Об усилении охраны и защиты лесов, не входящих в состав фонда области Күшін жойған

Облыстың орман қорының құрамына кірмейтін ормандарды қорғауды күшейту туралы Күші жойылды - Батыс Қазақстан облысы әкімдігінің 08.12.2003 № 263 қаулысымен. Соңғы жылдары облыстың орман қорынан тыс өсіп тұрған ағаш-бұталы өсімдіктердің нашар қорғалуынан оны көптеп шауып алу жағдайлары кездесіп, осы арқылы табиғатқа орны толмас зиян келтіріліп отыр. Қазақстан Республикасы Орман кодексінің 66-бабына сәйкес орман қорына кірмейтін ағаш-бұталы өсімдіктерді қорғау мақсатында ШЕШІМ ЕТЕМІН:

1. Аудандар мен Орал қаласының әкімдері аумақтық органдар - облыстық айналадағы ортаны қорғау басқармасымен және облыстық орман, балық және аң шаруашылығы басқармасымен бірлесе отырып, орман қорының құрамына кірмейтін ағаш-бұталы өсімдіктерді қорғауды қамтамасыз ету жөнінде шаралар жасап бекітсін: - жерді пайдаланушылардың өз аумақтарында өсіп тұрған орман екпе ағаштарын қорғауға деген жауапкершілігі арттырылсын; - орман қорынан тыс өсіп тұрған ағаш-бұталы өсімдіктерді қорғау жөніндегі шараларға жұртшылық пен табиғатты қорғау жөніндегі штаттан тыс инспекторлар және ішкі істер органдарының тиісті қызметтері қатыстырылсын; - тұрғындар арасында орман екпе ағаштарын қорғау мәселесі жөнінде түсінік жұмыстары ұйымдастырылсын.

2. Облыстық орман, балық және аң шаруашылығы басқармасы шаруашылық жүргізуші субъектілерге аумақтарында өсіп тұрған орман екпе ағаштарын қорғауды ұйымдастыруға ұдайы әдістемелік көмектер көрсетуді және шаралардың орындалуын бақылауды жүзеге асыратын болсын.

3. Шешім бұқаралық ақпарат құралдарында мазмұндалып жариялансын.

4. Шешімнің орындалуын бақылау облыс әкімінің орынбасары В.К. Алексеевке жүктелсін.