О некоторых мерах по борьбе с табакокурением Күшін жойған

Темекi тартумен күресу жөнiндегi бiрқатар шаралар туралы 📌 Ескерту. Күші жойылды - Оңтүстік Қазақстан облысы әкімінің 28.11.2001 № 225 шешімімен. "Қазақстан Республикасы азаматтарының денсаулығының қорғау туралы Заңының, "Азаматтардың денсаулығын қорғау, өзiнiң және айналасындағы адамдардың денсаулығына ықыласпен қарау заңдылықтарын сақтау мiндеттерi" жөнiндегi 56 бабына сәйкес:

1. Қала және аудан әкiмдерi, барлық меншiк нысанындағы мекемелер, кәсiпорындар, ұйымдар басшылары төмендегiдей тиiстi жұмыстарды жүргiзсiн: - автокөлiктерде, қоғамдық орындарда, мекемелер ғимараттарында арнаулы темекi шегетiн орындарды белгiлесiн; - темекi өнiмдерiн тұрақты-жылжымалы түрде, сондай-ақ барлық облыстық бұқаралық ақпараттары және теледидар мен радио арқылы жарнамаларға тыйым салсын; - барлық оқу орындарындағы оқу бағдарламаларына темекiнiң зияндылығы туралы оқу сабағын енгiзсiн; - жас өспiрiмдерге темекi өнiмдерiн сатуға/жас өспiрiмдер мен балаларға тыйым салсын; - адамдардың мiнез-құлқына және қоғамдық пiкiр орнатуға ықпал жасай алатын кiсiлердi қатыстыра отырып, темекiнiң зияндылығы туралы мiндеттi бағдарламасы бар денсаулық мектебi ұйымдастырылсын; - еңбек ұжымдары мен кәсiпорындарындағы азаматтарға сауықтыру, кеңес беру жөнiндегi қоғамдық кеңесшiлердi дайындасын; - темекi шекпейтiн азаматтарды көтермелеу шараларын қарастырсын. 📌 Ескерту. 1-тармаққа өзгерістер енгізілді - Оңтүстік Қазақстан облысы әкімінің 27.04.2000 № 164 шешімімен.

2. Облыс әкiмшiлiгiнiң денсаулық сақтау департаментi /Момынов/ темекi тартумен күресу жөнiнде бағдарлама дайындасын, халықтың жас құрамдарына қарай әдiстемелiк материал жасап, ол бойынша қоғамдық кеңесшiлердi оқытып және оларға таратып берудi қамтамасыз етсiн.

3. Бұқаралық ақпарат құралдары темекi тартушыларға төзбестiк қоғамдық пiкiр орнатып, темекiнiң зияндылығы жөнiнде жұмыс жүргiзiп, темекi тартудың зияндылығы туралы мiндеттi түрдегi бейнекөрiнiстер көрсете отырып, адам организмiнiң темекi тартудан тәуелдiлiгi жөнiнде санитарлық-ағарту жұмыстары жүргiзiлсiн.

4. Осы шешiмiнiң орындалуын бақылау облыс Әкiмiнiң орынбасары Р.С. Халмұрадовқа жүктелсiн.