Об утверждении Правил привлечения, использования, мониторинга и оценки использования несвязанных грантов Күшін жойған
Басқа 0
Байланысты емес гранттарды тарту, пайдалану, пайдаланылуын мониторингілеу және бағалау қағидаларын бекiту туралы
Қазақстан Республикасының 2008 жылғы 4 желтоқсандағы Бюджет кодексiнің 166-бабына сәйкес БҰЙЫРАМЫН:
Тармақ 1
1. Қоса берiліп отырған Байланысты емес гранттарды тарту, пайдалану, пайдаланылуын мониторингiлеу және бағалау қағидалары бекiтiлсiн.
Тармақ 2
2. Бюджеттік инвестициялар және мемлекеттік-жекешелік әріптестікті дамыту департаменті заңнамада белгіленген тәртіпте:
Тармақша 1
1) осы бұйрықтың Қазақстан Республикасы Әдiлет министрлiгiнде мемлекеттiк тiркелуiн;
Тармақша 2
2) осы бұйрық Қазақстан Республикасының Әділет министрлігінде мемлекеттік тіркелгеннен кейін күнтізбелік он күннің ішінде оны мерзімдік басылымдар мен «Әділет» ақпараттық-құқықтық жүйесінде ресми жариялауға жіберуді;
Тармақша 3
3) осы бұйрықтың Қазақстан Республикасы Ұлттық экономика министрлігінің ресми интернет-ресурсында жариялануын қамтамасыз етсін.
Тармақ 3
3. Осы бұйрықтың орындалуын бақылау Қазақстан Республикасының Ұлттық экономика бірінші вице-министріне жүктелсін.
Тармақ 4
4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.
Басқа 1. Байланысты емес гранттарды тарту, пайдалану, пайдаланылуын мониторингілеу және бағалау қағидалары
Қазақстан Республикасы
Ұлттық экономика министрінің
2014 жылғы 30 желтоқсандағы № 196
бұйрығымен бекітілген
Байланысты емес гранттарды тарту, пайдалану, пайдаланылуын мониторингілеу және бағалау қағидалары
Тарау 1. 1. Жалпы ережелер
1. Жалпы ережелер
Тармақ 1
1. Осы Байланысты емес гранттарды тарту, пайдалану, мониторингiлеуін және пайдаланылуын бағалау қағидалары Қазақстан Республикасының Бюджет кодексiне сәйкес әзiрлендi және Қазақстан Республикасының мемлекеттiк ұйымдарына берілетін байланысты емес гранттарды тартуды, пайдалануды, пайдаланылуын мониторингілеу және бағалау тәртiбiн айқындайды.
Қағидалар ізгiлiк, қайырымдылық, әскери, азық-түлiктiк көмектi тарту және бөлу рәсiмдерiне қолданылмайды.
Тармақ 2
2. Осы қағидалардың мақсаттары:
Тармақша 1
1) ашық және тиiмдi байланысты емес гранттарды тарту және пайдалану процесiн қамтамасыз ету;
Тармақша 2
2) байланысты емес гранттарды пайдалану барысы мен нәтижелерi туралы есептер мен ақпараттарды ұсыну процесін реттеу;
Тармақша 3
3) байланысты емес гранттарды пайдаланылуын мониторингiлеу мен бағалау процесін реттеу және жүйелендiру болып табылады.
Тармақ 3
3. Осы қағидаларда мынадай ұғымдар пайдаланылады:
Тармақша 1
1) бенефициар - осы қағидаларда көзделген тәртiппен тiкелей байланыссыз гранттарды алатын және пайдаланатын Қазақстан Республикасының мемлекеттiк ұйымы;
Тармақша 2
2) атқарушы агенттік - байланысты емес гранттарды пайдалануды мониторингілеу процесін жүзеге асыратын орталық мемлекеттік орган немесе жергілікті атқарушы орган (республикалық маңызы бар қаланың, астананың);
Тармақша 3
3) заттай үлес - бенефициарды және/немесе атқарушы агенттікті ұстауға көзделген бюджеттiк қаржы бөлулер шегiнде Қазақстан Республикасының заңнамасына сәйкес берілетiн, Қазақстан Республикасы Үкiметiнің грант берген донордан одан әрi қарыз алуын немесе жобаны мемлекеттiк бюджеттен бiрлесiп қаржыландыруын көздемейтін бенефициардың және/немесе атқарушы агенттiктiң белгiлi бiр жобаны iске асыру шеңберiндегi үлесi (ақшаны қоспағанда);
Тармақша 4
4) салалық мемлекеттік орган - Қазақстан Республикасының заңдарында белгiленген құзырет шеңберiнде белгiлi бiр қызмет саласындағы мемлекеттік саясатты қалыптастыруды және iске асыруды жүзеге асыратын орталық мемлекеттік орган;
Тармақша 5
5) жоба - аяқталған сипаты бар белгілі бiр мақсаттарға қол жеткiзуге бағытталған және шектеулi уақыт кезеңі iшiнде байланысты емес гранттар қаражаты есебінен iске асырылатын iс-шаралар жиынтығы;
Тармақша 6
6) өңiрлiк жоба - оны iске асыруға бiрден артық мемлекеттiң қатысуын көздейтiн жоба;
Тармақша 7
7) байланысты емес грант туралы келiсiм - атқарушы агенттік пен донордың арасында жазбаша нысанда жасалған Қазақстан Республикасының мемлекеттiк ұйымдарына өтеусiз қаржылық немесе техникалық көмек берудi көздейтін келiсiм;
Тармақша 8
8) уәкілетті орган - байланысты емес гранттарды тарту, пайдалану, пайдалану тиімділігін бағалау процестерін үйлестіруді жүзеге асыратын мемлекеттік жоспарлау жөніндегі орталық атқарушы орган.
Тармақ 4
4. Байланысты емес гранттар көмек беру түрлерi бойынша былайша бөлінедi:
Тармақша 1
1) тауарларды жеткiзу - Қазақстан Республикасының заңнамасына сәйкес жүзеге асырылатын донордың қаражатына сатып алынған материалдық-техникалық құндылықтарды өтеусiз негiзде мемлекеттік меншікке беру;
Тармақша 2
2) жұмыстарды орындау және қызметтер көрсету - мемлекеттік ұйымдарға сарапшыларды, консультанттарды (мамандарды), еріктілерді (волонтерлердi) жiберу арқылы зерттеулер жүргiзу, консультациялық және басқа да көмек беру, сондай-ақ тауарларды жеткiзу мен мемлекеттiк ұйымдардың қызметшілерін оқыту түрiндегi көмекті қоспағанда, жұмыстар мен қызметтердiң басқа да түрлерi;
Тармақша 3
3) мемлекеттiк ұйымдардың қызметшілерiн оқыту - курстар, семинарлар, тренингтер және оқытудың басқа да түрлерiн жүргiзу және/немесе ұйымдастыру және мемлекеттiк ұйымдар қызметшілерінің білiктiлiгiн арттыру.
Тармақ 5
5. Қазақстан Республикасының заңнамасына сәйкес байланысты емес гранттарды пайдалану барысында бенефициарға және/немесе атқарушы агенттікке байланысты емес грант туралы тиiсті келiсiмде көзделген заттай үлес беруге жол беріледі.
Тармақ 6
6. Мемлекеттiк ұйымдардың донорларға байланысты емес гранттарды тарту мәселелерi бойынша жүгінуi тек уәкілеттi органмен келiсiм бойынша жүзеге асырылады.
Тарау 2. 2. Байланысты емес гранттарды тарту қағидалары
2. Байланысты емес гранттарды тарту қағидалары
Тармақ 7
7. Уәкілетті орган жыл сайын тиiстi қаржы жылының 1 мамырынан кешіктiрмей, сондай-ақ қажеттілігіне қарай атқарушы агенттiктердің өтiнiмдер қалыптастырған кезде есепке алу үшiн алдағы қаржы жылына арналған байланысты емес гранттарды беру туралы донорлардың ұсыныстары туралы ақпаратты атқарушы агенттіктерге жiбередi.
Тармақ 8
8. Атқарушы агенттіктер тиісті қаржы жылының 1 тамызынан кешіктірмей немесе уәкілетті орган белгілеген мерзімдерде уәкілетті органға алдағы қаржы жылында байланысты емес гранттарды тарту мақсатында басым жобалардың тізбесін қалыптастыру үшін өтінімдер береді. Атқарушы агенттіктердің көрсетілген мерзімдерден кейін берілген өтінімдерін уәкілетті орган қарамайды.
Атқарушы агенттіктердің өтінімдері оларға ведомстволық бағынысты мемлекеттік мекемелердің ұсыныстары ескеріле отырып қалыптастырылады.
Барлық деңгейдегі мәслихаттар аппараттарының өтінімдері тиісті облыстар (республикалық маңызы бар қала, астана) әкімдіктерінің өтінімдерінде көрсетіледі.
Тармақ 8-1
8-1 Донорлар ұсынған және уәкілетті орган мен атқарушы агенттіктермен келісілген жобалар келуі бойынша тізбеге қосылады.
Тармақ 9
9. Атқарушы агенттіктердің өтінiмдердi қалыптастыруы Қазақстан Республикасының Президенті мен Қазақстан Республикасының Үкіметі қолданыстағы мемлекеттік, салалық (секторалдық) және өңiрлiк бағдарламалардың, сондай-ақ тұжырымдамалардың негізiнде айқындаған міндеттердің негізінде жүзеге асырылады.
Тармақ 10
10. Атқарушы агенттiктiң өтінiмi:
Тармақша 1
1) ұсынылатын жобалардың тiзбесiн және олар бойынша шығыстар сомасын;
Тармақша 2
2) жобаның мақсаты, негiзгi iс-шаралары мен оларды iске асыру мерзiмдерi, күтілетiн нәтижелерi көрсетіле отырып, әр жобаға жеке түсiндiрме жазбасын (негiздемесiн);
Тармақша 3
3) әр жоба бойынша шығыстардың есебiн;
Тармақша 4
4) ағымдағы қаржы жылының 1 қаңтарындағы жағдай бойынша алынған және пайдаланылған байланысты емес гранттар туралы ақпаратты қамтиды.
Тармақ 11
11. Байланысты емес гранттарды тартуға арналған өтiнімге енгізiлген жобаларды iрiктеудi уәкілетті орган:
Тармақша 1
1) ұсынылған құжаттардың толықтығы мен сапасын;
Тармақша 2
2) жобалар мақсатының мемлекеттік, салалық (секторалдық) және өңiрлiк бағдарламаларға, сондай-ақ тұжырымдамаларға сәйкестігiн;
Тармақша 3
3) жоба мақсатының Қазақстан Республикасының мемлекеттік ұйымдары үшін донорлардың байланысты емес гранттар беру саясатына сәйкестігiн ескере отырып жүзеге асырады.
Тармақ 12
12. Атқарушы агенттіктердiң өтінімдерiн қарау барысында уәкілетті орган:
Тармақша 1
1) әлеуетті донорлармен консультациялар өткiзедi;
Тармақша 2
2) мүдделi мемлекеттік органдармен және ұйымдармен өзара iс-қимыл жасайды;
Тармақша 3
3) алдағы қаржы жылына арналған жобалардың оңтайлы тiзбесiн қалыптастыру мақсатында Қазақстан Республикасының қолданыстағы заңнамасына қайшы келмейтiн басқа да iс-шараларды жүргiзедi.
Тармақ 13
13. Атқарушы агенттіктердің өтінімдерін қарау нәтижелері бойынша уәкілетті орган тиісті жылдың 1 желтоқсанынан кешіктірмей алдағы қаржы жылына арналған, мемлекеттік органдардан өтінімдердің түсуі бойынша жыл бойы жаңартылуға жататын басым жобалардың тізбесін бекітеді.
Тармақ 14
14. Басым жобалардың бекітілген тiзбесi уәкілетті органның байланысты емес гранттарды тарту жөнiндегi iс-шараларды жүргізу үшін негiз болады.
Тармақ 15
15. Уәкілетті орган алдағы қаржы жылына арналған басым жобалар тізбесін бекіткеннен кейін донорларға осы Қағидаларға қосымшаға сәйкес нысан бойынша байланысты емес гранттарды тарту туралы өтінім жібереді.
Тармақ 16
16. Донор байланысты емес гранттарды тартуға арналған өтінiмдi мақұлдаған жағдайда уәкілетті орган он жұмыс күні ішінде тиiстi атқарушы агенттiкті байланысты емес грант туралы келiсiмдi дайындау, келiсу және оған қол қою жөнiнде iс-шаралар жүргiзу қажеттiгі туралы хабардар етеді.
Байланысты емес грант туралы келiсiмдi атқарушы агенттiк материалдық-техникалық құндылықтарды жеткiзудi және/немесе сарапшыларды, консультанттарды (мамандарды), ерiктілердi (волонтерлердi) тартуды көздейтiн әр жоба бойынша жеке жасайды.
Мемлекеттік ұйымдардың қызметшілерiн оқыту түрiндегi байланысты емес гранттарды тарту, донордың байланысты емес гранттар беру шарттарында мұндай талап болған жағдайда, уәкілеттi орган мен донор арасында жасалатын тиiстi келiсiмнің негiзiнде жүзеге асырылады.
Донорлардың мемлекеттiк ұйымдардың қызметшілерін оқыту түрiндегi байланысты емес гранттар беру шарттары байланысты емес гранттар туралы тиiстi келiсiмдерге қол қою қажеттілігін көздейді.
Тармақ 17
17. Материалдық-техникалық құндылықтарды жеткiзудi көздейтiн байланысты емес гранттар туралы келiсiм жеткiзiлетiн материалдық-техникалық құндылықтардың негiзгi техникалық және өзге де сипаттамаларын, сондай-ақ оларды жеткiзу кестесiн (мерзiмiн) қамтиды.
Тармақ 18
18. Сарапшыларды, консультанттарды (мамандарды), ерiктілердi (волонтерлердi) тартуды көздейтiн байланысты емес гранттар туралы келiсiмдерде:
Тармақша 1
1) жобаның негізгi кезеңдерi (iс-шаралары), оларды iске асыру мерзiмдерi, сондай-ақ сомасы;
Тармақша 2
2) тараптардың мiндеттемелерi, оның iшiнде донордың атқарушы агенттiкке жобаны iске асыру барысында iс-жүзiнде пайдаланылған сомалар туралы мәлiметтер беру мiндеттемесi;
Тармақша 3
3) бенефициардың және/немесе атқарушы агенттіктің заттай үлесiнiң нысаны көрсетіледі.
Тармақ 19
19. Мемлекеттiк ұйымдардың қызметшілерiн оқыту түрiнде ұсынылған байланысты емес гранттар туралы келiсiмдерде оқыту немесе білiктілiктi арттыру курстарының (семинарларының, тренингтерiнің) негiзгi бағыттары, оларды өткiзу мерзiмдерi, сондай-ақ курстарға (семинарларға, тренингтерге) тыңдаушылар ретінде шақырылатын мемлекеттiк ұйымдар қызметшілерінің болжамды саны көзделеді.
Тармақ 20
20. Облыс (республикалық маңызы бар қала, астана) әкiмдігі атқарушы агенттік болған жағдайда байланысты емес грант туралы келiсiмге тиiстi салалық мемлекеттiк орган немесе уәкілетті орган қол қояды.
Тармақ 21
21. Донор уәкiлеттi органмен келiсiм бойынша тиiстi салалық мемлекеттiк органның оң қорытындысы негiзiнде өңiрлiк жобаны iске асыру үшiн байланысты емес грант берген жағдайда өңiрлiк жобаны iске асыру оны басым жобалардың тiзбесiне қоспай жүзеге асырылады.
Тармақ 22
22. Байланысты емес грант есебiнен өңiрлiк жобаны iске асыру туралы тиiстi келiсiмдi дайындау, келiсу және оған қол қою жөнiндегi iс-шаралар донордың рәсiмдерiн ескере отырып, өңiрлiк жобаны іске асыруға қатысатын елдермен келiсiм бойынша жүзеге асырылады.
Тарау 3. 3. Байланысты емес гранттарды пайдалану қағидалары
3. Байланысты емес гранттарды пайдалану қағидалары
Тармақ 23
23. Материалдық-техникалық құндылықтарды жеткiзудi көздейтiн жобаларды iске асыру байланысты емес грант туралы келiсiмнiң шарттарына және Қазақстан Республикасының қолданыстағы заңнамасына сәйкес жүзеге асырылады.
Тармақ 24
24. Жобаны iске асыру шеңберiнде тауарларды жеткiзген жағдайда материалдық-техникалық құндылықтар бенефициардың балансына қабылданады.
Атқарушы агенттiк 15 жұмыс күнi ішінде уәкілеттi органға олардың негiзiнде материалдық-техникалық құндылықтарды беру жүзеге асырылатын тиiстi құжаттардың көшiрмелерiн бередi.
Тармақ 25
25. Сарашпылар мен консультанттарды (мамандарды) тартуды көздейтін, оның iшiнде материалдық-техникалық құндылықтарды жеткiзу жөнiндегi жобаны iске асыру атқарушы агенттіктiң келiсiмi бойынша бенефициар әзiрлейтін техникалық тапсырмаға сәйкес жүзеге асырылады.
Жобаға техникалық тапсырма байланысты емес грант туралы келiсiмнiң шарттарына сәйкес және донордың келiсiмi бойынша әзiрленедi.
Тармақ 26
26. Өңiрлiк жобаға техникалық тапсырма өңiрлiк жобаны iске асыруға қатысатын мемлекеттер жасасқан байланысты емес грант есебiнен өңiрлiк жобаны iске асыру туралы тиiстi келiсiмнің шарттарына сәйкес әзiрленедi.
Тармақ 27
27. Техникалық тапсырмада:
Тармақша 1
1) аяқталу нысаны мен оларды iске асыру мерзiмдерін қоса алғанда, жобаның кезеңдерi мен нақты iс-шаралары;
Тармақша 2
2) жобаның әр кезеңіндегі iс-шараларды iске асырудан күтілетiн нәтижелер;
Тармақша 3
3) жергiлiктiлердi қоса алғанда, жобаны iске асыру үшiн тартылатын сарапшылардың және консультанттардың (мамандардың) функционалдық міндеттерi мен жобаға қатысу кезеңi көрсетiле отырып, олардың сандық және сапалық құрамы көзделінеді.
Тармақ 28
28. Жобаға техникалық тапсырманы бенефициардың бiрiншi басшысы немесе оны ауыстыратын тұлға, сондай-ақ донордың уәкілеттi өкiлi байланысты емес грант туралы келiсiм күшiне енген күннен бастап үш айдан кешіктiрмей бекiтедi.
Атқарушы агенттiк жобаға техникалық тапсырма бекiтiлген күнiнен бастап бiр апта мерзiмде уәкілетті органға оның атқарушы агенттігiнің бiрiншi басшысы немесе оның орынбасары растаған көшірменi берудi қамтамасыз етедi.
Тармақ 29
29. Жобаны iске асыру процесiнде бекiтiлген техникалық тапсырмаға өзгерiстер мен толықтырулар енгізуге рұқсат етіледi. Бұл ретте техникалық тапсырмаға өзгерiстер мен толықтырулар байланысты емес грант туралы келiсiмнің шарттарына қайшы келмейді.
Тармақ 30
30. Техникалық тапсырмаға өзгерiстер мен толықтырулар енгiзiлген жағдайда атқарушы агенттiк бiр апта мерзiмде уәкілетті органға енгізiлген өзгерiстер мен толықтырулардың негіздемелерімен бiрге нақты ақпараттың берiлуiн қамтамасыз етедi.
Тармақ 31
31. Жобаны iске асыру процесiнде атқарушы агенттiк:
Тармақша 1
1) байланысты емес грант туралы келiсiмде көзделіп қабылданған мiндеттемелердің, сондай-ақ техникалық тапсырмада көзделген iс-шаралардың уақтылы орындалуын;
Тармақша 2
2) Қазақстан Республикасының мүдделi мемлекеттiк органдарына, сондай-ақ уәкілетті органға донордың немесе оның уәкілетті тұлғаларының байланысты емес грант туралы келiсiмде көзделген мiндеттемелердi, сондай-ақ техникалық тапсырмада көзделген iс-шараларды орындамағаны туралы уақтылы хабардар етудi;
Тармақша 3
3) байланысты емес гранттардың мақсатты және тиiмдi пайдаланылуын;
Тармақша 4
4) донордың есебiнен берiлген материалдық-техникалық құндылықтардың импорты кезiнде кедендiк ресiмдеудiң уақтылы жүзеге асырылуын;
Тармақша 5
5) донордың есебiнен берiлген материалдық-техникалық құндылықтардың бенефициардың балансына уақтылы қабылдануын қамтамасыз етедi.
Тарау 4. 4. Байланысты емес гранттардың пайдаланылуын мониторингілеу және бағалау
4. Байланысты емес гранттардың пайдаланылуын мониторингілеу және бағалау
Тармақ 32
32. Материалдық-техникалық құндылықтарды жеткiзудi, сондай-ақ сарапшылар мен консультанттарды (мамандарды) тартуды көздейтiн байланысты емес гранттардың пайдаланылуын мониторингiлеу және бағалау:
Тармақша 1
1) жобалардың iске асырылу барысы, сондай-ақ жобалардың ағымдағы бағалау туралы ақпаратты атқарушы агенттiктердiң жинауын, өңдеуiн және оны уәкілетті органға ұсынуын;
Тармақша 2
2) атқарушы агенттіктің Қазақстан Республикасы мемлекеттiк ұйымдарының байланысты емес гранттарды пайдалану туралы жиынтық ақпаратты жасауын және уәкілетті органға ұсынуын қамтиды.
Тармақ 33
33. Атқарушы агенттiктер тоқсан сайын есептi айдан кейiнгi айдың 10-нан кешiктірмей уәкілетті органға мыналарды қамтитын:
Тармақша 1
1) материалдық-техникалық құндылықтарды жеткiзу кестесiнде (мерзiмдерiнде) не жобаларға техникалық тапсырмаларда көзделген iс-шараларды iске асырудың ағымдағы жай-күйi туралы мәлiметтердi;
Тармақша 2
2) жобаларға техникалық тапсырмаларда көзделген iс-шараларды iске асыру барысында қол жеткiзiлген аралық нәтижелер туралы мәлiметтердi;
Тармақша 3
3) материалдық-техникалық құндылықтарды жеткiзу кестесiнде (мерзiмiнде) не жобаларға техникалық тапсырмаларда көзделген iс-шаралардың орындалмау не сапасыз орындалу себептерi туралы мәлiметтердi;
Тармақша 4
4) материалдық-техникалық құндылықтарды жеткiзу кестесiнде (мерзiмiнде) не жобаларға техникалық тапсырмаларда көзделген iс-шараларды iске асырудың тиiмділiгiн арттыруға бағытталған ұсыныстарды беруi тиiс.
Тармақ 34
34. Байланысты емес гранттардың пайдаланылуын бағалауды жүзеге асыру мақсатында уәкілетті орган қажет болған жағдайда:
Тармақша 1
1) атқарушы агенттіктерден және/немесе бенефициарлардан беру мерзімін көрсете отырып қосымша ақпарат сұратады;
Тармақша 2
2) атқарушы агенттіктер беретін ақпаратты растау үшін жоба іске асырылатын жерге уәкілетті тұлғаларды жібереді;
Тармақша 3
3) Қазақстан Республикасының заңнамасына сәйкес өзге де шараларды қабылдайды.
Тармақ 35
35. Атқарушы агенттік жыл сайын тиісті қаржы жылының 15 наурызынан кешіктірмей Қазақстан Республикасының мемлекеттік ұйымдарының байланысты емес гранттарды пайдаланғаны туралы ақпаратты мемлекеттік жоспарлау жөніндегі уәкілетті органға енгізеді.
Тармақ 36
36. Өңiрлiк жобаны iске асыру үшiн байланысты емес гранттың пайдаланылуын мониторингiлеу және бағалау осы тарауда көзделген тәртiппен жүзеге асырылады.
Басқа 2. Байланысты емес гранттарды тартуға өтінім
Байланысты емес гранттарды
тарту, пайдалану, пайдаланылуын
мониторингілеу және бағалау
қағидаларына қосымша
Нысан
Байланысты емес гранттарды тартуға өтінім
Тармақ 1
1. Мемлекеттік органның атауы
Тармақ 2
2. Жобаның атауы
Тармақ 3
3. Секторы
Тармақ 4
4. Жобаның мақсаты
Тармақ 5
5. Зерттеу жүргізу қажеттілігінің негіздемесі
Тармақ 6
6. Жобаның сипаттамасы (мәселенің немесе проблеманың қысқаша тарихы, мемлекеттік реттеудің қажеттілігі, жеделдігі мен өзектілігі, көлемі, ауқымдылығы, қазіргі әдістері)
Тармақ 7
7. Зерттеудің болжамды құны.
Тармақ 8
8. Азия Даму Банкінің рөлі (АДБ қатысуының қажеттілігі)
Тармақ 9
9. Күтілетін іс-шаралар
Тармақ 10
10. Болжамды нәтижелер
Тармақ 11
11. Іске асыру мерзімдері
Тармақ 12
12. Аралас қызмет (осы тақырыпқа зерттеулер жүргізілген бе, осы іс-шараға басқа донорлардан грант тартылған ба)
Тармақ 13
13. Байланысатын тұлғалар (Т.А.Ә., лауазымын, телефон нөмірін және электрондық мекенжайын көрсете отырып)