелиоративтiк аулау және т.б.).

5. Осы шешiмнiң орындалуына бақылау жасау облыс әкiмiнiң орынбасары Н.Мақашевқа жүктелсiн.