О реорганизации государственного учреждения "Каспийский государственный научно-исследовательский и проектный институт нефтяной и газовой промышленности "Каспиймунайгаз" Қолданыста

"Каспиймұнайгаз" Каспий мемлекеттік мұнай және газ өнеркәсібі ғылыми-зерттеу және жобалау институты" мемлекеттік мекемесін қайта ұйымдастыру туралы "2000-2001 жылдары жекешелендіруге жататын республикалық мемлекеттік кәсіпорындар мен мекемелердің тізбесі туралы" Қазақстан Республикасы Үкіметінің 2000 жылғы 17 маусымдағы N 912  қаулысына  сәйкес Қазақстан Республикасының Үкіметі қаулы етеді:

1. Қазақстан Республикасы Энергетика және минералдық ресурстар министрлігінің "Каспиймұнайгаз" Каспий мемлекеттік мұнай және газ өнеркәсібі ғылыми-зерттеу және жобалау институты" мемлекеттік мекемесі жарғылық капиталға мемлекеттің жүз пайыз қатысуымен "Каспиймұнайгаз" ғылыми-зерттеу және жобалау институты" ашық акционерлік қоғамы (бұдан әрі - Қоғам) етіп қайта құру жолымен қайта ұйымдастырылсын.

2. Қоғам қызметінің негізгі мәні ғылыми-зерттеу және жобалау жұмыстарын жүргізу болып белгіленсін.

3. Қазақстан Республикасы Қаржы министрлігінің Мемлекеттік мүлік және жекешелендіру комитеті заңнамада белгіленген тәртіппен:

1) Қоғамның жарғысын бекітсін және оның мемлекеттік тіркелуін қамтамасыз етсін;

2) Қазақстан Республикасының Энергетика және минералдық ресурстар министрлігіне Қоғам акцияларының мемлекеттік пакетіне иелік ету және пайдалану құқығын берсін;

3) <*>

4) осы қаулыдан туындайтын өзге де шараларды қабылдасын. 📌 Ескерту. 3)-тармақша алып тасталды - ҚР Үкіметінің 2001.12.13. N  1633  қаулысымен.

4. Қазақстан Республикасы Үкіметінің кейбір шешімдеріне мынадай толықтырулар мен өзгеріс енгізілсін:

1) "Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы" Қазақстан Республикасы Үкіметінің 1999 жылғы 12 сәуірдегі N  405 қаулысына (Қазақстан Республикасының ПҮКЖ-ы, 1999 ж., N 13, 124-құжат): көрсетілген қаулымен бекітілген Акцияларының мемлекеттік пакеттері мен үлестері республикалық меншікке жатқызылған акционерлік қоғамдар мен шаруашылық серіктестіктердің тізбесінде: "Атырау облысы" бөлімі мынадай мазмұндағы реттік нөмірі 145-1-жолмен толықтырылсын: "145-1. "Каспиймұнайгаз" ҒЗЖИ" ААҚ";

2) "Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы" Қазақстан Республикасы Үкіметінің 1999 жылғы 27 мамырдағы N  659  қаулысына: көрсетілген қаулыға қосымшада: "Қазақстан Республикасының Энергетика және минералдық ресурстар министрлігіне" бөлімі мынадай мазмұндағы реттік нөмірі 44-жолмен толықтырылсын:

"44. "Каспиймұнайгаз" ҒЗЖИ" ААҚ";

3) <*> 📌 Ескерту. 3)-тармақшаның күші жойылды - ҚР Үкіметінің 2004.10.28. N  1105  қаулысымен.

5. Осы қаулы қол қойылған күнінен бастап күшіне енеді. Қазақстан Республикасының Премьер-Министрі