Об утверждении Соглашения об обеспечении информационной безопасности в рамках общих таможенных процессов в государствах-членах Евразийского экономического сообщества Қолданыста

Еуразиялық экономикалық қоғамдастыққа мүше мемлекеттердегі жалпы кедендік үдерістер шеңберінде ақпараттық қауіпсіздікті қамтамасыз ету туралы келісімді бекіту туралы Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған 2011 жылғы 19 мамырда Минск қаласында жасалған Еуразиялық экономикалық қоғамдастыққа мүше мемлекеттердегі жалпы кедендік үдерістер шеңберінде ақпараттық қауіпсіздікті қамтамасыз ету туралы келісім бекітілсін.

2. Осы қаулы қол қойылған күнінен бастап қолданысқа енгізіледі.

Қазақстан Республикасы Үкiметiнiң 2013 жылғы 24 қаңтардағы № 30 қаулысымен бекітілген Еуразиялық экономикалық қоғамдастыққа мүше мемлекеттердегі жалпы кедендік үдерістер шеңберінде ақпараттық қауіпсіздікті қамтамасыз ету туралы КЕЛІСІМ Бұдан әрі Тараптар деп аталатын Еуразиялық экономикалық қоғамдастыққа мүше мемлекеттердің үкіметтері, 2001 жылғы 19 желтоқсандағы Еуразиялық экономикалық қоғамдастыққа мүше мемлекеттердің кеден органдары арасында тауарлар мен көлік құралдарын өткізу туралы ақпарат алмасуды ұйымдастыру туралы хаттаманы, 2009 жылғы 9 маусымдағы Еуразиялық экономикалық қоғамдастыққа мүше мемлекеттер кеден қызметтерінің қызметінде ақпараттық технологияларды қолдануға бірыңғай тәсілдер туралы келісімді және 2009 жылғы 9 маусымдағы Еуразиялық экономикалық қоғамдастыққа мүше мемлекеттер кеден қызметтерінің ақпараттық өзара іс-қимылының бірыңғай қағидаттары туралы келісімді басшылыққа ала отырып, Еуразиялық экономикалық қоғамдастыққа мүше мемлекеттердегі жалпы кедендік үдерістерді бақылау кезінде автоматтандырылған жүйелердің өзара іс-қимылының ақпараттық қауіпсіздігін қамтамасыз ету мақсатында, Еуразиялық экономикалық қоғамдастыққа мүше мемлекеттердің аумақтары арқылы тауарлар мен көлік құралдарын өткізуді жеделдету мен жеңілдету үшін жағдайлар жасау мақсатында, төмендегілер туралы келісті:

1-бап

1. Осы Келісімнің мақсаттары үшін мынадай терминдер мен анықтамалар пайдаланылады: электрондық хабарлама – ақпараттық-телекоммуникациялық желіні пайдаланушы берген немесе алған ақпарат; ақпарат – ұсынылу нысанына қарамастан, адамдар, заттар, фактілер, оқиғалар, құбылыстар және үдерістер туралы мәліметтер; ақпараттың құпиялылығы – белгілі бір ақпаратқа қол жеткізуді алған тұлғаның мұндай ақпаратты оның иесінің келісімінсіз үшінші тұлғаларға бермеу және осы ақпаратты санкцияланбаған қол жеткізуден қорғауды қамтамасыз ету талабын орындау үшін міндетті талап.

2. Осы Келісімде айқындалмаған ұғымдар Тараптар мемлекеттерінің басқа да халықаралық шарттарында белгіленген мәндерде пайдаланылады.

2-бап

1. Еуразиялық экономикалық қоғамдастыққа мүше мемлекеттердегі жалпы кедендік үдерістерді бақылау кезінде электрондық хабарламалармен ақпараттық алмасу берілетін ақпараттың қауіпсіздігін қамтамасыз ететін, Тараптар мемлекеттерінің уәкілетті органдары пайдалануға мақұлдаған құралдарды пайдалана отырып жүзеге асырылады.

2. Электрондық хабарламаларда Тараптар мемлекеттерінің заңнамасына сәйкес оларға қол жеткізу шектелетін ақпарат қамтылмауы тиіс. Ақпараттық алмасу үдерісінде алынған ақпарат тек кедендік мақсаттарда пайдаланылады.

3-бап Тараптар мемлекеттерінің кеден қызметтері Тараптар заңнамасына сәйкес ақпараттық алмасу үдерісінде берілетін ақпаратты өздерінің автоматтандырылған ақпараттық жүйелерін қорғау бойынша шараларды дербес қабылдайды. Қабылданған шаралар:

а) ақпараттық-есептеу ресурстарын бағдарламалық (компьютерлік) вирустармен зақымданудан қорғауды;

б) ақпарат алмасу кезінде іске қосылған есептеу техникасының құралдары мен телекоммуникациялық жабдыққа санкцияланбаған қол жеткізуден қорғауды;

в) электрондық хабарламалармен ақпараттық алмасу кезінде алынған ақпаратқа санкцияланбаған қол жеткізуден қорғауды;

г) дербес автоматтандырылған ақпараттық жүйелерде де құпиялығын және сол сияқты ақпараттық алмасу кезінде де желіаралық өзара іс-қимыл кезінде желілік қауіпсіздікті қамтамасыз етуді;

д) ақпаратты өңдеу және дербес автоматтандырылған ақпараттық жүйелерде жіберу кезінде оның тұтастығын, қол жетімділігін және құпиялылығын;

е) шабуылдарды анықтауды және оның қорғалуын талдауды қамтамасыз етуі тиіс.

4-бап

1. Электрондық хабарламалармен тікелей ақпараттық алмасу электрондық хабарламалардың кепілдік берілген жеткізілуін және көліктік деңгейде берілетін деректердің қорғалуын қамтамасыз ететін жүйелерді пайдалана отырып, Тараптар мемлекеттерінің кеден қызметтері арасында жүзеге асырылады.

2. Жіберілетін ақпараттың құрамын, форматын, құрылымын, сондай-ақ оны беру регламентін Тараптар мемлекеттерінің кеден қызметтері екіжақты және көпжақты негізде келіседі.

3. Осы Келісімге сәйкес ақпараттық өзара іс-қимылды қамтамасыз ету үшін қажетті есептеу техникасына, бағдарламалық құралдар мен байланыс құралдарына қойылатын талаптар Тараптар мемлекеттерінің кеден қызметтері арасындағы ақпараттық өзара іс-қимылдың техникалық шарттарында және халықаралық стандарттарда айқындалады.

5-бап

1. Еуразиялық экономикалық қоғамдастыққа мүше мемлекеттердегі жалпы кедендік үдерістерді бақылау кезінде ақпараттық өзара іс-қимылға:

а) ақпарат алмасу нәтижесінде алынатын электрондық хабарламалардың заңдық маңыздылығын қамтамасыз ету бойынша;

б) электрондық хабарламалармен ақпараттық алмасу кезінде электрондық цифрлық қолтаңбаны пайдалану бойынша міндетті талаптар қойылмайды.

2. Тараптар Тараптар мемлекеттерінің заңнамасына сәйкес берілетін электрондық хабарламаларға заңдық маңыздылық беру және электрондық хабарламалардың электрондық цифрлық қолтаңбасын пайдалану туралы екіжақты және көпжақты негізде қосымша келісімдер жасасуы мүмкін.

6-бап Тараптар мемлекеттерінің кеден қызметтері ақпараттық өзара іс-қимыл кезінде пайдаланылатын ақпаратты қорғау құралдарын жарақтандыруды, баптауды, пайдалануды, басқаруды және мониторингілеуді дербес қамтамасыз етеді.

7-бап Осы Келісімнің ережелері Тараптар мемлекеттерінің кеден қызметтерін өздерінің дербес автоматтандырылған ақпараттық жүйелерінде Еуразиялық экономикалық қоғамдастыққа мүше мемлекеттердегі жалпы кедендік үдерістерді бақылау кезінде автоматтандырылған жүйелердің ақпараттық өзара іс-қимылы кезінде ақпаратты қорғаудың өзге, қосымша нысандары мен әдістерін қолдануды шектемейді.

8-бап

1. Осы Келісім белгіленбеген мерзімге жасалды және Тараптардың оның күшіне енуі үшін қажетті мемлекетішілік рәсімдерді орындауы туралы соңғы жазбаша хабарламаны депозитарий болып табылатын Еуразиялық экономикалық қоғамдастықтың Интеграциялық Комитеті алған күнінен бастап күшіне енеді.

2. Осы Келісім Еуразиялық экономикалық қоғамдастыққа кірген басқа мемлекеттердің қосылуы үшін ашық. Осы Келісімге қосылу туралы құжаттар депозитарийге сақтауға тапсырылады.

3. Қосылған мемлекеттерге қатысты осы Келісім депозитарийдің қосылу туралы құжатты алған күнінен бастап күшіне енеді.

9-бап Осы Келісімге өзгерістер енгізу Тараптардың келісімі бойынша жүзеге асырылады және тиісті хаттамалармен рәсімделеді.

10-бап

1. Осы Келісімнің ережелерін түсіндіруге және (немесе) қолдануға байланысты даулар келіссөздер мен консультациялар жолымен шешіледі.

2. Егер дау тараптары келіссөздер мен консультациялар жүргізу туралы ресми жазбаша өтініш жіберген күннен бастап алты ай ішінде олар арқылы дауды реттемесе, онда өзге уағдаластық болмаған кезде дау Тараптарының кез келгені бұл дауды Еуразиялық экономикалық қоғамдастықтың Сотына қарауға бере алады.

11-бап Тараптардың әрқайсысы шыққанға дейін кемінде алты ай бұрын өзінің осындай ниеті туралы депозитарийге жазбаша хабарлама жібере отырып, осы Келісімге сәйкес қабылданған өз міндеттемелерін алдын ала реттей отырып, осы Келісімнен шығуға құқылы. Осы Келісімге сәйкес алынған ақпаратты қорғау жөніндегі міндеттемелер оның қолданысының тоқтатылуына немесе қандай да бір Тараптың одан шығуына қарамастан күшінде қалады. 2011 жылғы 19 мамырда Минск қаласында орыс тілінде бір түпнұсқа данада жасалды. Осы Келісімнің түпнұсқа данасы Тараптарға оның куәландырылған көшірмесін жіберетін депозитарийде сақталады. Беларусь Қазақстан Қырғыз Республикасының Республикасының Республикасының Үкіметі үшін Үкіметі үшін Үкіметі үшін Ресей Тәжікстан Федерациясының Республикасының Үкіметі үшін Үкіметі үшін