Об упорядочении государственных контрольных и надзорных функций Күшін жойған

Мемлекеттік бақылайтын және қадағалайтын функцияларды ретке келтіру туралы 📌 Ескерту. Күші жойылды - Қостанай облысы әкімінің 13.12.2004 № 55 шешімімен. "Мемлекеттік бақылау жасайтын және қадағалайтын функцияларды ретке келтіру туралы" Қазақстан Республикасы Президентінің 1999 жылғы 7 қыркүйектегі № 205 Жарлығын орындауда ШЕШТIМ:

1. Мемлекеттік коммуналдық, кәсіпорындардың құрылтайшы құжаттарын тексеру жөніндегі комиссия мына құрамда құрылсын: Толыбаев Марат Еркінұлы - Қостанай облыстық мемлекеттік мүлік және жекешелендіру департаментінің директоры, комиссия төрағасы Мамытбеков Асылжан Сарыбайулы - Қостанай облысы бойынша Қазынашылық басқармасының бастығы (келісім бойынша) Новикова Сақыпжан Жаркенқызы - Қостанай облысы бойынша Әділет басқармасының бастығы (келісім бойынша) Наурызбеков Марат Әбдібекұлы - облыс әкімі аппаратының мемлекеттік құқық бөлімінің меңгерушісі Харьяков Юрий Александрович - Қостанай облысы Тәртіптік кеңесінің төрағасы (келісім бойынша) Щеглова Мария Александровна - Қостанай облысы Қаржы департаментінің директоры

2. Комиссия мемлекеттік коммуналдық кәсіпорындардың қызмет жасау түрлерінен мемлекеттік бақылау және қадағалау функцияларын, сондай-ақ мемлекеттік сатып алуды тапсырушының функциясын алып тастау мақсатында мемлекеттік коммуналдық кәсіпорындардың құрылтайшы құжаттарына тексеру жүргізсін.

3. Мемлекеттік коммуналдық кәсіпорындардың уәкілетті органдары олардың жұмыстарын реттейтін құрылтайшы және басқа құжаттарын аталған комиссияның ұсыныстарын есепке ала отырып Қазақстан Республикасының қолданылып жүрген заңдарына сәйкестендірсін.

4. Осы шешімнің орындалуына бақылау жасау облыс әкімінің орынбасары С.А. Құланбаевқа жүктелсін.