О внесении изменений в некоторые нормативные правовые акты Республики Казахстан по вопросам ведения бухгалтерского учета, срока составления и представления аудиторского отчета, публикации финансовой отчетности Қолданыста

Қазақстан Республикасының кейбір нормативтік құқықтық актілеріне бухгалтерлік есеп жүргізу, аудиторлық есепті жасау және ұсыну мерзімі, қаржылық есептілікті жариялау мәселелері бойынша өзгерістер енгізу туралы «Қазақстан Республикасының Ұлттық Банкі туралы» 1995 жылғы 30 наурыздағы Қазақстан Республикасының Заңына сәйкес Қазақстан Республикасының нормативтік құқықтық актілерін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Қоса беріліп отырған Бухгалтерлік есеп жүргізу, аудиторлық есепті жасау және ұсыну мерзімі, қаржылық есептілікті жариялау мәселелері бойынша өзгерістер енгізілетін Қазақстан Республикасының нормативтік құқықтық актілерінің тізбесі бекітілсін.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Ұлттық Банкі Басқармасының 2014 жылғы 24 желтоқсандағы № 255 қаулысымен бекітілген Бухгалтерлік есеп жүргізу, аудиторлық есепті жасау және ұсыну мерзімі, қаржылық есептілікті жариялау мәселелері бойынша өзгерістер енгізілетін Қазақстан Республикасының нормативтік құқықтық актілерінің тізбесі

1. Қазақстан Республикасы Ұлттық Банкі Басқармасының «Қазақстан Республикасы қаржы нарығының жекелеген субъектілеріне арналған бухгалтерлік есептің үлгі шот жоспарын бекіту туралы» 2008 жылғы 22 қыркүйектегі № 79 қаулысына (Нормативтік құқықтық актілерді мемлекеттік тіркеу тізілімінде № 5348 тіркелген, 2008 жылғы 12 желтоқсанда Қазақстан Республикасының орталық атқарушы және өзге де орталық мемлекеттік органдарының актілері жинағында № 12 жарияланған) мынадай өзгерістер енгізілсін: көрсетілген қаулымен бекітілген Қазақстан Республикасы қаржы нарығының жекелеген субъектілеріне арналған бухгалтерлік есептің үлгі шот жоспарында: 2-тарауда: 3-параграфта: 3020-шоттың аты мынадай редакцияда жазылсын: «3020 Қа­зақ­стан Рес­пуб­ли­ка­сы Ұлт­тық Бан­кі­нің ли­цен­зи­я­сын­сыз банк опе­ра­ци­я­ла­ры­ның же­ке­ле­ген түр­ле­рін жү­зе­ге асы­ра­тын ұй­ым­дар­дан алын­ған қы­сқа мер­зім­ді за­ем­дар»; 4-параграфта: 4020-шоттың аты мынадай редакцияда жазылсын: «4020 Қа­зақ­стан Рес­пуб­ли­ка­сы Ұлт­тық Бан­кі­нің ли­цен­зи­я­сын­сыз банк опе­ра­ци­я­ла­ры­ның же­ке­ле­ген түр­ле­рін жү­зе­ге асы­ра­тын ұй­ым­дар­дан алын­ған ұзақ мер­зім­ді за­ем­дар»; 3-тараудың 1-параграфында: 3020-шоттың аты мен сипаттамасы мынадай редакцияда жазылсын: «3020 «Қазақстан Республикасы Ұлттық Банкінің лицензиясынсыз банк операцияларының жекелеген түрлерін жүзеге асыратын ұйымдардан алынған қысқа мерзімді заемдар» (пассив). Мақсаты: Қазақстан Республикасы Ұлттық Банкінің лицензиясынсыз банк операцияларының жекелеген түрлерін жүзеге асыратын ұйымдардан алынған өтеу мерзімі бір жылға дейінгі заемдардың сомаларын есепке алу. Шоттың кредиті бойынша Қазақстан Республикасы Ұлттық Банкінің лицензиясынсыз банк операцияларының жекелеген түрлерін жүзеге асыратын ұйымнан алынған қысқа мерзімді заемдар сомасы жазылады. Шоттың дебеті бойынша ұйым алынған қысқа мерзімді заемдарды өтеген кезде олардың сомаларын есептен шығару жүргізіледі.»; 4020-шоттың аты мен сипаттамасы мынадай редакцияда жазылсын: «4020 «Қазақстан Республикасы Ұлттық Банкінің лицензиясынсыз банк операцияларының жекелеген түрлерін жүзеге асыратын ұйымдардан алынған ұзақ мерзімді заемдар» (пассив). Мақсаты: Қазақстан Республикасы Ұлттық Банкінің лицензиясынсыз банк операцияларының жекелеген түрлерін жүзеге асыратын ұйымдардан алынған өтеу мерзімі бір жылдан көп заемдардың сомаларын есепке алу. Шоттың кредиті бойынша Қазақстан Республикасы Ұлттық Банкінің лицензиясынсыз банк операцияларының жекелеген түрлерін жүзеге асыратын ұйымнан алынған ұзақ мерзімді заемдардың сомасы жазылады. Шоттың дебеті бойынша ұйым алынған ұзақ мерзімді заемдарды өтеген кезде олардың сомаларын есептен шығару жүргізіледі.».