Об объявлении чрезвычайной ситуации на части территории области Күшін жойған

Облыс аумағының бөлігінде төтенше жағдай жариялау туралы 📌 Ескерту. Күші жойылды - Атырау облысы әкімінің 20.12.2004 № 248 шешімімен. Махамбет ауданының кейбір елді мекендерін су басуға, Индер ауданының елді мекендері мен Атырау қаласын ("Геолог п., Жұмыскер п., Еркін-қала с., және басқалары) су басу қаупіне, сонымен бірге Махамбет және Индер аудандарының елді мекендерінде Бақсай, Нарын, Соколок, Сары өзек арналарын тазарту жүргізілмегендіктен шаруашылық-ауыз су мұқтаждықтары үшін судың болмауына байланысты ерекше қауіпті эпидемиялық аурулардың бұрқ етуіне әкеліп соқтырады (оба, тырыспа, ішек аурулары, гепатит және т.б.), 2001 жылғы 2 мамырдағы тасқын суларын апатсыз өткізу жөніндегі іс-қимылдарға басшылық ету және үйлестіру жөніндегі облыстық штабының N 3 мәжілісінің хаттамасы негізінде және Қазақстан Республикасының "Табиғи және техногендік сипаттағы төтенше жағдайлар туралы" заңының 19-бабы талаптарына сәйкес ШЕШІМ ЕТЕМІН:

1. Атырау қаласы, Махамбет, Индер және Исатай аудандары аумағында 2001 жылғы 3 мамырдан бастап табиғи сипаттағы төтенше жағдай жариялансын.

2. Төтенше жағдайлардың алдын алу және жою жөніндегі облыстық комиссия (Мақашев Н.), Атырау қаласы және жоғарыда көрсетілген аудандар әкімдері, төтенше жағдайлар жөніндегі облыстық басқарма (Жұмағалиев Ғ .):

1) төтенше жағдайларды жою үшін меншік нысанына қарамастан Атырау қаласы және аудандар кәсіпорындары мен ұйымдарын, Бақсай, Нарын, Соколок, Сары өзек арналарын тазарту үшін - "Атыраусушаруашылығы" РМК қатыстырсын;

2) тұрғындарды су басу аймағынан бұрын белгіленген орындарға көшіру жөнінде шұғыл шара алсын (іс-қимыл жоспарына сәйкес);

3) Эпидемиялық жағдайды үнемі бақылауды ұйымдастырсын;

4) халықтың шаруашылық-ауыз су мақсатына пайдалануы үшін су тасып беруді ұйымдастырсын;

5) орындалатын жұмыс барысы туралы мені үнемі 08.00; 15.00; 19.00 сағаттарда хабардар етсін.

3. Осы шешімнің орындалуын бақылауды өзіме қалдырамын.