Об утверждении Правил деятельности психологической службы в организац… — 11.08.2026

Басқа 0

Шығыс Қазақстан облысының орта білім беру ұйымдарындағы психологиялық қызметтің жұмыс істеу қағидаларын бекіту туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабының 2-тармағына, «Білім туралы» Қазақстан Республикасының 2007 жылғы 27 шілдедегі Заңының 6-бабы 2-тармағының 24-6) тармақшасына сәйкес Шығыс Қазақстан облысының әкімдігі ҚАУЛЫ ЕТЕДІ:

Тармақ 1

1. Қоса беріліп отырған Шығыс Қазақстан облысының орта білім беру ұйымдарындағы психологиялық қызметтің жұмыс істеу қағидалары бекітілсін.

Тармақ 2

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Басқа 3. Шығыс Қазақстан облысының орта білім беру ұйымдарындағы психологиялық қызметтің жұмыс істеу қағидалары

Шығыс Қазақстан облысы әкімдігінің 2015 жылғы 1 сәуірдегі № 81 қаулысымен бекітілген Шығыс Қазақстан облысының орта білім беру ұйымдарындағы психологиялық қызметтің жұмыс істеу қағидалары

Тарау 1. 1. Жалпы ережелер

1. Жалпы ережелер

Тармақ 1

1. Осы Шығыс Қазақстан облысының орта білім беру ұйымдарындағы психологиялық қызметтің жұмыс істеу қағидалары (бұдан әрі – Қағидалар) Шығыс Қазақстан облысының орта білім беру ұйымдарындағы психологиялық қызметті (бұдан әрі – Психологиялық қызмет) ұйымдастыру және жұмыс істеуін жүзеге асыру тәртібін айқындайды.

Тармақ 2

2. Психологиялық қызмет жұмысы Қазақстан Республикасының Конституциясы, «Білім туралы» Қазақстан Республикасының 2007 жылғы 27 шілдедегі Заңы, сондай-ақ осы Қағидалар шеңберінде жүзеге асырылады.

Тармақ 3

3. Психологиялық қызметтің құрылымы білім беру ұйымдарының тұрпатына, түріне және қажеттілігіне қарай айқындалады.

Тарау 2. 2. Психологиялық қызметтің мақсаттары мен міндеттері

2. Психологиялық қызметтің мақсаттары мен міндеттері

Тармақ 4

4. Психологиялық қызметтің мақсаты – білім алушылардың психикалық және психологиялық денсаулығын сақтауға ықпал ету, білім беру ұйымында жағымды әлеуметтік-психологиялық жағдай жасау және оқу-тәрбие беру үрдісіне қатысушыларға психологиялық-педагогикалық қолдау көрсету.

Тармақ 5

5. Психологиялық қызметтің міндеттері:

Тармақша 1

1) білім алушылардың тұлғалық және зияткерлік дамуына жәрдемдесу, өзін-өзі тәрбиелеу және өзін-өзі дамыту қабілетін қалыптастыру;

Тармақша 2

2) білім алушыларға жылдам дамып келе жатқан ақпараттық қоғам жағдайында олардың табысты әлеуметтенуіне психологиялық көмек көрсету;

Тармақша 3

3) әрбір білім алушымен оның тұлғасын психологиялық-педагогикалық зерделеу негізінде жеке тіл табысуды қамтуға жәрдемдеу;

Тармақша 4

4) білім алушылардың психологиялық диагностикасын жүргізу және шығармашылық әлеуетін дамыту;

Тармақша 5

5) білім алушылардың психологиялық қиыншылықтары мен проблемаларын шешу жөнінде психикалық түзеу жұмысын жүзеге асыру;

Тармақша 6

6) білім алушылардың психикалық денсаулығын сақтауда жәрдемдесу;

Тармақша 7

7) психологиялық-педагогикалық проблемаларды шешуде және оқу-тәрбие жұмысының қолайлы әдістерін таңдауда ата-аналар (немесе оларды ауыстыратын тұлғаларға) мен педагогтарға консультативтік көмек көрсету;

Тармақша 8

8) өзіне-өзі қол жұмсау және оған әрекет етудің алдын алу мақсатында өзіне-өзі қол жұмсауға бейім кәмелетке толмағандарға, сондай-ақ олардың ата-аналарына (немесе оларды ауыстыратын тұлғаларға) психологиялық көмек көрсету.

Тарау 3. 3. Психологиялық қызмет жұмысының негізгі бағыттары мен мазмұны

3. Психологиялық қызмет жұмысының негізгі бағыттары мен мазмұны

Тармақ 6

6. Психологиялық қызмет өз жұмысын келесі бағыттар бойынша жүзеге асырады: психикалық-диагностикалық, консультациялық, ағартушылық-профилактикалық, түзеу-дамыту.

Тармақ 7

7. Психикалық-диагностикалық бағыт:

Тармақша 1

1) психикалық дамуын анықтау мақсатында білім алушылардың психологиялық диагностикасын;

Тармақша 2

2) оларды бейімдеу, дамыту және әлеуметтендіру мақсатында білім алушыларды кешенді психологиялық тексеруді;

Тармақша 3

3) білім алушылардың қабілеттері, қызығушылықтары және бейімділіктерінің психологиялық диагностикасын;

Тармақша 4

4) психологиялық диагностика қорытындысы бойынша қорытындылар мен ұсынымдарды дайындауды қамтиды.

Тармақ 8

8. Консультативтік бағыт:

Тармақша 1

1) білім алушыларға, ата-аналар (немесе оларды ауыстыратын тұлғалар) мен педагогтарға олардың сұраныстары бойынша консультация жүргізуді;

Тармақша 2

2) білім алушыларға, ата-аналар (немесе оларды ауыстыратын тұлғалар) мен педагогтарға жеке тұлғалық, кәсіптік өзін-өзі айқындау және айналасындағылармен өзара қарым-қатынастағы проблемалар бойынша жеке консультация жүргізуді;

Тармақша 3

3) түңілу, жанжал, қатты эмоционалдық күйзеліс жағдайында жүрген білім алушыларға психологиялық көмек көрсетуді;

Тармақша 4

4) тұлғааралық және топаралық жанжалдарды шешуде татуластырушы жұмысын ұйымдастыруды қамтиды.

Тармақ 9

9. Ағартушылық-профилактикалық бағыт:

Тармақша 1

1) білім алушылардың және педагогтардың кәсіптік өсуіне, өзін-өзі айқындауына жәрдемдесуді;

Тармақша 2

2) білім алушылардың мінезінің бейімсіздігінің алдын алуды;

Тармақша 3

3) әдістемелік бірлестіктер, педагогикалық кеңес және медициналық-психологиялық-педагогикалық консилиумдар жұмысына жәрдемдесуді;

Тармақша 4

4) педагог-психологтың функционалдық міндеттерінің, кәсіптік құзыреттілігінің шеңберінен шығатын және бір топ мамандардың қатысуын талап ететін проблемаларды шешу жөнінде сабақтас-кәсіби мамандармен (дәрігерлермен, дефектологтармен, логопедтермен, тифлопедагогтармен және басқалармен) өзара іс-қимылды жүзеге асыруды.

Тармақ 10

10. Түзету-дамытушылық бағыт:

Тармақша 1

1) психологиялық-педагогикалық тренингтерді өткізуді;

Тармақша 2

2) білім алушылардың, педагогтардың тұлғалық, зияткерлік, эмоционалдық-жігерлік, шығармашылық дамуын үйлестіру жөнінде психикалық түзеу және дамыту сабақтарын ұйымдастыруды;

Тармақша 3

3) тұлғааралық қарым-қатынастарды, мінез-құлықтық ауытқушылықтарды түзеуді қамтиды.

Тармақ 11

11. Психологиялық қызметтің жұмысын білім беру саласындағы уәкілетті орган үйлестіреді.

Тармақ 12

12. Психологиялық қызметтің жұмысы педагог және медицина, соның ішінде денсаулық сақтау жүйесінің қызметкерлерімен, қорғаншылық және қамқоршылық органдарымен, ата-аналар қауымымен өзара әрекеттестікте жүзеге асырылады.

Тармақ 13

13. Психологиялық қызмет педагог-психологтардың әдістемелік бірлестігімен, психологиялық орталықтармен, кафедралармен және практикалық психологтар қауымдастықтарымен және білім бөлімдерінің әдістемелік кабинеттерімен өзара іс-қимыл жасайды.

Тармақ 14

14. Психологиялық қызметтің педагог-психологы өз қызметінде:

Тармақша 1

1) осы Қағидаларды басшылыққа алады;

Тармақша 2

2) өзінің кәсіптік құзыреттілігі және біліктілік талаптары шеңберінде шешім қабылдайды;

Тармақша 3

3) жалпы психология, педагогикалық психология мен жалпы педагогика, жеке тұлға психологиясы және дифференциалды психология, балалар және жас ерекшелік психологиясы, әлеуметтік психология, медициналық психология, психикалық диагностика, психологиялық консультация беру және әлеуметтік, практикалық және жас ерекшелік психологиясы саласындағы психологиялық ғылымның жаңа жетістіктерінен білімі болады;

Тармақша 4

4) диагностикалық, дамыту, әлеуметтік-психологиялық, психикалық түзеу және консультативтік-профилактикалық жұмыстың ғылыми негізделген әдістемелерін қолданады;

Тармақша 5

5) белсенді оқыту, қарым-қатынастың әлеуметтік-психологиялық тренинг әдістерін, жеке және топтық консультация жүргізудің, білім алушылардың қалыпты дамуының диагностикасымен түзеудің заманауи әдістерін қолданады;

Тармақша 6

6) оқытудың барлық кезеңінде білім алушылардың жеке-психологиялық ерекшелектерінің психологиялық диагностикасын жоспарлайды;

Тармақша 7

7) білім алушылар тұлғасының қалыптасуындағы және дамуындағы бұзылуды анықтайды;

Тармақша 8

8) білім алушыларға педагогтарға, ата-аналарға (немесе оларды ауыстыратын тұлғаларға) тұлғалық, кәсіптік және басқа мәселелерді шешуде психологиялық көмек және қолдау көрсетеді;

Тармақша 9

9) түңілу, жанжал, қатты эмоционалдық күйзеліс жағдайында жүрген педагогтарға, білім алушыларға психологиялық көмек және қолдау көрсетуді жүзеге асырады;

Тармақша 10

10) білім алушылардың бейәлеуметтік іс-әрекеттерінің алдын алады және оларды уақтылы түзеуді жүзеге асырады;

Тармақша 11

11) өзінің кәсіптік құзыреттілігін және біліктілігін арттырады;

Тармақша 12

12) білім беру ұйымының әлеуметтік саласын үйлестіруге мүмкіндік жасайды және әлеуметтік бейімсіздіктің туындауын профилактикалау жөнінде алдын ала сақтандыру шараларын жүзеге асырады;

Тармақша 13

13) зерттеу жұмыстарының материалдары бойынша психологиялық-педагогикалық тұжырымдар жасайды;

Тармақша 14

14) дамыту және түзеу бағдарламаларын жоспарлауға және әзірлеуге қатысады;

Тармақша 15

15) білім алушылардың, педагог қызметкерлермен ата-аналардың (немесе оларды ауыстыратын тұлғаларға) психологиялық мәдениетін қалыптастырады;

Тармақша 16

16) білім алушылармен, ата-аналармен (немесе оларды ауыстыратын тұлғаларға) және педагогтармен психикалық-диагностикалық, консультативтік, ағартушылық-профилактикалық, түзеу-дамыту және әлеуметтік-диспетчерлік жұмыстың түрлері мен әдістерін таңдайды;

Тармақша 17

17) оқу-тәрбие процесін ұйымдастыру жөніндегі құжаттамамен, білім алушылардың, педагогтардың жеке істерімен танысады;

Тармақша 18

18) түзеу және дамыту бағдарламаларын және психологиялық жұмыстың жаңа әдістемелерін жасауды талқылауға қатысады;

Тармақша 19

19) жоғары оқу орындарының психология кафедраларымен және практикалық психологтар қауымдастықтарымен байланыс жасайды;

Тармақша 20

20) Психологиялық қызметтің жұмысын жақсарту мәселелері бойынша білім беру органдарына ұсыныстармен шығады;

Тармақша 21

21) педагогикалық және әдістемелік Кеңес, пәндік кафедралардың және медициналық-психологиялық-педагогикалық консилиум жұмысына қатысады.

Тармақ 15

15. Психологиялық қызметтің педагог-психологы – тиісті мамандық бойынша жоғары білімі бар маман.

Тармақ 16

16. Психологиялық қызметтің педагог-психологы:

Тармақша 1

1) психологиялық диагностикалау нәтижелерінің нақтылығын, пайдаланылатын диагностикалық және түзеу әдістерінің бара барлығын, ұсынымдармен тұжырымдардың негізділігін, психологиялық ақпараттың құпиялылығын;

Тармақша 2

2) Психологиялық қызметтің есепке алу-есеп беру құжаттамасының жүргізілуін және сақталуын;

Тармақша 3

3) кәсіби психологиялық этиканың сақталуын қамтамасыз етеді.

Тарау 4. 4. Психологиялық қызметтің жұмыс істеу құжаттамасы

4. Психологиялық қызметтің жұмыс істеу құжаттамасы

Тармақ 17

17. Психологиялық қызметте мынадай құжаттамалар болуы қажет:

Тармақша 1

1) осы қағидалар;

Тармақша 2

2) педагог-психологтың перспективалық жұмыс жоспары;

Тармақша 3

3) Психологиялық қызметтің жұмыс түрлерін (психикалық-диагностикалық, консультациялық, ағартушылық-профилактикалық, түзету-дамытушылық) есепке алуды тіркеу журналы;

Тармақша 4

4) психологиялық диагностикалау бағдарламалары, психологиялық тренингтері, дамыту және түзету жұмыстары;

Тармақша 5

5) білім алушылардың психологиялық дамуының жеке карталары, топтық психологиялық портреттері;

Тармақша 6

6) психологиялық сабақтардың, тренингтердің және психологиялық жұмыстың басқа да нысандарының әдістемелік әзірлемелері;

Тармақша 7

7) Психологиялық қызметтің жұмысы туралы талдамалық есептері (жартыжылдыққа, оқу жылына);

Тармақша 8

8) психикалық-диагностикалық әдістеме тізбелері мен мәліметтер қоры;

Тармақша 9

9) психологиялық зерттеудің қорытындылары, нәтижелері.

Тарау 5. 5. Қорытынды ереже

5. Қорытынды ереже

Тармақ 18

18. Психологиялық қызмет жұмысын орта білім беру ұйымының басшысы қамтамасыз етеді.

Қызметтер

Навигация

Параметрлер

Аккаунт

Об утверждении Правил деятельности психологической службы в организациях среднего образования Восточно-Казахстанской области Күшін жойған