Об утверждении Правил выдачи разрешений на производство взрывных работ Қолданыста

Жарылыс жұмыстарын жүргізуге рұқсат беру қағидаларын бекіту туралы Қазақстан Республикасы Үкіметінің 2020 жылғы 23 қазандағы № 701 қаулысымен бекітілген Қазақстан Республикасы Төтенше жағдайлар министрлігі туралы ереженің 16-тармағының 111) тармақшасына және «Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасы Заңының 10-бабы 1) тармақшасына сәйкес БҰЙЫРАМЫН:

1. Қоса беріліп отырған Жарылыс жұмыстарын жүргізуге рұқсат беру қағидалары бекітілсін.

2. Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитеті (А.Қ. Ержанов):

1) осы бұйрықтың заңнамамен белгіленген тәртіпте Қазақстан Республикасы Әділет министрлігінде мемлекеттік тіркелуін;

2) осы бұйрықты Қазақстан Республикасы Әділет министрлігінде мемлекеттік тіркегеннен кейін, оның көшірмесін күнтізбелік он күн ішінде кейін бұқаралық ақпарат құралдарында және Қазақстан Республикасы Әділет министрлігінің «Республикалық құқықтық ақпарат орталығы» шаруашылықты жүргізу құқығындағы республикалық мемлекеттік кәсіпорнының «Әділет» ақпараттық-құқықтық жүйесінде ресми жариялауға жіберуді;

3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастыруды;

4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалудың бақылау Қазақстан Республикасының Инвестициялар және даму вице-министрі А.П. Рауға жүктелсін.

4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі. «КЕЛІСІЛДІ» Қазақстан Республикасының Ұлттық экономика министрі ________________ Е. Досаев 2015 жылғы 15 қаңтар «КЕЛІСІЛДІ» Қазақстан Республикасының Ішкі істер министрі ________________ Қ. Қасымов 2015 жылғы 13 қаңтар «КЕЛІСІЛДІ» Қазақстан Республикасының Энергетика министрі ________________ В. Школьник 2015 жылғы 13 қаңтар

Қазақстан Республикасы Инвестициялар және даму министрінің 2014 жылғы 30 желтоқсандағы № 350 бұйрығымен бекітілген Жарылыс жұмыстарын жүргізуге рұқсат беру қағидалары

1-тарау. Жалпы ережелер

1. Осы Жарылыс жұмыстарын жүргізуге рұқсат беру қағидалары (бұдан әрі – Қағидалар) Қазақстан Республикасы Үкіметінің 2020 жылғы 23 қазандағы № 701 қаулысымен бекітілген Қазақстан Республикасы Төтенше жағдайлар министрлігі туралы ереженің 16-тармағының 111) тармақшасына және «Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасының Заңы 10-бабының 1) тармақшасына сәйкес (бұдан әрі – Мемлекеттік қызметтер туралы заң) әзірленіп жарылыс жұмыстарын жүргізуге рұқсат беру тәртібін және «Жарылыс жұмыстарын жүргізуге рұқсат беру» мемлекеттік қызмет көрсету тәртібін айқындайды.

2. Осы Қағидалардың қолданысы жарылғыш заттар мен олардың негізіндегі бұйымдарға өнеркәсіптік мақсаттарда пайдалану үшін қолданылады.

3. Осы Қағидалардың қолданысы қорғаныс және азаматтық өнімге жататын жарылғыш заттар мен олардың негізіндегі бұйымдарға қолданылмайды.

4. «Жарылыс жұмыстарын жүргізуге рұқсат беру» мемлекеттік көрсетілетін қызметті (бұдан әрі – мемлекеттік көрсетілетін қызмет) осы Қағидаларға сәйкес өнеркәсіптік қауіпсіздік саласындағы уәкілетті орган ведомствосының аумақтық бөлімшесі (бұдан әрі – көрсетілетін қызметті беруші) көрсетеді.

5. Осы Қағидаларда мынадай негізгі ұғымдар пайдаланылады:

2) рұқсат – лицензиялау немесе рұқсат беру рәсімі арқылы рұқсат беру органдары жүзеге асыратын қызметті немесе әрекеттерді (операцияларды) жүзеге асыруға жеке немесе заңды тұлғаның құқығын растау;

3) жарылғыш зат – белгілі бір жағдайларда сыртқы әсерлердің әсерінен жылу мен газ тәрізді өнімдердің көп мөлшерін бөле отырып, тез өздігінен таралатын химиялық айналуға (жарылысқа) қабілетті конденсацияланған химиялық зат немесе осындай заттардың қоспасы;

4) жарылғыш зат негізіндегі бұйым – өздігінен немесе басқа жарылғыш заттармен бірге дайындалған түрде пайдалануға арналған қабықшаға немесе онсыз жасалған соңғы мөлшердегі жарылғыш заттың жинақы массасы.

2-тарау. Мемлекеттік қызметті көрсету тәртібі

6. 12.07.2026 бастап қолданысқа енгізіледі - ҚР Төтенше жағдайлар министрінің 13.04.2026 № 157 бұйрығымен.

1) осы Қағидаларға 1-қосымшаға сәйкес нысан бойынша көрсетілетін қызметті алушының электрондық цифрлық қолтаңбасымен куәландырылған электрондық құжат нысанындағы өтініш;

2) жарылыс жұмыстарын қауіпсіз орындау шарттарын, бөлшектердің ұшуы бойынша қауіпсіз арақашықтықтарды, соққы ауа толқынының әсерін, жарылыс кезіндегі улы газдардың әсерін, сейсмикалық әсерді нақтылайтын есептеулер көрсетілген мәліметтерді қамтитын электрондық құжат;

3) жарылыс жұмыстарын жүргізу кезінде: жер бетінде жарылыс жұмыстарын жүргізу орнын, қауіпті аймақтың шекараларын, қауіпті аймақты күзету бекеттерін және оның шегінде орналасқан тұрғын және өндірістік ғимараттарды, құрылыстарды, темір жолдарды, автомобиль жолдарын, каналдарды, құбырларды, электр беру желілерін көрсете отырып, жергілікті жердің жоспарын қамтитын электрондық құжат; жер асты жағдайында жарылыс жұмыстарын жүргізу орнын, қауіпті аймақтың шекараларын, қауіпті аймақты күзету бекеттерін қою орнын, сондай-ақ газ бен шаң бойынша шахтаның (кеніштің, геологиялық барлау жұмыстары объектісінің) қауіптілігі туралы мәліметтерді жаза отырып, тау-кен жұмыстарының жоспарын қамтитын электрондық құжат. Жарылғыш материалдарды пайдалана отырып, сейсмикалық барлау жұмыстарын жүргізу кезінде қауіпті аймақты күзету және жұмыс бейіндерінің схемаларын қамтитын электрондық құжат ұсынылады. Мемлекеттік қызмет көрсетуге қойылатын негізгі талаптардың тізбесі осы Қағидаларға 2-қосымшаға сәйкес баяндалған. Мемлекеттік қызметті көрсетудің жалпы мерзімі 5 (бес) жұмыс күнін құрайды.

7. Көрсетілетін қызметті берушінің кеңсе қызметкері құжаттар мен мәліметтерді олар келіп түскен күні қабылдауды және тіркеуді жүзеге асырады және көрсетілетін қызметті берушінің басшысына, не болмаса оны алмастыратын тұлғаға жібереді, ол жауапты орындаушыны тағайындайды. Өтініш беруші жұмыс уақыты аяқталғаннан кейін, демалыс және мереке күндері Қазақстан Республикасының еңбек заңнамасына сәйкес жүгінген жағдайда өтінішті қабылдау және мемлекеттік қызмет көрсету нәтижесін беру келесі жұмыс күні жүзеге асырылады.

8. Көрсетілетін қызметті берушінің жауапты орындаушысы көрсетілетін қызметті алушы ұсынған құжаттарды тіркеген сәттен бастап 2 (екі) жұмыс күні ішінде ұсынылған құжаттардың толықтығын тексереді және ұсынылған құжаттардың толық емес фактісі анықталған жағдайда осы Қағидаларға 4-қосымшаға сәйкес нысан бойынша өтінішті одан әрі қараудан дәлелді бас тартуды жолдайды. Ұсынылған құжаттар толған жағдайда 3 (үш) жұмыс күні ішінде ұсынылған құжаттар мәліметтерінің дұрыстығын тексереді және осы Қағидаларға 3-қосымшаға сәйкес нысан бойынша жарылыс жұмыстарын жүргізуге рұқсатты не осы Қағидаларға 4-қосымшаға сәйкес нысан бойынша Мемлекеттік қызмет көрсетуден бас тарту туралы дәлелді жауапты ресімдейді. Қазақстан Республикасының заңнамасында белгіленген мемлекеттік қызметті көрсетуден бас тарту үшін негіздер осы Қағидаларға 2-қосымшада жазылған. 📌 Ескерту. 8-тармақтың 4-абзацы 12.07.2026 бастап қолданысқа енгізіледі - ҚР Төтенше жағдайлар министрінің 13.04.2026 № 157 бұйрығымен.

8-1. Қазақстан Республикасы Әкімшілік рәсімдік-процестік кодексінің 73-бабына сәйкес мемлекеттік қызметті көрсетуден бас тарту үшін негіздер анықталған кезде көрсетілетін қызметті беруші көрсетілетін қызметті алушыға алдын ала шешім бойынша позициясын білдіру мүмкіндігі үшін мемлекеттік қызметті көрсетуден бас тарту туралы алдын ала шешім, сондай-ақ тыңдауды өткізу уақыты мен орны (тәсілі) туралы хабарлайды. Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабардар етілген күннен бастап 2 (екі) жұмыс күнінен кешіктірілмей жүргізіледі. Тыңдау нәтижелері бойынша көрсетілетін қызметті беруші куәлікті немесе мемлекеттік қызметті көрсетуден бас тарту туралы дәлелді жауапты береді.

9. Мемлекеттік қызметті көрсету нәтижесі көрсетілетін қызметті алушының «жеке кабинетіне» көрсетілетін қызметті берушінің басшысының немесе оны алмастырушы тұлғаның электрондық цифрлық қолтаңбасымен куәландырылған электрондық құжат нысанында жіберіледі. Көрсетілетін қызметті алушының мемлекеттік қызмет көрсету тәртібі мен мәртебесі туралы ақпаратты қашықтықтан қол жеткізу режимінде порталдағы «жеке кабинеті» арқылы алуға мүмкіндігі бар.

10. Мемлекеттік қызмет алдын ала жазылусыз және жеделдетіп қызмет көрсетусіз кезек күту тәртібімен көрсетіледі.

11. Көрсетілетін қызметті беруші мемлекеттік қызмет көрсету сатысы туралы деректерді ақпараттандыру саласындағы уәкілетті орган белгілеген тәртіппен мемлекеттік немесе әлеуметтік жауапкершілігі бар көрсетілетін қызметтер көрсету мониторингінің ақпараттық жүйесіне енгізуді қамтамасыз етеді. 📌 Ескерту. 11-тармағы бірінші абзацының осы редакциясы 12.07.2026 дейін қолданылады - ҚР Төтенше жағдайлар министрінің 13.04.2026 № 157 бұйрығымен. Рұқсаттар мен хабарламалардың мемлекеттік ақпараттық жүйесі арқылы мемлекеттік қызметті көрсету кезінде мемлекеттік қызметті көрсету сатысы туралы деректер мемлекеттік немесе әлеуметтік жауапкершілігі бар көрсетілетін қызметтер көрсету мониторингінің ақпараттық жүйесіне автоматты режимде түседі. Ескерту. 11-тармағы екінші абзацының осы редакциясы 12.07.2026 дейін қолданылады - ҚР Төтенше жағдайлар министрінің 13.04.2026 № 157 бұйрығымен. Өнеркәсіптік қауіпсіздік саласындағы уәкілетті орган үш жұмыс күні ішінде «электрондық үкіметтің» ақпараттық-коммуникациялық инфрақұрылымының операторына, сондай-ақ Бірыңғай байланыс орталығына осы Қағидаларға енгізілген өзгерістер мен толықтырулар туралы хабарлайды.

3-тарау. Көрсетілетін қызметті берушілердің және (немесе) олардың лауазымды адамдарының мемлекеттік қызметтерді көрсету мәселелері бойынша шешімдеріне, әрекетіне (әрекетсіздігіне) шағымдану тәртібі

12. Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді. Шағым көрсетілетін қызметті берушіге, шешіміне, әрекетіне (әрекетсіздігіне) шағым жасалып отырған лауазымды адамға беріледі. Көрсетілетін қызметті беруші, шешіміне, әрекетіне (әрекетсіздігіне) шағым жасалып отырған лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді. Бұл ретте көрсетілетін қызметті беруші, лауазымды адам, шешімге, әрекетке (әрекетсіздікке) шағым жасайды, егер ол 3 (үш) күн ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылдаса, шағымды қарайтын органға шағым жібермеуге құқылы.

13. Заңның 25-бабының 2-тармағына сәйкес көрсетілетін қызметті берушінің атына келіп түскен көрсетілетін қызметті алушының шағымы ол тіркелген күннен бастап 5 (бес) жұмыс күні ішінде қаралуға жатады. Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы ол тіркелген күннен бастап 15 (он бес) жұмыс күні ішінде қаралуға жатады.

14. Көрсетілетін қызметті берушінің, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Заңның 25-бабының 4-тармағына сәйкес қажет болған жағдайда 10 (он) жұмыс күнінен аспайтын мерзімге ұзартылады: 1) шағым бойынша қосымша зерделеу немесе тексеру не жергілікті жерге барып тексеру жүргізу; 2) қосымша ақпарат алу. Шағымды қарау мерзімі ұзартылған жағдайда шағымдарды қарау жөніндегі өкілеттіктер берілген лауазымды адам шағымды қарау мерзімі ұзартылған кезден бастап 3 (үш) жұмыс күні ішінде шағым берген өтініш берушіге ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

15. Егер Заңда өзгеше көзделмесе, сотқа шағым жасауға Қазақстан Республикасы Әкімшілік рәсімдік-процестік кодексінің 91-бабының 5-тармағына сәйкес әкімшілік (сотқа дейінгі) тәртіппен шағым жасалғаннан кейін жол беріледі.

Жарылыс жұмыстарын жүргізуге рұқсат беру қағидаларына 1-қосымша нысан [Мемлекеттік органның атауы] басшысына Өтініш нөмірі: [Нөмірі] Өтініш күні: [Күні] «Азаматтық қорғау туралы» Қазақстан Республикасы Заңының 75-бабын басшылыққа ала отырып, Сізден қоса берілген құжаттар тізбесін қарап, жарылыс жұмыстарын жүргізуге рұқсат беруді сұрайды. __________________________________________________________________________________________ (қызмет түрін көрсету) ______________________________________________________________________________мақсатында Жарылыс жұмыстарына басшылық жасау: _________________________________________________ (тегі, аты, әкесінің аты (бар болса), лауазымы, жарушының бірыңғай кітапшасының нөмірі, берілген күні) Жарылыс материалдарын сақтау орны: ____________________________________________________ (атауы, орналасқан жері) Қосымша: [Мемлекеттік қызметті көрсетуге қажетті құжаттардың тізбесі] Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісім беремін. Ұсынылған ақпараттың анықтығын растаймын және анық емес мәліметтер ұсынғаным үшін Қазақстан Республикасының заңнамасына сәйкес жауапкершілік туралы хабардармын. ____________________________ [Тегі, аты, әкесінің аты (болған жағдайда), электрондық цифрлық қолтаңбасы]

Жарылыс жұмыстарын жүргізуге рұқсат беру қағидаларына 2-қосымша «Жарылыс жұмыстарын жүргізуге рұқсат беру» мемлекеттік қызмет көрсетуге қойылатын негізгі талаптар тізбесі: 1 Көр­се­ті­ле­тін қыз­мет­ті бе­ру­ші­нің ата­уы Өнер­к­ә­сіп­тік қа­уіп­сіз­дік са­ла­сын­да­ғы уәкі­лет­ті ор­ган ве­дом­ст­во­сы­ның аумақ­тық бө­лім­ше­сі (бұ­дан әрі-көр­се­ті­ле­тін қыз­мет­ті бе­ру­ші) 2 Мемлекеттік қызмет көрсету тәсілдері «Электрондық үкіметтің» Веб-порталы www.egov.kz. (бұдан әрі – портал) 3 Мемлекеттік қызмет көрсету мерзімі 5 (бес) жұмыс күні 4 Мемлекеттік қызмет көрсету нысаны Электрондық (ішінара автоматтандырылған) 5 Мемлекеттік қызмет көрсету нәтижесі Жарылыс жұмыстарын жүргізуге рұқсат беру немесе дәлелді бас тарту 6 Мемлекеттік қызметті көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері Тегін 7 Жұмыс кестесі Қазақстан Республикасының Еңбек кодексіне (бұдан әрі – Кодекс) сәйкес демалыс және мереке күндерін қоспағанда, белгіленген жұмыс кестесіне сәйкес дүйсенбіден жұмаға дейін сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін. Жөндеу жұмыстарын жүргізуге байланысты техникалық үзілістерді қоспағанда тәулік бойы (көрсетілетін қызметті тұтынушы жұмыс уақыты аяқталғаннан кейін, демалыс және мереке күндері жүгінген кезде Кодекске сәйкес өтінішті қабылдау және мемлекеттік қызметті көрсету нәтижесін беру келесі жұмыс күні жүзеге асырылады). 8 Мемлекеттік қызметті көрсету үшін көрсетілетін қызметті алушыдан талап етілетін құжаттар мен мәліметтердің тізбесі 1) осы Қағидаларға 1-қосымшаға сәйкес нысан бойынша көрсетілетін қызметті алушының электрондық цифрлық қолтаңбасымен куәландырылған электрондық құжат нысанындағы өтініш; 2) жарылыс жұмыстарын қауіпсіз орындау шарттарын, кесектердің ұшуы бойынша қауіпсіз қашықтықтарды, соққы ауа толқынының әсерін, жарылыс кезінде улы газдардың әсерін, сейсмикалық әсерді нақтылайтын есептеулері көрсетілген мәліметтері бар электрондық құжат;3) жарылыс жұмыстарын жүргізу кезінде: жер бетінде жарылыс жұмыстарын жүргізу орны, қауіпті аймақ шекарасы, қауіпті аймақты күзету бекеттерін және оның шегіндегі тұрғын және өндірістік ғимараттарды, құрылыстарды, темір жолдарды, автомобиль жолдарын, арналарды, құбырларды, электр беру желілерін қою орындары көрсетілген жергілікті жердің жоспары бар электрондық құжат ұсынылады; жер асты жағдайларында жарылыс жұмыстарын жүргізу орны, қауіпті аймақ шекарасы, қауіпті аймақты қорғау бекеттерін қою орны көрсетілген тау-кен жұмыстарының жоспары, сондай-ақ шахтаның (кеніштің, геологиялық барлау жұмыстары объектісінің) газ бен шаң бойынша қауіптілігі туралы мәліметтер бар электрондық құжат ұсынылады. Жарылғыш материалдарды пайдалана отырып сейсмикалық барлау жұмыстарын жүргізу кезінде жұмыс бейіндері мен қауіпті аймақты қорғау схемалары бар электрондық құжат ұсынылады. Жеке басты куәландыратын құжаттар туралы, заңды тұлғаны мемлекеттік тіркеу (қайта тіркеу) туралы мәліметтерді көрсетілетін қызметті беруші тиісті мемлекеттік ақпараттық жүйелерден «электрондық үкімет» шлюзі арқылы алады. 9 Қазақстан Республикасының заңдарында белгіленген мемлекеттік қызмет көрсетуден бас тарту үшін негіздер 1) көрсетілетін қызметті алушының мемлекеттік көрсетілетін қызметті алу үшін ұсынған құжаттарының және (немесе) олардағы деректердің (мәліметтердің) анық еместігін анықтау; 2) көрсетілетін қызметті көрсету үшін қажетті ұсынылған материалдардың, объектілердің, деректердің және мәліметтердің Қазақстан Республикасы Инвестициялар және даму министрінің 2014 жылғы 30 желтоқсандағы № 343 бұйрығымен бекітілген (Нормативтік құқықтық актілерді мемлекеттік тіркеу тізілімінде № 10244 болып тіркелген) Қауіпті өндірістік объектілер үшін өнеркәсіптік қауіпсіздікті қамтамасыз ету қағидаларымен белгіленген талаптарға сәйкес келмеуі; 3) көрсетілетін қызметті алушыға қатысты осы мемлекеттік көрсетілетін қызметті алуды талап ететін қызметке немесе жекелеген қызмет түрлеріне тыйым салу туралы заңды күшіне енген сот шешімі (үкімі) болған; 4) «Дербес деректер және оларды қорғау туралы» Қазақстан Республикасы Заңының 8-бабына сәйкес көрсетілетін қызметті тұтынушының мемлекеттік қызмет көрсету үшін талап етілетін қолжетімділігі шектеулі дербес деректерге қол жеткізуге ұсынылатын келісімінің болмауы. 10 Мемлекеттік қызмет көрсету ерекшеліктерін ескере отырып, өзге де талаптар Мемлекеттік қызмет көрсету орындарының мекенжайлары: 1) қызмет көрсетушінің интернет-ресурсында; 2) www.egov.kz. порталында. Мемлекеттік қызмет көрсету мәселелері жөніндегі бірыңғай байланыс орталығының телефоны: «1414», +7 (800) 080 7777. Егер негізгі қызмет түрі лицензиялауға жатпайтын болса, онда жарылыс жұмыстарын жүргізуге рұқсат алу үшін 3-тармақта көрсетілген лицензияның болуы жеткілікті. 1. Мұнай; газ; газ конденсаты және айдау ұңғымаларында атқылау-жару жұмыстары қызметінің кіші түрінің лицензиясына қосымша ұсыну – мұнай-химия өндірістерін жобалауға (технологиялық) және (немесе) пайдалануға, көмірсутектер саласындағы магистральдық газ құбырларын, мұнай құбырларын, мұнай өнімдері құбырларын пайдалануға арналған лицензия; жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды әзірлеу, өндіру, сатып алу, өткізу, сақтау жөніндегі қызметті жүзеге асыруға лицензия және оған мына кіші қызмет түрлерін қосымша ұсыну: 1) жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды өздерінің өндірістік мұқтаждары үшін сатып алу; 2) жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды сақтау. 2. Пайдалы қазбаларды өндіру үшін жарылыс жұмыстарын жүргізу – қызметтің кіші түріне арналған лицензияға қоса берілген тау-кен және химия өндірістерін пайдалану жөніндегі қызметті жүзеге асыруға лицензия және қызметтің кіші түрлеріне арналған лицензияға қоса берілген жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды әзірлеу, өндіру, сатып алу, өткізу, сақтау жөніндегі қызметті жүзеге асыруға лицензия және оған мына кіші қызмет түрлерін қосымша ұсыну: 1) жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды өздерінің өндірістік мұқтаждары үшін сатып алу; 2) жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды сақтау. 3. Қызметтің кіші түрлеріне арналған лицензияға қоса беріле отырып, жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды әзірлеу, өндіру, сатып алу, өткізу, сақтау жөніндегі қызметті жүзеге асыруға лицензия: 1) жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды өздерінің өндірістік мұқтаждары үшін сатып алу; 2) жарылғыш және пиротехникалық (азаматтықты қоспағанда) заттар мен олар қолданылып жасалған бұйымдарды сақтау.

Жарылыс жұмыстарын жүргізуге рұқсат беру қағидаларына 3-қосымша нысан [Мем­ле­кет­тік ор­ган­ның ата­уы] [На­име­но­ва­ние го­су­дар­ствен­но­го ор­га­на] [Мем­ле­кет­тік ор­ган­ның де­ректе­ме­ле­рі] [Рек­ви­зи­ты го­су­дар­ствен­но­го ор­га­на] Нө­мі­рі: [Құ­жат нө­мі­рі] [Заң­ды тұл­ға­ның ата­уы] Өті­ніш нө­мі­рі: [Нө­мі­рі] [Заң­ды тұл­ға­ның де­ректе­ме­ле­рі (ме­кен­жайы, биз­нес-сәй­кестен­ді­ру нө­мі­рі, те­ле­фо­ны)] Бе­рі­л­ген кү­ні: [Кү­ні] [Мемлекеттік органның атауы], «Азаматтық қорғау туралы» Қазақстан Республикасы Заңының 75-бабына және «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңына сәйкес қоса беріліп отырған құжаттар тізбесін ескере отырып, __________________________________________________________________________ (жарылыс жұмыстарын жүргізу орнының атауы) жарылыс жұмыстарын жүргізуге рұқсат берілді. _______________________________________________________________________мақсатында Жарылыс жұмыстарына басшылық жасау: _________________________________________ (тегі, аты, әкесінің аты (бар болса), лауазымы, жарушының бірыңғай кітапшасының нөмірі, берілген күні) Жарылыс материалдарын сақтау орны: ___________________________________________ (атауы, орналасқан жері) Ерекше шарттар: осы рұқсаттың қолданылу мерзімі – берілген күнінен бастап 1 жыл. [Қол қоюшының лауазымы] [Тегі, аты, әкесінің аты (болған жағдайда), электрондық цифрлық қолтаңбасы]

Жарылыс жұмыстарын жүргізуге рұқсат беру қағидаларына 4-қосымша нысан [Мем­ле­кет­тік ор­ган­ның ата­уы] [На­име­но­ва­ние го­су­дар­ствен­но­го ор­га­на] [Мем­ле­кет­тік ор­ган­ның де­ректе­ме­ле­рі] [Рек­ви­зи­ты го­су­дар­ствен­но­го ор­га­на] Кү­ні: [Бе­рі­л­ген кү­ні] [Заң­ды тұл­ға­ның ата­уы] Нө­мі­рі: [Құ­жат нө­мі­рі] [Заң­ды тұл­ға­ның де­ректе­ме­ле­рі (ме­кен­жайы, биз­нес-сәй­кестен­ді­ру нө­мі­рі, те­ле­фо­ны)] ДӘЛЕЛ­ДІ БАС ТАР­ТУ [Мем­ле­кет­тік ор­ган­ның ата­уы], Сіз­дің [Өті­ніш кү­ні] жы­л­ғы № [Өті­ніш­тің нө­мі­рі] өті­ні­ші­ң­із­ді және қо­са бе­рі­ліп отыр­ған құ­жат­тар тіз­бе­сін қа­рап, мы­на­ны ха­бар­лай­ды: [Бас тар­ту­дың негі­зі] [Қол қо­ю­шы­ның ла­у­а­зы­мы] [Те­гі, аты, әке­сі­нің аты (болған жағ­дай­да), элек­трон­дық цифр­лық қол­таң­ба­сы]