Об упорядочении начисления пособий семьям, имеющим детей Күшін жойған

Балалары бар жанұяларға жәрдемақының есептелуін ретке келтіру туралы 📌 Ескерту. Күші жойылды - Алматы облысы Әкімінің 29.09.2004 № 9-96 шешімімен. Балалары бар жанұяларға жәредемақының есептелуiн және төленуiн ретке келтiру мақсатында және жәрдемақы алушылардың тiзiмiн ай сайын уақтылы Халық банкiсiне өткiзiп, оның төленуiн қамтамасыз ету үшiн облыс Әкiмi: ШЕШТI:

1. Балалары бар жұмыс iстейтiн және жұмыс iстемейтiн аналарға жәрдемақы тағайындайтын орган аудандық және қалалық халықты әлеуметтiк қорғау бөлiмдерi болып табылсын.

2. Аудан және қала әкiмдерi, облыстық, аудандық және қалалық халықты әлеуметтiк қорғау органдары мекеме, ұйым басшыларының арасында жұмыс iстейтiн аналарға балаларына тағайындалатын жәрдемақыны тағайындау тәртiбiнiң өзгеруiне байланысты түсiндiру жұмыстарын жүргiзсiн.

3. Облыстық қаржы басқармасы аудандық, қалалық халықты әлеуметтiк қорғау бөлiмдерiнiң жұмыс көлемiнiң ұлғаюына байланысты штаттық бiрлiктерiн көбейту мүмкiндiгiн қарастырсын.

4. Осы шешiмнiң орындалуын бақылау облыс әкiмiнiң орынбасары Ж.Әмiрхановаға жүктелсiн.