Жергілікті бюджеттер есебінен ұсталынатын мемлекеттік мекемелердің мүлкін есептен шығарудың тәртібі туралы от 22.02.2001 г. № 419 (Жергілікті бюджеттер есебінен ұсталынатын мемлекеттік мекемелердің мүлкін есептен шығарудың тәртібі туралы)

Жергілікті бюджеттер есебінен ұсталынатын мемлекеттік мекемелердің мүлкін есептен шығарудың тәртібі туралы
Қазақстан Республикасы Үкіметінің 2000 жылғы 31 наурыздағы № 482 қаулысымен бекітілген жекешелендіру және мемлекеттік мүлікті басқарудың тиімділігін арттыру бағдарламасын және Қазақстан Республикасы Қаржы министрінің 2000 жылғы 1 қарашадағы № 470 «Мемлекеттік кәсіпорындар мен мекемелерге бекітілген мүлікті есептен шығарудың тәртібі туралы Нұсқаулықты бекіту туралы» бұйрығын іске асыру мақсатында ШЕШІМ ЕТЕМІН:

1. Мемлекеттік кәсіпорындар мен мемлекеттік мекемелерге бекітілген мүлікті есептен шығарудың тәртібі туралы Нұсқаулық назарға және басшылыққа алынсын.

2. Жергілікті бюджеттер есебінен ұсталынатын мекемелердің, баланстық құны төменгі есептік көрсеткішпен 500 есеге дейін құрайтын мүлкін есептен шығару бюджеттік ұйымдардың басшылары өздерінің, төменгі есептік көрсеткіштен 500-ден 1000 есеге дейін бюджеттік бағдарламалардың әкімшілерінің рұхсатымен есептен шығарылды.
Аудандық және қалалық бюджеттерден қаржыландырылатын мемлекеттік мекемелер бойынша төменгі есептік көрсеткіштен 1000 есе жоғары тұратын мүлікті есептен шығару жергілікті атқару органдарының, ал облыстық мекемелер бойынша мемлекеттік коммуналдық мүлік және жекешелендіру басқармасының рұқсатымен жүргізіледі.

3. Осы шешімнің орындалуына бақылау жасау облыс әкімінің бірінші орынбасары Б.Қуандықовқа жүктелсін.