О проведении лагерных (учебно-полевых) сборов с юношами призывного возраста Күшін жойған

Шақыру жасындағы жас жігіттердің лагерлік жиындарын өткізу туралы 📌 Ескерту. Күші жойылды - Батыс Қазақстан облысы әкімінің 15.12.2000 № 219 шешімімен. Қазақстан Республикасы Үкiметiнiң "Бастапқы әскери даярлық туралы" 1996 жылғы 1 қарашадағы N 1340 қаулысын орындау үшiн ШЕШIМ ЕТЕМIН:

1. Орал қаласының және аудандардың әкiмдерi: - бағыныстылығы мен меншiк нысанына қарамастан жалпы орта бiлiм беретiн және кәсiптiк-техникалық мектептердiң, арнаулы орта оқу орындары мен оқу пункттерiнде бастапқы әскери дайындықтан өткен жас жiгiттердiң лагерлiк жиындарын 2000 жылдың мамырынан бастап июнiне дейiн ұйымдастырып өткiзсiн (оқу-далалық жиындар бағдарламасына сәйкес); - жиын өткiзу үшiн қорғаныс-спорт сауықтыру лагерлерiнiң, Қазақстан Республикасы Қорғаныс министрлiгi әскери-техникалық мектептерiнiң және әскери бөлiмдердiң оқу-материалдық базасын пайдалансын, ал ол болмаған жағдайда лагер жиындарын оқу орындары немесе оқу пункттерi жанында "Шақырылушылар күнi" ретiнде атап өткiзсiн; - оқу пункттерi әр ауданда, қалада құрылсын және оларда 2000 жылғы мамыр-маусым аралығындағы кезеңде 10 күндiк оқу-далалық жиындар әдiсiмен бастапқы әскери даярлықтан өтпеген шақыру жасындағы жас жiгiттердiң бастапқы әскери даярлығы жөнiнде сабақтар өткiзудi ұйымдастырсын.

2. Облыстық әскери комиссариат (Мұқатаев): - аудандық, (қалалық) әскери комиссариаттарда қорғаныс-спорт және сауықтыру лагерлерi әкiмшiлiктерiмен және жиындарды ұйымдастыру және өткiзу мәселесi жөнiндегi бастапқы әскери дайындық мұғалiмдерiмен нұсқау-әдiстемелiк сабақтар өткiзсiн; - сабақ өткiзу және ату құралдарын үйрету сондай-ақ тактикалық және сапта жүру дағдыларын үйрету кездерiнде жасөспiрiмдердiң өмiрi мен денсаулығының қауiпсiздiгi шараларын қамтамасыз етуге ерекше көңiл бөлсiн; - оқу далалық жиындар мен оқу пункттерiнде бастапқы әскери дайындық жөнiнде оқу – әдiстемелiк нұсқаулықты жүзеге асырсын; - оқу далалық жиындарды ойдағыдай өткiзуге көмек көрсету мақсатында әскери - техникалық мектептер мен әскери бөлiмдер командирлерiнiң байланысын қамтамасыз етсiн.

3. Облыстық бiлiм басқармасы (Қатаев): - жиындарға орта мектептердiң 11 - сыныбы мен арнаулы орта оқу орындарының бiтiрушi курстары жас жiгiттерiнiң түгел қамтылуын қамтамасыз ететiн болсын; - оқу процесiнiң әскери - патриоттық, мәдени - бұқаралық және спорт шараларының сапалы жүргiзiлуiн ұйымдастырсын.

4. Облыстық бiлiм басқармасы (Қадырбеков) жиындар өтетiн - жерлерде оқушылар санының көп жинақталуына байланысты, оқушылар арасында жұқпалы аурулардың таралуын, балалардың басқа да ауруын болдырмау үшiн дәрiгерлiк шараларды және дәрiгер қызметкерлерiнiң ұдайы кезекшiлiгiн қамтамасыз етсiн.

5. Облыстық iшкi iстер басқармасы (Рақымжанов) оқу-далалық жиындар өткiзiлетiн жерлерде қоғамдық тәртiптiң сақталуын қамтамасыз етсiн.

6. Шешiмнiң орындалуын бақылау облыс әкiмiнiң орынбасары М.И. Құлшарға жүктелсiн.