О финансово-кредитной поддержке субъектов малого и среднего бизнеса, а также оптово-торговой заготовительной компании Күшін жойған

Шағын және орта бизнес субъектілерін, сондай-ақ көтерме сауда-дайындау компаниясын қаржы-несиелік қолдау туралы Ескертру. Күші жойылды - Алматы облысы әкімінің 30.07.2004 № 7-82 шешімімен. Қазақстан Республикасы Президентінің 1997 жылғы 6 наурыздағы "Шағын кәсіпкерлікті мемлекеттік қолдауды күшейтудің және дамытуды жандандырудың шаралары туралы" N 3398 Жарлығын орындауда, Қазақстан Республикасының "Шағын кәсіпкерлікті мемлекеттік қолдау туралы" 1997 жылғы 19 маусымдағы N 131-1 Заңына және облыстық Мәслихаттың 2000 жылғы 4 ақпандағы "Кәсіпкерлік пен шағын бизнесті қолдауға 2000 жылы облыс бюджетінен қосымша қаржы бөлу туралы" N 3-23 шешіміне сәйкес облыс Әкімі ШЕШІМ ҚАБЫЛДАДЫ:

1. Шағын және орта бизнес субъектілерін, сондай-ақ көтерме сауда-дайындау компаниясын несиелендіру тәртібі туралы ереже" қосымшаға сай бекітілсін.

2. Шағын және орта бизнес субъектілеріне, сондай-ақ көтерме сауда-дайындау компаниясына облыстық бюджет қаржысынан берілетін несиені бөлуші облыс Әкімінің орынбасары Т.Ж. Қожағапанов болып белгіленсін.

Алматы облысы Әкімінің 2000 ж. 3 наурыздағы N 3-63 шешіміне қосымша Шағын және орта бизнес субъектілерін, сондай-ақ көтерме сауда-дайындау компаниясын несиелендіру тәртібі туралы ЕРЕЖЕ

1. Кіріспе Шағын және орта бизнес субъектілерін, сондай-ақ көтерме сауда-дайындау компаниясын несиелендіру тәртібі туралы осы ереже (бұдан әрі - Ереже) Алматы облысында кәсіпкерлікті қолдауға облыстық бюджеттен бөлінген қаржыны жұмсаудың және несиелендірудің негізгі ережелерін айқындайды.

2. Жалпы ережелер Осы Ереже шағын және орта бизнесті, көтерме сауда-дайындау компаниясын несиелендіру қарқынын өсіру, несие ресурстарын реттеу және несиеге жол ашу мақсатында жасалды. Қаржы-несиелік қолдаудың негізгі қағидалары: - шағын және орта бизнес субъектілерінің, сондай-ақ көтерме сауда-дайындау компаниясының, облыстың шекара маңындағы және шалғай аудандарының несие ресурстарына қол жеткізуі; - меншік түріне қарамастан жобаларды қаржыландыру; - заемшыларды несиелендіруді, олар экономиканың басым секторындағы өндірістік қызметпен айналысқан, облыс үшін әлеуметтік маңызы бар қызметтер көрсеткен (жұмыстар орындаған), сондай-ақ азаматтарды еңбекке орналастыру үшін жұмыс орындарын ашқан жағдайда ғана жүзеге асыру болып табылады. Заемшыларды несиелендіруге облыстық бюджеттен бөлінген қаржыны олар қандай да болмасын борыштарын, соның ішінде еңбекақы жөніндегі, бюджетке төлемдер, т.б. қарыздарын жабу мақсатында жұмсауға тиісті емес.

3. Негізгі бөлім

3.1. Несиелендіру шарттары.

3.1.1. Несие ресурстары заемшыларға сыйақысыз (қызықтырусыз), яғни нольдік ставка бойынша беріледі.

3.1.2. Заемшыларды несиелендіру осы Ереженің 3.2. тармағына сәйкес жүргізіледі.

3.1.3. Несие заемшыларға үш айдан тоғыз айға дейін беріледі.

3.2. Жобаларды қарау тәртібі.

3.2.1. Іріктеуден өткен, аудан әкімі қол қойған жобалар, жобалар тізбесін құрайды.

3.2.2. Жобалардың, экономика басымдықтарына, қайтымдылық талаптарына сәйкестігі, бизнес-жоспар мен қажетті құжаттар пакетінің болуы қаралады.

3.2.3. Жобаны, оны жүзеге асырудың экономикалық тиімділігін негізге ала отырып, аудан әкімінің орынбасары қорғайды.

3.2.4. Заемшы іс жүзіндегі несие саясатына сәйкес құжаттар пакетін тапсырады.

3.2.5. Бюджет қаржысынан несиелендіру туралы ұсыныстар облыс Әкімінің орынбасары Т.Ж. Қожағапановтың бекітуіне тапсырылады.

3.2.6. Сараптаудан өтпеген жобалар пысықтау үшін заемшыға қайтарылады.

3.3. Жобаларды қаржыландыру тәртібі

3.3.1. Комитеттің шотына бюджеттен қаржы аударуды облыс Әкімінің орынбасары Т.Ж. Қожағапанов қол қойған комитет тапсырысы бойынша облыстық қаржы басқармасы жүзеге асырады.

3.3.2. Несие шартына заемшы және облыс Әкімінің орынбасары Т.Ж. Қожағапанов қол қояды.

3.3.3. Бюджет қаржысын мақсатты жұмсауға бақылау жасау облыс Әкімінің орынбасары Т.Ж. Қожағапановқа жүктеледі.

3.4. Несиені қайтару шарттары

3.4.1. Заемшы бөлінген несие ресурстарын облыс бюджетіне несиені қайтару мерзімі біткенге дейін қайтарады.

3.4.2. Комитет ақшаны облыстық бюджеттің шотына мына реквизиттер бойынша аударады: СТН (РНН)090100000439, есеп айырысу шоты 000080000 МФО 190501066, Код 066, "бюджеттен бөлінген өзге де несиелерді қайтару" 501209 төлем коды бойынша.