Положение Об аттестации судебных экспертов Республики Казахстан Күшін жойған

ҚАЗАҚСТАН РЕСПУБЛИКАСЫ СОТ САРАПШЫЛАРЫН АТТЕСТАЦИЯЛАУ ТУРАЛЫ ЕРЕЖЕ 📌 Ескерту. Күші жойылды - ҚР Әділет министрінің 05.08.2005 № 214 бұйрығымен. Қазақстан Республикасының "Сот сараптамасы заңын" іске асыру мақсатында: БҰЙЫРАМЫН:

1. Қазақстан Республикасы сот сарапшыларын аттестациялау туралы Ереже бекітілсін.

2. Қазақстан Республикасы Әділет Министрлігінің Сот сараптамасы орталығында сот сарапшысы біліктілігін беру тәртібі туралы Ереже және Қазақстан Республикасы Әділет Министрлігі Сот сараптамасы орталығы жанында сот сарапшысы біліктілігін беру жөніндегі біліктілік комиссиясы қызметінің тәртібі туралы Нұсқау бекітілсін.

3. Осы бұйрықтың орындалуын қадағалау юстиция Вице-Министрі А.К. Дауылбаевқа жүктелсін.

I. ЖАЛПЫ ЕРЕЖЕЛЕР

1.1. Сот сарапшыларын аттестациялау Қазақстан Республикасы "Сот сараптамасы туралы" Заңының 16-бабына сәйкес жүзеге асырылады. Сот сарапшыларының аттестациясы сот сарапшыларының кәсіби біліктілігінің өсуін бағалау мен ынталандыру мақсатында жүргізіледі.

1.2. Аттестациядан Қазақстан Республикасы сот сараптамасы органдарының қызметкері болып табылатын сот сарапшылары, сондай-ақ Қазақстан Республикасының "Сот сараптамасы туралы" Заңының 10-бабы 2-тармағының талаптарын орындайтын, Қазақстан Республикасы Әділет Министрлігінің сот сараптамасы орталығы жанындағы немесе Қазақстан Республикасы Білім, мәдениет және денсаулық сақтау министрлігінің комиссиядан Сот-медицина орталығы жанындағы біліктілік емтиханын тапсыру нәтижесі бойынша сот сарапшысы біліктілігі берілген басқа да адамдар өтеді.

1.3. Қазақстан Республикасында сот-сараптама қызметін жүзеге асыру құқына лицензия алу үшін аттестациядан өту міндетті шарт болып табылады.

1.4. Сот сарапшыларын аттестациядан өткізу үшін Әділет министрінің бұйрығымен Әділет Министрлігінің жанынан Аттестациялық комиссия құрылады, ол тұрақты негізде жұмыс істейді.

1.5. Комиссия құрамына кіретіндер: Қазақстан Республикасының юстиция Вице-Министрі, Қазақстан Республикасы Әділет министрлігінің Сот сараптамасы орталығының директоры және оның орынбасары, Білім, мәдениет және денсаулық сақтау министрлігінің Сот медицина орталығы территориялық бөлімшелерінің аттестация өткізілетін жердегі басшылары.

1.6. Аттестацияланатын сарапшылардың материалдарын Қазақстан Республикасы Әділет министрлігінің Сот сараптамасы орталығы мен Қазақстан Республикасы Білім, мәдениет және денсаулық сақтау министрлігінің Сот медицина орталығы ұсынады.

1.7. Аттестациялық комиссияның Алматы мен Ақмола қаласындағы қызметін ұйымдық-техникалық қамтамасыз ету Әділет министрлігіне, ал облыс орталықтарында облыстық юстиция басқармаларына жүктеледі.

II. АТТЕСТАЦИЯНЫ ӨТКІЗУ ТӘРТІБІ

2.1. Аттестациялық комиссияға мына төмендегі материалдар ұсынылады: - Қазақстан Республикасы Әділет министрлігінің Сот сараптамасы Орталығы директорының немесе Білім, мәдениет және денсаулық сақтау министрлігінің Сот медицина орталығы директорының ұсынысы; - аттестациядан өтушінің кәсіптік дайындық дәрежесін, іскерлігін және адамгершілік қасиетін көрсететін мінездеме; - нотариус растаған жоғарғы білім туралы дипломның көшірмесі (аттестациядан өтушінің ғылыми дәрежесі және ғылыми атағы бар болса, онда диплом мен аттестаттың көшірмесі); - нотариус растаған сот сарапшысы біліктілігін беру туралы куәліктің көшірмесі; - өмірбаян; - жұмыс орны растаған кадрлардың есебін жүргізудің жеке парағы.

2.2. Осы ұсынылған материалдармен бірге аттестациядан өтушінің соңғы екі жылдағы көтермелеулері мен тәртіптілік жазалары туралы бұйрықтардың көшірмелері, сарапшылық қорытындылардың рецензиялары, сот сараптама орындарының ол туралы қабылданған шешімдері және арыздары туралы мәліметтер қоса ұсынылуы керек. Аттестациялық комиссияның қарауы бойынша аттестациядан өтуші адам туралы қосымша мәліметтер талап етілуі мүмкін.

2.3. Аттестациядан өтуші адам мінездемемен және басқа да материалдармен танысып, қол қоюы керек.

2.4. Комиссия материалдарды қарап шығады және тоқсанында бір рет сессия түрінде аттестация өткізеді.

2.5. Аттестациядан өтуші адамның кәсіптік деңгейі, адамгершілік және іскерлік қасиеттері комиссияның мәжілісіне алдын ала дайындық кезінде анықталады.

2.6. Аттестациядан өтуші адамға алдағы болатын аттестация туралы оның басталуынан 10 (он) күн бұрын жазбаша хабарлануы керек.

2.7. Аттестация мемлекеттік тілде немесе орыс тілінде, аттестациядан өтуші адамның қалауынша өткізіледі.

2.8. Аттестация берілген материалдар бойынша әңгімелесу түрінде өткізіледі.

2.9. Аттестациялық комиссияның мәжілісі, оның мүшелерінің жалпы санының кемінде үштен екісі болғанда ғана құқылы болады. Мәжілісте хаттама жүргізіледі, онда: мәжілістің уақыты, болған жері, комиссия құрамы, аттестациядан өтуші адамның аты-жөні жүргізілген әңгімелесудің қысқаша мазмұны жазылады. Комиссияның шешімі оның мүшелерінің көпшілік даусымен қабылданады. Дауыстар тең болған жағдайда, төрағаның дауысы шешуші болып табылады.

2.10. Аттестациялық комиссияның шешімі: - аттестациядан өтті; - аттестациядан өтпеді деген қорытынды түрде ресімделеді.

2.11. Шешім мен хаттамаларға төрағалық етуші мен комиссия мүшелері қол қояды. Шешіммен келіспеген комиссия мүшесі өзінің пікірін жазбаша түрде беруге құқылы.

2.12. Аттестацияның нәтижесі аттестациядан өтушіге дауыс берілгеннен кейін хабарланады.

2.13. Аттестациялық комиссияның қорытындысы адам аттестациядан өткеннен кейін беріледі.

2.14. Аттестациялық комиссияның материалдары тұрақты сақтауға жататын құжаттар категориясына жатады.

2.15. Аттестациялық комиссияның "аттестациядан өтпеді" деген шешіміне осы шешімнің көшірмесін алған күннен бастап 10 күн ішінде Қазақстан Республикасы Әділет министрлігіне шағымдануға болады. Сот сарапшысының аттестациядан өту туралы мәселесін қайта қарауға үш ай мерзім өткеннен кейін рұқсат етіледі.

2.16. Сот сараптамасы органдарының қызметкерлері болып табылатын адамдарды аттестациядан қайта өткізу бес жыл өткеннен кейін жүргізіледі. Басқа адамдарды аттестациядан қайта өткізу сот-сараптама қызметін жүзеге асыру құқына лицензияның әрекет мерзімі біткеннен кейін жүзеге асырылады.

2.17. Қайта аттестациялау осы Ережеде көзделген тәртіппен жүргізіледі.

1-қосымша Біліктілік комиссиясы мәжілісінің ХАТТАМАСЫ ___________________________________________________________________                         (сот-сараптама органының аты)                                                  "__"___________ 199 _ ж.      Мәжіліске қатысқандар _______________________________________________      егер біліктілік комиссиясының ___________________________________________________________________       мәжілісіне оның мүшелері емес мамандар қатысатын болса, ___________________________________________________________________       онда хаттамаға олардың аты-жөнімен бірге, жұмыс орны, __________________________________________________________________ лауазымы және мамандығы көрсетіледі Қазақстан Республикасы Әділет Министрлігінің Сот сараптамасы орталығында сот сарапшысы біліктілігін берудің тәртібі туралы Ережеге сәйкес Біліктілік комиссиясы: 1.__________________________________________________________________ аты-жөні, тегі, лауазымы ____________________________________________________________________ сараптама түрі, мамандығы ____________________________________________________________________ сот сарапшысы біліктілігін беру туралы _________________________________ ұсынысын; 2. ____________________________________________________мінездемесін; аты-жөні, тегі, лауазымы 3. _________________________________________________________ жасаған аты-жөні, тегі бақылау іс-жүргізу немесе сарапшы қорытындысының жобасын қарап шықты. ____________________________________________________________________ аты-жөні, тегі Білім деңгейін анықтау үшін _________________________________________ мынандай сұрақтар қойылды: __________________________________________ ____________________________________________________________________ ____________________________________________________________________ ____________________________________________________________________ оларға _____________________________________________ жауаптар берілді (дұрыс, дұрыс емес) Біліктілік комиссиясы шешті: Іс жүргізу құқығымен сот сарапшысы біліктілігін ____________________________________________________________________ ____________________________________________________________________ |берілсін Сот сарапшысы біліктілігін __________________________________________ беруден қалыс қалу _________________________________________________ (себебін көрсету) ____________________________________________________________________ Комиссия төрағасы: Хатшысы:

2-қосымша Сот сарапшысы біліктілігін беру туралы куәліктерді беруді тіркеу ЖУРНАЛЫ ___________________________________________________________________ | Рет | Куәлік | Куәлікті алған адамның | Куәлік | Алғандығы | саны | нөмірі | аты-жөні, тегі | берілген | жөнінде | | | | күн | қолы |______|_________|_________________________|____________|__________ | | | | | |______|_________|_________________________|____________|__________

3-қосымша СОТ САРАПШЫСЫНЫҢ КАРТОЧКАСЫ Фамилиясы, аты-жөні ______________________________________________________ Білімі ________________________________________________________________ (қандай жоғарғы оқу орнын, қашан бітірді) Ғылыми дәрежесі, атағы ___________________________________________________ ___________________________________________________________________ Лауазымы ___________________________________________________________________ (сот сарапшысы біліктілігін беру кезіндегі) Сот-сараптама ұйымдарындағы жұмыс стажы __________________________________ ___________________________________________________________________ ______________________________________ сарапшылық-біліктілік комиссиясының ___________________________________ 199 _ ж. " __ " ____________ шешімімен _____________________________________________________ N _________ хаттама ____________________________________________________ іс-жүргізу құқығымен ________________________________________________________________ сараптама мамандығы бойынша сот сараптамасы біліктілігі берілді. Сарапшылық-біліктілік комиссиясының 199 _ ж. " __ " _________________ __________________ шешімімен _________________________________________ ____________________________________________________________________ (қай түрі және қандай мамандықтар бойынша) сараптамалар жүргізуге қосымша құқық берілді. Сарапшылық-біліктілік комиссиясының 199 _ ж. " __ " _________________ __________________ шешімімен ____________________________________________ __________________________________________________________________ (қай түрі және қандай мамандықтар бойынша) сараптамалар жүргізу құқығы ұзартылды ______________________________________________________________ байланысты (себептерін көрсету керек) 199 __ ж. " ____ " ___________________________________ сараптамалар жүргізу құқығынан айырылды. Карточканың көлемі 210 х 148 мм.