Об определении критериев по выбору видов отчуждения коммунального имущества города Караганды Күшін жойған

Қарағанды қаласының коммуналдық мүлкін иеліктен алу түрлерін таңдау бойынша өлшемдерді белгілеу туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына, Қазақстан Республикасының 2011 жылғы 1 наурыздағы «Мемлекеттік мүлік туралы» Заңына, Қазақстан Республикасы Үкіметінің 2011 жылғы 9 тамыздағы «Жекешелендіру объектілерін сату қағидасын бекіту туралы» №920 қаулысына, Қазақстан Республикасы Үкіметінің 2015 жылғы 30 желтоқсандағы «Жекешелендірудің 2016-2020 жылдарға арналған кейбір мәселелері туралы» №1141 қаулысына сәйкес Қарағанды қаласының әкімдігі ҚАУЛЫ ЕТЕДІ:

1. Қарағанды қаласының коммуналдық мүлкін иеліктен алу түрлерін таңдау бойынша өлшемдер (бұдан әрі - Объект) осы қаулының қосымшасына сәйкес белгіленсін.

2. «Қарағанды қаласының мемлекеттік активтер және сатып алу бөлімі» мемлекеттік мекемесі заңмен белгіленген тәртіпте:

1) осы қаулыны әділет органдарында мемлекеттік тіркеуді;

2) қолданыстағы заңнамаға сәйкес осы қаулыдан шығатын басқа шараларды қолдануды қамтамасыз етсін.

3. Осы қаулының орындалуын бақылау Қарағанды қаласы әкімінің орынбасары Р.Т. Мүкееваға жүктелсін.

4. Осы қаулы алғашқы ресми жарияланған күнінен бастап қолданысқа енгізіледі.

Қарағанды қаласы әкімдігінің 2015 жылғы «14» қазан № 49/02 қаулысына қосымша Қарағанды қаласының коммуналдық мүлкін иеліктен алу түрлерін таңдау бойынша өлшемдер № Өлшемдердің атауы Иеліктен алу түрлері 1 Объектілерді одан әрі бақылауда мемлекеттік мүдделердің болмауы (талаптар қойылмайды). Сауда-саттықты аукцион түрінде өткізу 2 Объектіні сату талаптарын белгілеу қажет (қызмет бағытын сақтау, кредиторлық берешекті өтеу, жалақы және басқа талаптар бойынша берешекті өтеу). Объектіні мүмкіндігінше ең жоғары бағамен сату қажет. Сауда-саттықты коммерциялық тендер түрінде өткізу 3 Сенімгерлікпен басқарушының, жалдаушының (жалға алушымен) кейін сатып алу құқығымен сенімгерлікпен басқару, мүліктік жалдау (жалға алу) шарттарының талаптарын орындау. Тікелей адрестік сату 4 Объектінің қор биржасының талаптарына сәйкестігі. Шетел инвесторларын қоса отырып, сауда-саттыққа қатысушылардың ауқымды шеңберін тарту қажет. Қор биржасында сауда-сатық өткізу 5 Мемлекетке тиесілі акционерлік қоғамдар акцияларының құқығын куәландыратын туынды құнды қағаздарды жүзеге асыру қажет. Туынды құнды қағаздарды сату