Об упорядочении нормы потребления тепловой энергии в виде отопления Қолданыста

Жылу энергиясын жылыту түрде тұтыну мөлшерін реттеу туралы Қазақстан Республикасының табиғи монополияларды реттеу, бәсекелестікті қорғау және шағын бизнесті қолдау жөніндегі агенттігі төрағасы мен төраға орынбасарының 2001 жылғы 23 қаңтардағы № 03-2-10/312 және 2001 жылғы 10 сәуірдегі № 05-2-3-12/1622, Қазақстан Республикасының табиғи монополияларды реттеу, бәсекелестікті қорғау және шағын бизнесті қолдау жөніндегі агенттігінің Атырау облысы бойынша Департаментінің 2001 ылғы 18 сәуірдегі № 03/514 ұйғарулары мен ұсыныстарын орындауда ШЕШІМ ЕТЕМІН:

1. Облыс әкімінің 2000 жылғы 18 қыркүйектегі № 586 «Жылу тұтыну мөлшерін бекіту туралы» шешімінің оны қабылдау сәтінен бастап күші жойылсын.

2. 1999 жылдың 1 сәуірінде қолданған жылу энергиясын тұтыну нормасы жылу беру маусымында алты айлық мерзімінің есебінде төлеумен бір шаршы метрге 0,024 Гкал мөлшерінде бекітілсін.

3. «Атырау ЖЭО» акционерлік қоғамы (М.Қалиев) тұтынушылар тұтынған жылу беру түрінде бір шаршы метр алаңға 0,024 Гкал тұтыну нормасымен алты айлық жылу беру мерзіміне есептеу арқылы есеп айырысу жүргізсін.

4. Атырау қаласы әкімі (Д. Тұрғанов.) «Атырау ЖЭО» акционерлік қоғамымен бірлесе отырып тұргын үйлерде жалпы үйлік жылу энергиясын есептеу құралдарын орнатуға шыққан шығындарды бір ай мерзім ішінде есептеуін қамтамасыз етсін.

5. Облыс әкімінің 2001 жылғы 7 наурыздағы № 88 «Жылу энергиясының тұтыну мөлшерін бекіту туралы» шешімі күші жойылған деп есептелсін.

6. Осы шешімнің орындалысын бақылау облыс әкімінің орынбасары Н. Мақашевқа жүктелсін.