Об упорядочении выпуска и реализации хлеба и хлебобулочных изделий Күшін жойған

Нан және тоқаш бұйымдарын шығару және сатуды ретке келтіру туралы 📌 Ескерту. Күші жойылды - Алматы облысы әкімінің 30.07.2004 № 7-82 шешімімен. Нан және тоқаш бұйымдарын шығару және сатуды ретке келтіру мақсатында және Қазақстан Республикасының 1997 ж. мамырдың 19-ғы "Қазақстан Республикасындағы азаматтардың денсаулығын сақтау туралы", 1994 ж. шілденің 8-гі "Халықтың санитарлық-эпидемиологиялық саулығы туралы" Заңдарына сәйкес облыс әкімі шешім қабылдады:

1. Алматы облысы әкімінің 1997 жылғы наурыздың 3-гі N 3-53 шешімі күшін жойған болып саналсын.

2. Аудандар және Талдықорған, Қапшағай, Текелі қалаларының әкімдері: - бейімделмеген үй-жайларда нан және тоқаш бұйымдарын шығаруға және сатуға тыйым салсын; - рұқсат етілмеген жерлерде, автомашиналардан нан және тоқаш бұйымдарын сатуға жол бермеу шараларын қолдансын.

3. Облыстық сауда және қызмет көрсету салалары кәсіпорындарының қызметін үйлестіру мен бақылау жөніндегі бөлім (Қ.Р.Ғалиева), нан және тоқаш бұйымдарын бөлшектеп сату тәртібінің сақталуына бақылауды күшейтсін.

4. Санитарлық-эпидемиологиялық қадағалау басқармасы (Ә.К.Талқымбаев) нан пісіру объектілеріне және кейбір жерлерде тоқаш бұйымдарын сату орындарына санитарлық-гигиеналық қадағалауды күшейтсін.

5. Осы шешімнің орындалуын қадағалау облыс Әкімінің орынбасарлары А.К.Кәрімоллинге және Ж.Ә. Әмірхановаға жүктелсін.

6. Осы шешім Әділет басқармасында тіркелген кезден бастап күшіне енеді.