О введении временного запрета на экспорт мазута Күшін жойған

Мазут экспортына уақытша тыйым салуды енгізу туралы Ел экономикасының мұқтаждары үшін жеткілікті мазут қорын жасау қажеттігіне байланысты және "Қазақстан Республикасындағы кеден ісі туралы" 1995 жылғы 20 шілдедегі Қазақстан Республикасы Заңының Z952368_ 20-бабына сәйкес Қазақстан Республикасының Үкіметі қаулы етеді:

1. 2001 жылғы 1 қазаннан бастап 2002 жылғы 1 наурызға дейінгі кезеңде Қазақстан Республикасы аумағынан мазут (ТМД СЭҚ ТН коды 2710 00 710 - 2710 00 780) экспортына тыйым салынсын.

2. Қазақстан Республикасы Мемлекеттік кіріс министрлігінің Кеден комитеті осы қаулының 1-тармағын орындау жөнінде қажетті шаралар қабылдасын.

3. Облыстардың, Астана және Алматы қалаларының әкімдері Қазақстан Республикасы Энергетика және минералдық ресурстар министрлігімен бірлесіп, 2001 жылғы 1 қарашадан бастап мазутпен қамтамасыз ету ісінің жай-күйі туралы Қазақстан Республикасының Үкіметін ай сайын хабардар етіп отырсын.

4. Қазақстан Республикасының Сыртқы істер министрлігі осы қаулының 1-тармағына сәйкес Қазақстан Республикасының мазутты әкетуге тыйым салуды енгізетіндігі туралы белгіленген тәртіппен Еуразия экономикалық қауымдастығының Интеграциялық комитетін хабардар етсін.

5. Осы қаулының орындалуын бақылау Қазақстан Республикасы Премьер-Министрінің орынбасары - Қазақстан Республикасының Энергетика және минералдық ресурстар министрі В.С. Школьникке жүктелсін. 6. Осы қаулы қол қойылған күнінен бастап күшіне енеді және жариялануға тиіс.