Об областном Пресс-центре Қолданыста

Облыстық Баспа сөз орталығы туралы Облыста тіркелген аумақтық бұқаралық ақпарат құралдары мен республикалық БАҚ-ның меншікті тілшілері облыстың әлеуметтік- экономикалық ахуалының дамуы мен жағдайы, жүргізіліп жатқан реформалардың оң тәжірибелерін насихаттау сапасын жақсарту, облыстың бейнесі туралы оң көзқарастар қалыптастыру жайлы ақпараттық-аналитикалық қамтамасыз етілуін тиімділендіру мен жеделдету мақсаттарында:

1. Облыстық Баспа сөз оталығы (әрі қарай «Баспа сөз орталығы») кұрылсын. Баспа сөз орталығын басқару облыс әкімінің баспа сөз хатшысына жүктелсін.

2. Облыстық Баспа сөз орталығы туралы Ереже бекітілсін (қосымша).

3. Облыстық басқармалар мен комитеттердің, ведомстволардың басшылары, қалалар мен аудандардың әкімдері Баспа сөз орталығымен бірлесіп жұмыс істеу үшін аппарат қызметкерін белгілесін; Баспа сөз орталығына қажетті ақпараттардың уақытында тапсырылып отырылуын қамтамасыз етсін.

4. Облыс әкімі аппаратының шаруашылық істерін басқарушы (В. Майснер) Баспа сөз орталығын жұмыс орнымен, жиһазбен, байланыс және басқа да қажетті техникалық құралдармен қамтамасыз етсін.

5. Осы шешімнің орындалуын бақылау облыс әкімінің орынбасары С.Ж. Жалмағанбетоваға жүктелсін.

Облыс әкімінің шешіміне қосымша Облыстық Баспасөз орталығы туралы ЕРЕЖЕ

I. Жалпы ережелер

1. Облыстық Баспасөз орталығы (әрі қарай Баспасөз) бұқаралық ақпарат құралдарын жедел ақпараттық сараптауды қамтамасыз ету қызметі болып табылады.

2. Баспасөз орталығының жұмысын облыс әкімінің баспасөз хатшысы басқарады.

3. Баспасөз орталығы облыстық басқармалар мен комитеттер, ведомстволар мен аудандық, қалалық әкімшіліктер және басқа да мемлекеттік органдар (келісімі бойынша) бөлген жауапты қызметкерлерден тұрады.

II. Баспасөз орталығының негізгі міндеттері мен қызметі

4. Баспасөз орталығының негізгі міндеттері:

1) облыста жүргізіліп жатқан экономикалық реформалардың жетістіктері, әлеуметтік-экономикалық жағдай туралы аумақтық бұқаралық ақпарат құралдарына сапалы тұрде және жедел ақпараттық сараптау материалдарын беріп тұру;

2) облыстың атқарушы және басқа да мемлекеттік органдарының баспасөз кызметтерінің аумақтың беделін арттыру жөніндегі жұмыстарына сараптамалық және методикалық көмек көрсету;

5. Баспасөз орталығының атқаратын қызмет түрлері:

1) облыстың экономика мен әлеуметтік салаларында болып жатқан маңызды оқиғалар туралы басқармалар мен комиттерден, ведомстволар мен қалалық аудандық әкімшіліктерден және басқа да мемлекеттік органдардан (келісімі бойынша), сонымен қатар ашық ақпарат көздерінен (БАҚ, ақпараттық агенттіктер, «Интернет» және т.б.) келіп түскен ақпараттарды жинақтау, өңдеу және қорытындылау;

2) келіп түскен мәтіндер мен графикалық материалдарды жұмыста қолдану үшін, жариялау үшін таңдау, түзету, жазу және көшіру;

3) ашық ақпарат көздерінен және мемлекеттік органдардан келіп түскен ақпараттарды жүйелі түрде жинастырып, Баспасөз орталығының көрсеткіштер базасында сақтау, БАҚ мен басқа да алушыларға көрсеткіштер базасында бар материалдарды қолдануға беру;

4) Баспасөз орталығының ақпараттық сараптау материалын, тақырыптық баспасөз - релиздер дайындау мен шығару;

5) аумақтық бұқаралық ақпарат кұралдарында ақпараттық сараптау материалдарын дер кезінде жариялап отыру.

III. Баспасөз орталығының жұмысын қамтамасыз ету

6. Баспасөз орталығының ұйымдастыру жұмыстарын облыс әкімінің баспасөз хатшысы жүзеге асырады, материалдық-техникалық қамтамасыз ету мәселелерімен облыс әкімі аппаратының іс басқармасы айналысады.

7. Баспасөз орталығының жұмысын қамтамасыз етуші облыстық басқармалар мен комитеттердің, ведомстволар мен басқа да мемлекеттік органдардың басшылары ақпараттардың уақытында және дұрыс берілуі үшін жауап береді. Баспасөз орталығына тиісті ақпаратты жүйелі түрде беріп отыратын уәкілін тағайындайды.

8. Мемлекеттік органдардың ақпараттарына қойылатын талаптарды Баспасөз орталығы белгілейді.