Об утверждении Правил выпуска материальных ценностей из государственн… — 11.08.2026

Басқа 0

Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидаларын бекіту туралы "Азаматтық қорғау туралы" 2014 жылғы 11 сәуірдегі Қазақстан Республикасының Заңы 11-бабының 34) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

Тармақ 1

1. Қоса беріліп отырған Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидалары бекітілсін.

Тармақ 2

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Басқа 0. Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидалары

Қазақстан Республикасы Үкіметінің 2014 жылғы 17 қазандағы № 1108 қаулысымен бекітілген Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидалары

Тарау 1. 1-тарау. Жалпы ережелер

1-тарау. Жалпы ережелер

Тармақ 1

1. Осы Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидалары (бұдан әрі – Қағидалар) «Азаматтық қорғау туралы» Қазақстан Республикасының Заңы (бұдан әрі – «Азаматтық қорғау туралы» Заң) 94-бабының 9-тармағына сәйкес әзірленді және төтенше жағдайлар мен олардың салдарының алдын алу және оларды жою жөнінде шаралар қабылдау, нарыққа реттеушілік әсер ету, босқындарға көмек көрсету, гуманитарлық көмек көрсету, басқа мемлекеттік органдардың теңгеріміне беру үшін шығару жағдайларын қоспағанда, жаңарту және броньнан шығару тәртібімен мемлекеттік материалдық резервтен материалдық құндылықтарды шығару тәртібін айқындайды.

Тармақ 2

2. Қағидаларда мынадай ұғымдар пайдаланылады:

Тармақша 1

1) ағымдағы баға – сату объектісінің аукцион барысында қалыптасатын бағасы;

Тармақша 2

2) алғашқы баға – осы Қағидалардың 13-тармағына сәйкес айқындалатын сату объектісінің бағасы;

Тармақша 3

3) аукцион – электрондық форматта тізілімнің веб-порталын пайдалана отырып өткізілетін, қатысушылар өздерiнiң ұсыныстарын жария түрде мәлiмдейтiн сауда-саттық нысаны;

Тармақша 4

4) аукцион залы – аукционды өткізу үшін қажетті ақпаратты енгізу, сақтау және өңдеу мүмкіндігін қамтамасыз ететін тізілім веб-порталының бөлімі;

Тармақша 5

5) аукцион нөмірі – электрондық цифрлық қолтаңба болған кезде қатысушыға аукционға қатысу үшін берілетін нөмір;

Тармақша 6

6) бағаны көтеру аукционы – бастапқы бағасы алдын ала жарияланған қадаммен арттырылатын аукцион әдiсi;

Тармақша 7

7) бағаны төмендету аукционы – бастапқы бағасы алдын ала жарияланған қадаммен төмендетiлетiн аукцион әдiсi;

Тармақша 8

8) бастапқы баға – сату объектісі бойынша аукцион немесе жабық тендер басталатын баға;

Тармақша 9

9) ең төменгі баға – сату объектісін одан төмен бағаға сатуға болмайтын баға;

Тармақша 10

10) жабық тендер – қатысушылардың шектеулi тобы қатысатын тендер;

Тармақша 11

11) жеңiмпаз – сату объектісі үшiн неғұрлым жоғары баға ұсынған аукционға немесе жабық тендерге қатысушы;

Тармақша 11-1

11-1) 01.01.2027 бастап қолданысқа енгізіледі - ҚР Үкіметінің 17.12.2025 № 1095 қаулысымен;

Тармақша 11-2

11-2) 01.01.2027 бастап қолданысқа енгізіледі - ҚР Үкіметінің 17.12.2025 № 1095 қаулысымен;

Тармақша 11-3

11-3) 01.01.2027 бастап қолданысқа енгізіледі - ҚР Үкіметінің 17.12.2025 № 1095 қаулысымен;

Тармақша 12

12) кепілдік жарна – жеке немесе мемлекеттік емес заңды тұлға аукционға немесе жабық тендерге қатысу үшін сату объектісінің бастапқы бағасының 15 %-ы мөлшерінде енгізетін, бірақ 30000 еселенген айлық есептік көрсеткіштен аспайтын ақша сомасы;

Тармақша 13

13) қатысушы – аукционға немесе жабық тендерге қатысу үшiн белгiленген тәртiппен тiркелген жеке немесе заңды тұлға;

Тармақша 14

14) материалдық құндылықтарды мемлекеттiк материалдық резервке салу (бұдан әрі – салу) – материалдық құндылықтарды мемлекеттiк материалдық резервте сақтау үшiн қабылдап алу;

Тармақша 15

15) мемлекеттік материалдық резерв жүйесінің ведомстволық бағынысты ұйымы (бұдан әрі – ведомстволық бағынысты ұйым) – мемлекеттік материалдық резервтің материалдық құндылықтарын сақтауды жүзеге асыратын заңды тұлға;

Тармақша 16

16) мемлекеттік материалдық резерв саласындағы уәкілетті орган (бұдан әрі – уәкілетті орган) – атқарушылық және бақылау функцияларын, сондай-ақ мемлекеттік материалдық резервтің жүйесіне басшылықты жүзеге асыратын орталық атқарушы орган;

Тармақша 17

17) мемлекеттік материалдық резервтің материалдық құндылықтарымен операция жүргізу жоспары (бұдан әрі – операция жүргізу жоспары) – мемлекеттік материалдық резервтен материалдық құндылықтарды жеткізуді, сақтауды және шығаруды регламенттейтін құжат;

Тармақша 18

18) мемлекеттiк материалдық резервтiң материалдық құндылықтарын сақтау пункттерi (бұдан әрі – сақтау пункттері) – мемлекеттiк материалдық резервтiң материалдық құндылықтарын сақтауды және сақтауға байланысты қызметтер көрсетудi шарт негiзiнде жүзеге асыратын заңды тұлғалар;

Тармақша 19

19) мемлекеттік мүлікті есепке алу саласындағы бірыңғай оператор (бұдан әрі – бірыңғай оператор) – Қазақстан Республикасы Үкіметінің шешімімен айқындалған, өзіне мемлекеттік мүлікті ұйымдастыру мен есепке алу саласында бірыңғай техникалық саясатты іске асыру бойынша міндеттер жүктелген заңды тұлға;

Тармақша 20

20) сату бағасы – аукцион немесе жабық тендер нәтижесінде белгіленген сату объектісінің түпкілікті бағасы;

Тармақша 21

21) сатушы – мемлекеттік материалдық резерв саласындағы өткізу функцияларын жүзеге асыратын уәкілетті органның құрылымдық бөлімшесі;

Тармақша 22

22) сатып алушы – сатып алу-сату шартын жасасқан аукцион немесе жабық тендер жеңiмпазы;

Тармақша 23

23) сауда-саттық – мүлікті сату түрі;

Тармақша 24

24) сатып алу-сату шартының идентификаторы – тізілімнің веб-порталы беретін сатып алу-сату шартының бiрегей нөмiрі;

Тармақша 25

25) сату объектісі – аукционға немесе жабық тендерге өткізуге қойылатын мемлекеттік материалдық резервтің материалдық құндылықтарының бірлігі немесе олардың тобы;

Тармақша 26

26) тізілімнің веб-порталы – мемлекеттік мүлік тізілімінің (бұдан әрі – тізілім) сату объектілері туралы электрондық дерекқорға бірыңғай қол жеткізу нүктесін ұсынатын интернет-ресурс;

Тармақша 27

27) электрондық құжат – ақпарат электрондық-цифрлық нысанда берілген және электрондық цифрлық қолтаңба арқылы куәландырылған құжат;

Тармақша 28

28) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілігін және мазмұнының өзгермейтіндігін растайтын электрондық цифрлық нышандар терімі.

Тармақ 3

3. Жаңарту және броньнан шығару тәртібімен мемлекеттік материалдық резервтен материалдық құндылықтарды шығару тізілімнің веб-порталында аукцион нысанындағы сауда-саттық жолымен операция жүргізу жоспарына сәйкес жүзеге асырылады. Егер объектіні сату ұлттық қауіпсіздікке әсер етсе және отандық өндірісті дамытуды шетелдік ұйымдарға тәуелді етіп қойса, броньнан шығару тәртібімен материалдық құндылықтарды мемлекеттік материалдық резервтен шығару сату объектісін Қазақстан Республикасының аумағында дайын отандық өнімге дейін қайта өңдеу шартымен жабық тендер өткізу арқылы жүзеге асырылады. Жабық тендер өткізу арқылы мемлекеттік материалдық резервтен материалдық құндылықтарды шығару туралы шешімді Қазақстан Республикасының Үкіметі қабылдайды.

Тарау 2. 2-тарау. Аукционды, жабық тендерді өткізуге дайындық

2-тарау. Аукционды, жабық тендерді өткізуге дайындық

Тармақ 4

4. Аукциондарды, жабық тендерлерді ұйымдастыру үшін сатушы мынадай құрамда комиссия құрады:

Тармақша 1

1) уәкілетті органның ведомство (бұдан әрі – ведомство) басшысы немесе оны алмастыратын адам (комиссия төрағасы);

Тармақша 2

2) ведомство басшысының орынбасары немесе оны алмастыратын адам;

Тармақша 3

3) ведомствоның мемлекеттік материалдық резервінің материалдық құндылықтарын шығару жөніндегі құрылымдық бөлімшесінің басшысы немесе оны алмастыратын адам;

Тармақша 4

4) ведомствоның мемлекеттік резервінің материалдық құндылықтарын есепке алуға және бақылауға жауапты ведомствоның құрылымдық бөлімшесінің басшысы немесе оны алмастыратын адам;

Тармақша 5

5) ведомствоның жұмылдыру резервінің материалдық құндылықтарын есепке алуға және бақылауға жауапты ведомствоның құрылымдық бөлімшесінің басшысы немесе оны алмастыратын адам;

Тармақша 6

6) ведомствоның бухгалтерлік қызметінің басшысы немесе оны алмастыратын адам;

Тармақша 7

7) ведомствоның заң қызметінің басшысы немесе оны алмастыратын адам;

Тармақша 8

8) ведомстволық бағынысты ұйымның басшысы немесе басшысының орынбасары немесе оны алмастыратын адам;

Тармақша 9

9) ведомстволық бағынысты ұйымның технологиялық бөлімінің басшысы немесе оны алмастыратын адам;

Тармақша 10

10) ведомствоның мемлекеттік материалдық резервінің материалдық құндылықтарын шығару жөніндегі құрылымдық бөлімшесінің жұмыскері (комиссия хатшысы).

Тармақ 4-1

4-1. 01.01.2027 бастап қолданысқа енгізіледі - ҚР Үкіметінің 17.12.2025 № 1095 қаулысымен.

Тармақ 5

5. Комиссия төрағасы комиссия қызметіне жалпы басшылықты жүзеге асырады.

Тармақ 6

6. Комиссияның ұйымдастыру қызметін комиссияның хатшысы қамтамасыз етеді. Комиссияның хатшысы комиссияның мүшесі болып табылмайды және комиссия шешімдер қабылдаған кезде дауыс бермейді.

Тармақ 7

7. Комиссияның отырыстары комиссия мүшелерінің жалпы санының кемінде үштен екісі қатысқан жағдайда өткізіледі және комиссияның қатысқан мүшелері, оның төрағасы, оның орынбасары және комиссияның хатшысы қол қоятын хаттамамен ресімделеді. Комиссия мүшесі болмаған жағдайда комиссия отырысының хаттамасында оның болмау себебі көрсетіледі.

Тармақ 8

8. Комиссия шешімдері қатысып отырған комиссия мүшелерінің жалпы санынан қарапайым көпшілік дауыспен қабылданады. Дауыстар тең болған кезде төрағаның дауысы шешуші болып табылады.

Тармақ 9

9. Комиссия мынадай функцияларды жүзеге асырады:

Тармақша 1

1) өз жұмысының регламентiн әзiрлейдi, оны сатушының басшысы бекітеді;

Тармақша 2

2) сату объектілерін айқындайды;

Тармақша 3

3) сату объектісін аукционнан, жабық тендерден алып тастау туралы шешім қабылдайды.

Тармақ 10

10. Сатушының функциялары:

Тармақша 1

1) броньнан шығару тәртібімен шығарылатын жұмылдыру резервінің материалдық құндылықтарына бағалау жүргізуді қамтамасыз ету;

Тармақша 2

2) аукциондарды, жабық тендерлерді дайындауды және өткізуді жүзеге асыру;

Тармақша 3

3) аукциондарды ұйымдастыру және өткізу барысын бақылауды жүзеге асыру;

Тармақша 4

4) аукцион, жабық тендер жеңімпазымен сатып алу-сату шарттарын жасасу және оның орындалуын бақылау;

Тармақша 5

5) жабық тендерге қатысушылардың құжаттарын олардың талаптарға сәйкестігі тұрғысынан қарау және оларды сауда-саттыққа жіберу;

Тармақша 6

6) аукциондарды, жабық тендерлерді ұйымдастыруға және өткізуге қажет басқа да іс-шараларды жүргізу болып табылады.

Тармақ 11

11. Бірыңғай оператор тізілім веб-порталының жұмыс істеуін қамтамасыз етеді, сондай-ақ аукционға, жабық тендерге қатысушылардың кепілдік жарналарын қабылдайды. Бірыңғай оператор:

Тармақша 1

1) кепілдік жарнаны аударуға өтінімді тізілімнің веб-порталында ЭЦҚ пайдалана отырып сатушы қол қойған күннен бастап 3 (үш) жұмыс күні ішінде аукционда, жабық тендерде жеңген қатысушының кепілдік жарнасын республикалық бюджетке аударады;

Тармақша 2

2) кепілдік жарналарды қайтаруға өтініштерді тізілімнің веб-порталында ЭЦҚ пайдалана отырып қатысушылар қол қойған күннен бастап 3 (үш) жұмыс күні ішінде аукциондардың, жабық тендерлердің басқа қатысушыларына кепілдік жарнаны қайтарады.

Тармақ 12

12. Аукционды, жабық тендерді өткiзуге дайындық мынадай тәртiппен жүзеге асырылады:

Тармақша 1

1) сату объектісі айқындалады;

Тармақша 2

2) осы Қағидалардың 18-тармағына сәйкес сату объектісі бойынша қажеттi материалдарды жинау жүргiзiледi;

Тармақша 3

3) сату объектісінің алғашқы бағасы айқындалады;

Тармақша 4

4) әрбiр сату объектiсiнiң сатылу нысандары мен әдiсi айқындалады;

Тармақша 5

5) аукциондарды, жабық тендерлерді өткізу мерзiмі белгiленедi;

Тармақша 6

6) аукционды, жабық тендерді өткiзу туралы хабарлама жарияланады;

Тармақша 7

7) кепiлдiк жарналар қабылданады;

Тармақша 8

8) қатысушыларды тiркеу жүргiзiледi.

Тармақ 13

13. Сату объектісінің алғашқы бағасы сату объектісінің теңгерімдік құны немесе ол жүргізілген жағдайда бағалау негізінде айқындалады.

Тармақ 14

14. Броньнан шығару тәртібімен шығарылатын жұмылдыру резервінің материалдық құндылықтары Қазақстан Республикасының бағалау қызметі саласындағы заңнамасында белгіленген тәртіппен бағалауға жатады.

Тармақ 15

15. Сату объектісі операция жүргізу жоспары қабылданған немесе объект операция жүргізу жоспарына енгізілген сәттен бастап күнтізбелік 30 (отыз) күннен аспайтын мерзімде бірінші аукционға, жабық тендерге шығарылады. Аукцион, жабық тендер өтпеген деп танылған жағдайда әрбір келесі аукцион, жабық тендер сату объектісі сатылғанға немесе оны аукционнан, жабық тендерден алып тастағанға дейін әрбір күнтізбелік 20 (жиырма) күн сайын жүзеге асырылады.

Тармақ 16

16. Сатушы аукцион, жабық тендер өткiзiлетiнi туралы хабарламаны ол өткiзiлгенге дейiн кемiнде күнтізбелік 15 (он бес) күн бұрын тізілімнің веб-порталында қазақ және орыс тілдерінде жариялайды.

Тармақ 17

17. Аукцион, жабық тендер өткізу туралы хабарламада мынадай мәліметтер қамтылады:

Тармақша 1

1) аукционның, жабық тендердің өткiзiлетiн күнi және уақыты;

Тармақша 2

2) аукционның, жабық тендердің нысаны мен әдiсi;

Тармақша 3

3) сату объектісінің атауы, көлемі, алғашқы бағасы қамтылған сату объектісі туралы мәліметтер;

Тармақша 4

4) сату объектісінің бастапқы және ең төменгі (бағаны төмендету аукционы өткiзiлген кезде) бағалары;

Тармақша 5

5) кепілдік жарнаның мөлшері мен оны аудару үшін банк деректемелері;

Тармақша 6

6) өтiнiмдердi қабылдау мерзімі;

Тармақша 7

7) аукционды, жабық тендерді өткiзу тәртібі, оның ішінде аукционға, жабық тендерге қатысуды ресімдеу, аукцион, жабық тендер жеңімпазын анықтау шарттары туралы;

Тармақша 8

8) сатушының телефоны мен орналасқан жерi;

Тармақша 9

9) сату объектісі туралы қосымша ақпарат, оның ішінде сату объектісін шығару мерзімі және орналасқан жері, қосылған құн салығының есебі.

Тармақ 18

18. Аукцион, жабық тендер өткізу туралы хабарлама жарияланғанға дейiн сатушы тізілімнің веб-порталына әрбір объект бойынша мынадай құжаттардың:

Тармақша 1

1) материалдық құндылықтардың құнын бағалау туралы есептің (бар болса);

Тармақша 2

2) материалдық құндылықтардың жай-күйі туралы түсінікті қамтамасыз ететін материалдық құндылықтардың кемінде 3 дана фотосуретінің;

Тармақша 3

3) сәйкестікті растау саласындағы құжаттың (бар болса);

Тармақша 4

4) сатып алу-сату шарты жобасының электрондық көшiрмелерінің енгізілуін қамтамасыз етеді. Хабарлама жарияланғаннан кейiн сатушы тізілімнің веб-порталы арқылы барлық қалаушылардың сату объектісі туралы ақпаратқа еркін қол жеткізуін қамтамасыз етеді.

Тармақ 19

19. Аукционға, жабық тендерге қатысу үшін кепілдік жарна бірыңғай оператордың деректемелеріне енгізіледі. Кепілдік жарнаны қатысушы не қатысушының атынан кез келген жеке немесе заңды тұлға енгізеді. Кепілдік жарнаны енгізу кезінде төлем мақсатына қатысушының жеке сәйкестендіру нөмірі (бұдан әрі – ЖСН) немесе бизнес сәйкестендіру нөмірі (бұдан әрі – БСН) көрсетіледі.

Тармақ 20

20. Қатысушыларға кепiлдiк жарнаның кез келген санын енгiзуге жол беріледі.

Тармақ 21

21. Аукционда, жабық тендерде жеңген және сатып алу-сату шартын жасасқан қатысушының кепiлдiк жарнасы сатып алу-сату шарты бойынша тиесілі төлемдер есебіне жатқызылады. Егер кепілдік жарнаның сомасы сату бағасынан артық болса, онда бірыңғай оператор тізілімнің веб-порталында сатушы мен сатып алушы сатып алу-сату шартын жасасқан күннен бастап 3 (үш) жұмыс күнінен кешіктірілмейтін мерзімде жеңімпазға айырмасын қайтарады.

Тармақ 22

22. Кепiлдiк жарна:

Тармақша 1

1) жеңiмпазға – сауда-саттықтың нәтижелерi туралы хаттамаға не сатып алу-сату шартына қол қоймаған жағдайда;

Тармақша 2

2) сатып алушыға – сатып алу-сату шарты бойынша мiндеттемелерiн орындамаған немесе тиiсiнше орындамаған жағдайда қайтарылмайды. Қалған барлық жағдайда кепілдік жарналар аукционға, жабық тендерге қатысушы жеке немесе заңды тұлға тізілімнің веб-порталында ЭЦҚ пайдалана отырып қол қойған жарнаны қайтару туралы өтініште көрсетілген деректемелерге қайтарылады.

Тармақ 23

23. Аукционға, жабық тендерге қатысушыларды тіркеу хабарлама жарияланған күннен бастап жүргізіледі және аукцион, жабық тендер басталғанға дейін 5 (бес) минут бұрын аяқталады, олар өткен соң қатысушылар берген өтінімдерін кері қайтара алмайды.

Тармақ 24

24. Аукционға, жабық тендерге қатысу үшін мыналарды:

Тармақша 1

1) жеке тұлғалар үшін: ЖСН, тегін, атын, әкесінің атын (бар болса);

Тармақша 2

2) заңды тұлғалар үшін: БСН, толық атауын, бірінші басшының тегін, атын, әкесінің атын (бар болса);

Тармақша 3

3) кепілдік жарнаны қайтару үшін екінші деңгейдегі банктегі есеп айырысу шотының деректемелерін;

Тармақша 4

4) байланыс деректерін (пошта мекенжайы, телефоны, факс, е-mail) көрсете отырып, тізілімнің веб-порталында алдын ала тіркеу қажет. Жоғарыда көрсетілген деректер өзгерген кезде қатысушы аукционға, жабық тендерге қатысуға өтінімді тіркегенге дейін тізілімнің веб-порталына енгізілген деректерді өзгертеді.

Тармақ 25

25. Аукционға, жабық тендерге қатысушы ретінде тіркелу үшін осы Қағидаларға қосымшаға сәйкес нысан бойынша қатысушының ЭЦҚ қойылған аукционға, жабық тендерге қатысуға өтінімді (бұдан әрі – өтінім) тізілімнің веб-порталында тіркеу қажет. Жабық тендерге қатысушылар сауда-саттық шартымен келісуді қамтитын өтінімді және сауда-саттықты өткізу туралы хабарламада көрсетілген қатысушыларға (сатып алушыға) қойылатын талаптарға сәйкестігін растайтын құжаттардың электрондық (сканерленген) көшірмелерін қоса бере отырып, тізілімнің арнайы бөлінген веб-парақшасында электрондық конвертке жүктелетін баға ұсынысын тіркейді.

Тармақ 26

26. Сатушыға Қазақстан Республикасының заңнамалық актілерінде көзделген жағдайларды қоспағанда, аукционды, жабық тендерді дайындау және оны өткізудің бүкіл кезеңінің ішінде аукционға, жабық тендерге қатысушыларға қатысы бар ақпаратты жариялауға жол берілмейді.

Тармақ 27

27. Өтінім тіркелгеннен кейін тізілімнің веб-порталы 3 (үш) минут ішінде өтінім берілген сату объектісі бойынша кепілдік жарнаның түсуі туралы мәліметтердің тізілімнің дерекқорында болуы тұрғысынан автоматты түрде тексеру жүргізіледі. Қатысушының осы Қағидалардың 24 және 25-тармақтарында көрсетілген талаптарды сақтамауы, сондай-ақ бірыңғай оператордың есеп айырысу шотына аукционды, жабық тендерді өткізу туралы хабарламада көрсетілген кепілдік жарнаның аукцион, жабық тендер басталғанға дейін 5 (бес) минут бұрын түспеуі тізілім веб-порталының өтінімді қабылдаудан бас тартуы үшін негіз болып табылады. Тізілімнің дерекқорында бірыңғай оператордың есеп айырысу шотына кепілдік жарнаның түскені туралы мәліметтер болған жағдайда тізілімнің веб-порталы өтінімді қабылдау және сату объектісі бойынша аукцион, жабық тендер нәтижелері айқындалғанға дейін кепілдік жарна сомасын бұғаттауды жүзеге асырады, сондай-ақ қатысушыларды аукционға, жабық тендерге жібереді. Тізілімнің дерекқорында бірыңғай оператордың есеп айырысу шотына кепілдік жарнаның түскені туралы мәлімет болмаған жағдайда тізілімнің веб-порталы қатысушының өтінімін кері қайтарады. Тізілімнің веб-порталы автоматты тексеру нәтижелері бойынша тізілімнің веб-порталында көрсетілген қатысушының электрондық мекенжайына өтінімді қабылдау не өтінімді қабылдаудан бас тарту себептері туралы электрондық хабарлама жібереді.

Тармақ 28

28. Аукцион, жабық тендер өткізілгенге дейін қатысушы материалдық құндылықтардың сапалық жай-күйі мен техникалық регламент талаптарына және стандарттау жөніндегі нормативтік құжаттарға сәйкестігі бойынша сараптама жүргізе алады. Мұндай сараптаманы жүргізуге байланысты шығыстар қатысушыға жүктеледі. Сараптамаға арналған материалдық құндылықтардың көлемін сәйкестікті растау жөніндегі аккредиттелген заңды тұлға айқындайды. Сараптама жүргізу үшін қатысушы:

Тармақша 1

1) сатушыға сынама алу үшін сараптама жүргізуге қажетті материалдық құндылықтардың атауы және орналасқан жері қамтылған хатты;

Тармақша 2

2) материалдық құндылықтардың техникалық регламенттерде немесе стандарттарда белгіленген талаптарға сәйкестігін растау бойынша рәсімдерді жүргізу үшін материалдық құндылықтардың қажетті мөлшерін ұсыну туралы сәйкестікті растау жөніндегі аккредиттелген заңды тұлғаның хатын;

Тармақша 3

3) сараптамаға арналған материалдық құндылықтардың көлемі үшін ақы төленгені туралы төлем тапсырмасының түпнұсқасын немесе нотариалды түрде расталған көшiрмесiн ұсынады. Сараптамаға арналған материалдық құндылықтардың көлемі үшін ақы сату объектісінің алғашқы бағасына қарай есептеледі және республикалық бюджетке енгізіледі. Сараптамаға арналған материалдық құндылықтардың көлемі үшін төлем алынғаннан кейін сатушы мемлекеттік материалдық резервтен материалдық құндылықтарды шығаруға наряд жазып береді. Наряд негізінде қатысушы сараптама жүргізу үшін материалдық құндылықтарды алады. Материалдық құндылықтардың сапалық жай-күйі мен техникалық регламент және стандарттау жөніндегі құжаттарда қауіпсіздікке қойылатын талаптарға сәйкестікті бағалау бойынша сараптама Қазақстан Республикасының техникалық реттеу саласындағы заңнамасына сәйкес жүргізіледі.

Тармақ 29

29. Тізілімнің веб-порталы аукционды өткізу басталғанға дейін кемінде 5 (бес) минут бұрын электрондық өтінімді кері қайтарған қатысушының аукцион нөмірін жояды.

Тармақ 30

30. Сату объектісін аукционнан, жабық тендерден алып тастау үшін:

Тармақша 1

1) сату объектісін немесе оның бөлігін «Азаматтық қорғау туралы» Заңның 90-бабында көзделген мақсаттарда пайдалану;

Тармақша 2

2) осы Қағидалардың 28-тармағына сәйкес сату объектісінің немесе оның бөлігінің сапалық жай-күйі мен техникалық регламент талаптарына және стандарттау жөніндегі нормативтік құжаттарға сәйкестігі бойынша сараптама жүргізу;

Тармақша 3

3) сату объектісіне немесе оның бөлігіне қатысты операция жүргізу жоспарының өзгеруі;

Тармақша 4

4) сату объектісінің немесе оның бөлігінің Қазақстан Республикасының тамақ өнімдерінің қауіпсіздігі туралы заңнамасында белгіленген қауіпсіздік талаптарына сәйкес келмеуі;

Тармақша 5

5) сату объектісінің немесе оның бөлігінің жетіспеушілігін анықтау;

Тармақша 6

6) сату объектісінің немесе оның бөлігінің жойылуы немесе бұзылуы негіз болып табылады. Сату объектісін аукционнан, жабық тендерден алып тастау аукцион, жабық тендер басталарға дейін кемінде бір жұмыс күні бұрын тізілімнің веб-порталында жүзеге асырылады.

Тарау 3. 3-тарау. Аукцион өткiзу

3-тарау. Аукцион өткiзу

Тармақ 31

31. Аукцион сауда-саттықтың екі әдісімен өткізіледі: бағаны көтеру немесе бағаны төмендету. Бағаны көтеру аукционын өткiзу кезiнде сату объектісінің бастапқы бағасы сату объектісінің алғашқы бағасына тең болады. Бағаны төмендету аукционын өткiзген жағдайда бастапқы баға алғашқы бағаны 3-ке (үш) тең жоғарылатушы коэффициентке көбейту жолымен айқындалады.

Тармақ 32

32. Сату объектісі бірінші сауда-саттыққа аукционға бағаны көтеру әдісі қолданыла отырып шығарылады. Сату объектісі екінші сауда-саттыққа аукционға бағаны төмендету әдiсi қолданыла отырып, алғашқы бағаның елу пайызы мөлшеріндегі ең төмен баға белгіленіп шығарылады. Сату объектісі үшінші және кейінгі сауда-саттыққа аукционға бағаны төмендету әдiсi қолданыла отырып, ең төмен баға белгіленбей шығарылады.

Тармақ 33

33. Аукционға жіберілген қатысушыға тізілімнің веб-порталы беретін аукцион нөмірі бойынша аукцион залына кіруге рұқсат беріледі. Аукционға қатысушылар аукцион басталғанға дейін бір сағат ішінде аукцион залына ЭЦҚ мен аукцион нөмірін пайдалана отырып кіреді. Аукцион сату объектісінің бастапқы құнын аукцион залында автоматты түрде орналастыру жолымен аукционды өткізу туралы хабарламада көрсетілген Нұр-Сұлтан қаласының уақыты бойынша басталады.

Тармақ 34

34. Аукцион залында аукцион Қазақстан Республикасының еңбек заңнамасында көзделген мереке және демалыс күндерін қоспағанда, сейсенбі мен жұма аралығында өтеді. Аукцион Нұр-Сұлтан қаласының уақыты бойынша сағат 10:00-ден бастап сағат 17:00-ге дейінгі кезеңде өткізіледі, бұл ретте аукцион Нұр-Сұлтан қаласының уақыты бойынша сағат 15:00-ден кешіктірмей басталады.

Тармақ 35

35. Егер бағаны көтеру аукционы аяқталатын сәтте сағат 17:00-де аукцион жеңімпазы айқындалмаса, онда сату объектісін сатып алуға өзінің ниетін растаған соңғы қатысушы жеңімпаз деп танылады және осы сату объектісі бойынша аукцион өткізілді деп танылады. Егер бағаны төмендету аукционы аяқталатын сәтте сағат 17:00-де аукцион жеңімпазы айқындалмаса, онда осы сату объектісі бойынша аукцион өткізілмеді деп танылады.

Тармақ 36

36. Егер аукцион басталған сәтте сату объектісі бойынша аукцион залында қатысушы болмаса, осы сату объектісі бойынша аукцион өткізілмеді деп танылады.

Тармақ 37

37. Бағаны өзгерту қадамы былайша белгіленеді:

Тармақша 1

1) сату объектісінің бастапқы немесе ағымдағы бағасы айлық есептік көрсеткіш мөлшерінің 20000 еселенгенге дейінгі мөлшерінде болған кезінде өзгерту қадамы бағаны көтеру аукционында 10 пайыз мөлшерінде және бағаны төмендету аукционында 5 пайыз мөлшерінде белгiленедi;

Тармақша 2

2) сату объектісінің бастапқы немесе ағымдағы бағасы айлық есептік көрсеткіш мөлшерінің 20000 еселенгеннен бастап 50000 еселенгенге дейінгі мөлшерінде болған кезінде өзгерту қадамы бағаны көтеру аукционында 7 пайыз мөлшерінде және бағаны төмендету аукционында 5 пайыз мөлшерінде белгiленедi;

Тармақша 3

3) сату объектісінің бастапқы немесе ағымдағы бағасы айлық есептік көрсеткіш мөлшерінің 50000 еселенгеннен бастап 100000 еселенгенге дейінгі мөлшерінде болған кезде өзгерту қадамы 5 пайыз мөлшерінде белгiленедi;

Тармақша 4

4) сату объектісінің бастапқы немесе ағымдағы бағасы айлық есептік көрсеткіш мөлшерінің 100000 еселенгеннен бастап 250000 еселенгенге дейінгі мөлшерінде болған кезде өзгерту қадамы бағаны көтеру аукционында 2,5 пайыз мөлшерінде және бағаны төмендету аукционында 5 пайыз мөлшерінде белгіленеді;

Тармақша 5

5) сату объектісінің бастапқы немесе ағымдағы бағасы айлық есептік көрсеткіш мөлшерінің 250000 еселенгеннен бастап 500000 еселенгенге дейінгі мөлшерінде болған кезде өзгерту қадамы бағаны көтеру аукционында 1 пайыз мөлшерінде және бағаны төмендету аукционында 5 пайыз мөлшерінде белгіленеді;

Тармақша 6

6) сату объектісінің бастапқы немесе ағымдағы бағасы айлық есептік көрсеткіш мөлшерінің 500000 еселенген мөлшерінде және одан жоғары болған кезде өзгерту қадамы бағаны көтеру аукционында 0,5 пайыз мөлшерінде және бағаны төмендету аукционында 5 пайыз мөлшерінде белгіленеді.

Тармақ 38

38. Аукцион төменде көрсетілген екі әдістің бірі бойынша жүргізіледі.

Тармақ 39

39. Бағаны көтеру аукционы:

Тармақша 1

1) егер аукцион залында аукцион басталған сәттен бастап 20 (жиырма) минут ішінде қатысушылардың бірде-бірі осы Қағидалардың 37-тармағына сәйкес белгіленген қадамға бастапқы бағаны арттыру жолымен сату объектісін сатып алу ниетін растамайтын болса, онда осы сату объектісі бойынша аукцион өткізілмеді деп танылады;

Тармақша 2

2) егер аукцион залында аукцион басталған сәттен бастап 20 (жиырма) минут ішінде қатысушылардың бірі осы Қағидалардың 37-тармағына сәйкес белгіленген қадамға бастапқы бағаны арттыру жолымен сату объектісін сатып алу ниетін растайтын болса, онда бастапқы баға белгіленген қадамға артады;

Тармақша 3

3) егер бастапқы немесе ағымдағы баға артқаннан кейін 20 (жиырма) минут ішінде қатысушылардың бірде-бірі ағымдағы құнды арттыру жолымен сату объектісін сатып алу ниетін растамайтын болса, онда сату объектісін сатып алу ниетін соңғы растаған қатысушы жеңімпаз болып танылады және осы сату объектісі бойынша аукцион өткізілді деп танылады. Сату объектісі бойынша бағаны көтеру аукционы қатысушылардың бірі ұсынған ең жоғары бағаға дейін жүргізіледі.

Тармақ 40

40. Бағаны төмендету аукционы:

Тармақша 1

1) егер аукцион басталған кезден бастап 2 (екі) минут ішінде қатысушылардың бірде-бірі аукционда сату объектісін сатып алу ниетін растамайтын болса, онда сату объектісінің бастапқы бағасы осы Қағидалардың 37-тармағына сәйкес белгіленген қадамға азаяды;

Тармақша 2

2) егер баға азайғаннан кейін 2 (екі) минут ішінде қатысушылардың бірде-біреуі сату объектісін сатып алу ниетін растамайтын болса, онда сату объектісінің соңғы жарияланған бағасы белгіленген қадаммен азаяды. Жарияланған баға бойынша сату объектісін сатып алу ниетін бірінші болып растаған қатысушы бағаны төмендету аукционының жеңімпазы болып танылады және осы сату объектісі бойынша аукцион өткізілді деп танылады;

Тармақша 3

3) егер сату объектісінің бағасы белгіленген ең төменгі мөлшерге жетсе және қатысушылардың бірде-бірі сату объектісін сатып алу ниетін растамаса, онда аукцион өткізілмеді деп танылады.

Тармақ 41

41. Осы Қағидалардың 35-тармағының екінші бөлігінде, 36-тармағында, 39-тармағының 1) тармақшасында және 40-тармағының 3) тармақшасында көрсетілген жағдайларда сатушы тізілімнің веб-порталында қалыптастыратын аукционның өткізілмегені туралы актіге қол қояды.

Тармақ 42

42. Әрбір сатылған сату объектісі бойынша аукцион нәтижелері сауда-саттық нәтижелері туралы хаттамамен ресімделеді, оған сатушы және жеңімпаз ЭЦҚ пайдалана отырып, аукцион өткiзiлген күнi тізілімнің веб-порталында қол қояды.

Тармақ 43

43. Сауда-саттық нәтижелері туралы хаттама аукцион нәтижелерін және жеңімпаз бен сатушының сату бағасы бойынша сатып алу-сату шартына қол қою міндеттемесін белгілейтін құжат болып табылады.

Тармақ 44

44. Аукцион барысында аукционға қатысуға кедергі болатын техникалық ақаулар туындаған кезде қатысушыға:

Тармақша 1

1) тізілім веб-порталымен орнықты байланыс жоғалған кезден бастап 30 секунд ішінде аукционға қатысушының мониторында бірыңғай оператордың байланыс деректері бар электрондық хабарламаны шығару жолымен хабарлайды;

Тармақша 2

2) бұл туралы бірыңғай оператордың байланыс деректері бойынша телефон немесе электрондық хабарлама арқылы дереу хабарлайды.

Тармақ 45

45. Бірыңғай оператор техникалық ақаулықтар фактісін тіркейді және олар тізілім веб-порталы тарапынан болған кезде ақпаратты тізілім веб-порталында орналастыру жолымен аукционға қатысушылардың барлығын хабардар етеді.

Тармақ 46

46. Қатысушының компьютерлік және/немесе телекоммуникация жабдығының техникалық ақаулары болғанда аукцион жалғаса береді.

Тармақ 47

47. Аукционды жүргізуге немесе аукционды жүргізу рәсіміне кедергі болатын осы Қағидалардың 44-тармағында көрсетілген тізілім веб-порталының техникалық ақаулар фактісі болған жағдайда бірыңғай оператор бұл туралы сатушыға жазбаша түрде хабарлайды және аукционды техникалық ақау жойылған күннен кейін келесі жұмыс күніне ауыстырады және осы аукционның жалғасатын күні мен уақыты туралы ақпаратты тізілімнің веб-порталында орналастыру және тізілімнің веб-порталында көрсетілген қатысушының электрондық мекенжайына электрондық хабарлама жіберу арқылы аукционға қатысқан қатысушыларды алдын ала міндетті түрде хабардар етеді.

Тарау 4. 4-тарау. Жабық тендер өткізу

4-тарау. Жабық тендер өткізу

Тармақ 48

48. Сатушы операция жасау жоспары бекітілгеннен кейін 3 (үш) жұмыс күнінен аспайтын мерзімде мемлекеттік материалдық резервтің материалдық құндылықтарының номенклатурасын және сақтау көлемдерін әзірлеуге қатысқан мүдделі мемлекеттік органдарға (бұдан әрі – мүдделі мемлекеттік органдар) номенклатура өзгерген кезде броньнан шығарылған материалдық құндылықтардың тізбесін жолдайды.

Тармақ 49

49. Мүдделі мемлекеттік органдар Қазақстан Республикасының Ұлттық қауіпсіздік комитетімен бірлесіп, күнтізбелік 15 (он бес) күннен аспайтын мерзімде осы Қағидалардың 3-тармағында көзделген ереженің негізінде жабық тендер өткізу қажеттігі туралы негізделген қорытынды жібереді. Қорытындыны алғаннан кейін уәкілетті орган заңнамада белгіленген тәртіппен броньнан шығару тәртібімен мемлекеттік материалдық резервтен материалдық құндылықтарды шығару кезінде сату объектісін жабық тендерге қою туралы Қазақстан Республикасы Үкіметі қаулысының жобасын әзірлейді.

Тармақ 50

50. Қазақстан Республикасының Үкіметі сату объектісін жабық тендерге қою туралы шешім қабылдағаннан кейін сатушы мүдделі мемлекеттік органдарға әлеуетті қатысушылардың (сатып алушылардың) тізбесін ұсыну туралы сұрау салу жібереді. Мүдделі мемлекеттік органдар 5 (бес) жұмыс күнінен аспайтын мерзімде сатушыға сату объектісіне қатысты «Рұқсаттар және хабарламалар туралы» Қазақстан Республикасының Заңына сәйкес қызметті немесе әрекетті (операцияны) жүзеге асыруға рұқсаты (хабарламасы) бар әлеуетті қатысушылардың (сатып алушылардың) тізбесін ұсынады. Әлеуетті қатысушылардың (сатып алушылардың) ұсынылған тізбесі негізінде сатушы тізілімнің веб-порталы арқылы жабық тендерге қатысушыларға (сатып алушыға) қойылатын барлық шарттарымен және талаптармен жабық тендерге қатысуға шақыру жібереді.

Тармақ 51

51. Сату объектісін жабық тендерге қойған кезде сату объектісінің бастапқы бағасы Қазақстан Республикасының бағалау қызметі саласындағы заңнамасында белгіленген тәртіппен сату объектісін бағалау негізінде айқындалады.

Тармақ 52

52. Сату объектісі алғашқы сауда-саттыққа бағаны көтеру әдісін қолданып, жабық тендерге шығарылады.

Тармақ 53

53. Жабық тендер Қазақстан Республикасының еңбек заңнамасында көзделген мереке және демалыс күндерін қоспағанда, сейсенбі-жұма аралығында тізілімнің веб-порталында өтеді. Жабық тендер Нұр-Сұлтан қаласының уақыты бойынша сағат 10:00-ден 13:00-ге дейінгі кезеңде өткізіледі.

Тармақ 54

54. Сату объектісі екінші және кейінгі сауда-саттыққа жабық тендерге бағаны төмендету әдiсi қолданыла отырып, алғашқы бағаның елу пайызы мөлшеріндегі ең төмен баға белгіленіп шығарылады.

Тармақ 55

55. Қатысушы жабық тендердің барлық шарттарын орындаған және талаптарға сәйкес келген жағдайда, сату объектісі жалғыз қатысушыға ол жабық тендердегі бірінші сауда-саттықта бастапқы бағадан кем болмайтын баға ұсынған кезде сатылуы мүмкін. Қатысушы жабық тендердің барлық шарттарын орындаған және талаптарға сәйкес келген жағдайда сату объектісі жалғыз қатысушыға жабық тендердегі бірінші және кейінгі сауда-саттықтарда сатылуы мүмкін. Егер жабық тендер өтпеді деп жарияланса, сатушы тізілімнің веб-порталында қалыптастырылатын тендердің өткізілмегені туралы актіге қол қояды.

Тармақ 56

56. Жабық тендерге қатысуға өтінімдерді ашу сауда-саттықты өткізу туралы хабарламада көрсетілген күн мен уақыт келгенде тізілімнің веб-порталы арқылы автоматты түрде жүргізіледі.

Тармақ 57

57. Жабық тендерге қатысуға өтінімдерді сатушы қатысушыларға (сатып алушыға) қойылатын, жабық тендер өткізу туралы хабарламада көрсетілген талаптарға сәйкес келетін қатысушыларды айқындау мақсатында тізілімнің веб-порталында қарайды.

Тармақ 58

58. Сату объектiсi үшiн ең жоғары баға ұсынған қатысушы жеңiмпаз деп танылады. Егер жабық тендерде екi және одан көп қатысушының ұсынысы бірдей ең жоғары бағаны қамтитын болса, онда осы қатысушылардың арасында қатысушылардың басқа өтінімдерінен өтінімі бұрын қабылданған қатысушы жабық тендердің жеңімпазы болып танылады.

Тармақ 59

59. Сауда-саттық нәтижелері туралы хаттамада:

Тармақша 1

1) себебі көрсетіліп, қатысушыларға (сатып алушыға) қойылатын талаптарға сай келмейтін қатысушылардың тізімі;

Тармақша 2

2) жабық тендерге қатысушылардың баға ұсыныстарын тізілімнің веб-порталы автоматты түрде салыстыратын, қатысушыларға (сатып алушыға) қойылатын талаптарға сай келетін қатысушылардың тізімі;

Тармақша 3

3) сату объектісі үшін ең жоғары баға ұсынған жеңімпаз көрсетіледі.

Тармақ 60

60. Сауда-саттық нәтижелері туралы хаттаманы тізілімнің веб-порталы қалыптастырады, оған жабық тендер өткізілген күні сатушы мен жабық тендердің жеңімпазы ЭЦҚ пайдалана отырып қол қояды.

Тармақ 61

61. Сауда-саттық нәтижелері туралы хаттама жабық тендердің нәтижелерін және жеңімпаз бен сатушының сату объектісін сатып алу-сату шартына қол қою міндеттемелерін тіркейтін құжат болып табылады.

Тарау 5. 5-тарау. Сатып алу-сату шарты

5-тарау. Сатып алу-сату шарты

Тармақ 62

62. Сатып алу-сату шарты тізілімнің веб-порталында электрондық форматта жасалады және сатушы мен сатып алушы ЭЦҚ пайдалана отырып, сауда-саттық нәтижелері туралы хаттамаға қол қойған күннен бастап күнтізбелік 10 (он) күннен аспайтын мерзімде қол қояды. Шартта оны жасасудың негiзi ретiнде сауда-саттық нәтижелерi туралы хаттамаға сiлтеме көрсетіледі. Сатушы сатып алушыға сауда-саттық нәтижелері туралы хаттамаға қол қойған күннен бастап күнтізбелік 5 (бес) күннен аспайтын мерзімде сатып алу-сату шартының жобасын қол қоюға ұсынады.

Тармақ 63

63. Жеңімпаз сауда-саттық нәтижелері туралы хаттамаға не сатып алу-сату шартына белгіленген мерзімде қол қоймаған жағдайда сатушы ЭЦҚ пайдалана отырып, тізілімнің веб-порталында қалыптастырылатын сауда-саттық нәтижелерінің күшін жою туралы актіге қол қояды және бұл сату объектісі күшін жойған аукцион, жабық тендер шарттарымен аукционға, жабық тендерге қайтадан шығарылады.

Тармақ 64

64. Аукционда, жабық тендерде жеңген тұлға сауда-саттық нәтижелерi туралы хаттамаға немесе сатып алу-сату шартына қол қоймаған кезде өзі енгізген кепілдік жарнасын жоғалтады және сатушыға нақты келтірілген залалды өтейді.

Тармақ 65

65. Кепілдік жарна алына отырып, сатып алу-сату шарты бойынша сату бағасын сатып алушы сатып алу-сату шартына қол қойылған күннен бастап 10 (он) жұмыс күнінен аспайтын мерзімде бірыңғай оператордың есеп айырысу шотына енгізеді, бұл ретте төлем мақсатында сатып алушы сатып алу-сату шартының идентификаторын көрсетеді.

Тармақ 66

66. Төлемнiң мерзiмi өткен жағдайда сатушының шартты бiржақты тәртiппен бұзуына және сатып алушыдан iс жүзiндегi зиянды және тұрақсыздық айыбын өтеуді талап етуіне жол беріледі. Бұл жағдайда сату объектісі күшін жойған аукцион, жабық тендер шарттарымен қайта өтетін аукционға, жабық тендерге қайтадан шығарылады.

Тармақ 67

67. Материалдық құндылықтарды беру сатып алу-сату шарты бойынша сату бағасы толық төленген жағдайда жүргізіледі.

Тармақ 68

68. Ведомстволық бағынысты ұйымнан немесе сақтау пунктінен материалдық құндылықтарды беру уәкілетті орган бекіткен тәртіппен жазылатын наряд негізінде жүзеге асырылады.

Тармақ 69

69. Материалдық құндылықтарды беру қабылдау-беру актiсi бойынша ресімделеді. Қабылдау-беру актісіне сатушы және ведомстволық бағынысты ұйымның немесе сақтау пунктінің басшысы, бас бухгалтері, материалдық жауапты адамы қол қояды. Ведомстволық бағынысты ұйым немесе сақтау пункті мемлекеттік материалдық резервтен материалдық құндылықтарды шығарған күннен бастап 10 (он) жұмыс күнінен кешіктірмей қабылдау-беру актісін сатушыға жібереді. Қабылдау-беру актісіне қол қою туралы мәліметтерді сатушы қабылдау-беру актісінің түпнұсқасын сатушы алған сәттен бастап 3 (үш) жұмыс күні ішінде тізілімнің веб-порталына енгізеді.

Тармақ 70

70. Қол қойылған қабылдау-беру актісі туралы мәліметтерді сатушы тізілімнің веб-порталына енгізген күннен бастап 3 (үш) жұмыс күні ішінде бірыңғай оператор сату бағасын республикалық бюджеттің кірісіне аударады.

Тармақ 71

71. Сатып алушы қабылдау-беру актісіне қол қоймаған жағдайда сатушы тізілімнің веб-порталында қалыптастырылатын сауда-саттық нәтижелерінің күшін жою туралы актіге қол қояды және осы сату объектісі аукционға, жабық тендерге қайта шығарылады.

Тармақ 72. ___________________

72. Сатушы мен сатып алушы көрсетілген шарт бойынша қабылдаған міндеттемелерін толық және тиісінше орындаған жағдайда сатып алу-сату шарты орындалды деп саналады. ___________________

Басқа 1. Жаңарту және броньнан шығару тәртібімен мемлекеттік материалдық резервтен материалдық құндылықтарды шығару бойынша аукционға, жабық тендерге қатысуға өтінім

Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидаларына қосымша Нысан Жаңарту және броньнан шығару тәртібімен мемлекеттік материалдық резервтен материалдық құндылықтарды шығару бойынша аукционға, жабық тендерге қатысуға өтінім

Тармақ 1

1. Жаңарту және броньнан шығару тәртібімен мемлекеттік материалдық резервтен материалдық құндылықтарды шығару бойынша аукцион, жабық тендер өткізу туралы жарияланған хабарламаны қарап және Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидаларымен (бұдан әрі – Қағидалар) танысып, ___________________________________________________________________________________________ (жеке тұлғаның тегі, аты әкесінің аты (бар болса) немесе заңды тұлғаның атауы және заңды тұлға басшысының немесе сенімхат негізінде әрекет ететін өкілінің тегі, аты әкесінің аты (бар болса) 20__ жылғы «___» ___________ мемлекеттік мүлік тізілімінің веб-порталында болатын аукционға, жабық тендерге қатысуды қалайды.

Тармақ 2

2. Мен (біз) аукционға, жабық тендерге қатысу үшін сату объектісі бойынша аукцион, жабық тендер нәтижелері айқындалғанға дейін тізілімнің веб-порталы бұғаттайтын кепілдік жарнаны енгіздім (енгіздік): Р/с № Сату объектісінің атауы Сату объектісі үшін кепілдік жарнаның сомасы, теңге 1. 2. Жиыны

Тармақ 3

3. Қатысушыға қойылатын талаптарға менің (біздің) сәйкес келмегенім (келмегеніміз) анықталған жағдайда мен (біз) аукционға, жабық тендерге қатысу құқығынан айырылатыныммен (айырылатынымызбен), мен (біз) қол қойған сауда-саттық нәтижелері туралы хаттама және сатып алу-сату шарты жарамсыз деп танылатынымен келісемін (келісеміз).

Тармақ 4

4. Мен (біз) аукцион, жабық тендер жеңімпаз(дар)ы болып танылған жағдайда өзіме (өзімізге) сауда-саттық нәтижелері туралы хаттамаға ол өткізілген күні қол қоюға және ол өткізілген күннен бастап күнтізбелік 10 (он) күннен аспайтын мерзімде сатып алу-сату шартына қол қоюға міндеттеме аламын(з).

Тармақ 5

5. Мынадай:

Тармақша 1

1) сауда-саттық нәтижелері туралы хаттамаға ол өткізілетін күні қол қоймаған;

Тармақша 2

2) сатып алу-сату шартына белгіленген мерзімде қол қоймаған;

Тармақша 3

3) сатып алу-сату шарты бойынша міндеттемелерді мен (біз) орындамаған және/немесе тиісінше орындамаған жағдайларда мен (біз) енгізген кепілдік жарна сомасының қайтарылмайтынына және мемлекеттік мүлікті есепке алу саласындағы бірыңғай оператор оны республикалық бюджет кірісіне жіберетініне келісемін (келісеміз).

Тармақ 6

6. Сауда-саттық нәтижелері туралы хаттамамен бірге осы өтінімнің сатып алу-сату шарты жасалғанға дейін қолданылатын шарт күші бар.

Тармақ 7

7. Өзім(із) туралы мынадай мәліметтерді ұсынамын(ыз): Заңды тұлға үшін: Атауы ________________________________________________________ БСН __________________________________________________________ Басшының тегі, аты әкесінің аты (бар болса) ________________________ Мекенжайы: ___________________________________________________ Телефон (факс) нөмірі: __________________________________________ Кепілдік жарнаны қайтару үшін банк деректемелері: ЖСК _________________________________________________________ БСК __________________________________________________________ Банктің атауы __________________________________________________ Кбе ___________________________________________________________ Кепілдік жарнаны төлеген тұлғаның ЖСН/БСН______________________ Жеке тұлға үшін: Тегі, аты әкесінің аты (бар болса) _________________________________ ЖСН _________________________________________________________ Паспорт деректері ______________________________________________ Мекенжайы: ___________________________________________________ Телефон (факс) нөмірі:___________________________________________ Кепілдік жарнаны қайтару үшін банк деректемелері: ЖСК _________________________________________________________ БСК __________________________________________________________ Банктің атауы __________________________________________________ Кбе ___________________________________________________________ Кепілдік жарнаны төлеген тұлғаның ЖСН/БСН _____________________ Өтінім берушінің ЭЦҚ деректері; Өтінім берушінің ЭЦҚ қол қойған күні және уақыты. Мемлекеттік мүлік тізілімінің веб-порталында 20__ж. «__» ________ _____ сағат ____ минутта қабылданды. Қатысушының аукциондық нөмірі _____________________.

Қызметтер

Навигация

Параметрлер

Аккаунт

Об утверждении Правил выпуска материальных ценностей из государственного материального резерва в порядке освежения и разбронирования Қолданыста