Об утверждении Положения о порядке уплаты сбора с аукционных продаж Күшін жойған

Аукциондық сатудан алынатын алымды төлеу тәртiбi туралы Ереженi бекiту 📌 Ескерту. Күші жойылды - ҚР Үкіметінің 08.07.2002 № 734 қаулысымен. "Салық және бюджетке төленетiн басқа да мiндеттi төлемдер туралы" Қазақстан Республикасы Президентiнiң Заң күшi бар 1995 жылғы 24 сәуiрдегi N 2235 Жарлығын жүзеге асыру мақсатында Қазақстан Республикасының Министрлер Кабинетi ҚАУЛЫ ЕТЕДI: Аукциондық сатудан алынатын алымды төлеу тәртiбi туралы ұсынылып отырған Ереже бекiтiлсiн.

Қазақстан Республикасы Министрлер Кабинетiнiң 1995 жылғы 12 шiлдедегi N 953 қаулысымен бекiтiлген Аукциондық сатудан алынатын алымды төлеу тәртiбi туралы Е Р Е Ж Е

I. Жалпы Ережелер

1. Аукцион деп - көруге алдын-ала қойылған тауарларды күнi бұрын белгiленген уақытта тауарларды көпшiлiк сауда жолымен сату өткiзiлетiн белгiлi жерде кезең-кезеңмен жұмыс iстейтiн арнайы ұйымдастырылған көпшiлiк сату, сауда түсiнiледi.

2. Бұл Ереже Қазақстан Республикасының Жекешелендiру жөнiндегi мемлекеттiк комитетi мен оның аумақтық органдары, сандай-ақ салық инспекциялары өткiзетiн мамандандырылған аукциондарға қолданылмайды.

II. Алым төлеушiлер

3. Аукциондарды өткiзушi - заңды және жеке тұлғалар, аукциондық сатудан алынатын алымды төлеушiлер болып табылады.

III. Алым ставкалары

4. Аукциондық сатудан алынатын алым белгiленген тәртiппен аукциондық сатудан түскен түсiмнiң жалпы сомасынан 5 процент мөлшерiнде есептеледi.

4-1. Соттар және басқа да органдардың қаулыларын атқару жөніндегі атқарушылық өндірісті қамтамасыз ететін әділет органдары өткізетін аукциондық сатулардан бір айлық есептік көрсеткіш мөлшерінде алым алынады. 📌 Ескерту. Жаңа 4-1-тармақпен толықтырылды - ҚР Үкіметінің 07.09.1999 № 1314 қаулысымен.

IV. Алымды төлеу тәртiбi мен мерзiмi

5. Төлеушiлер алымды белгiленген тәртiппен тауарларды аукциондық сатуды өткiзуден алынатын түсiмнiң жалпы сомасына және белгiленген ставкаға қарай есептейдi.

6. Аукциондық сатудан алынатын алымды төлеушiлер осы Ережеге қосымшада келтiрiлген үлгi бойынша салық органдарына декларация тапсырып, алымды аукцион өткiзiлгеннен кейiн 10 күннен кешiктiрмей төлейдi.

7. Аукцион сатудан алынатын алым жергiлiктi бюджетке есептеледi.

V. Төлеушiнiң жауапкершiлiгi және аукциондық сатудан алынатын алымның түсуiне бақылау жасау

8. Қазақстан Республикасының қолданылып жүрген заңдарына сәйкес аукциондық сатудан алынатын алымды дұрыс есептеу және бюджетке уақытылы төлеу жауапкершiлiгi төлеушiге жүктеледi.

9. Аукциондық сатудан алынатын алымның түсуiне бақылау жасау салық қызметi органдарына жүктеледi.

қосымша ______________________ ______________________ жөнiндегi салық инспекциясына ______________________ төлеушiнiң аты ______________________________ ______________________________ (Жауапты адамның) орындаушының аты,жөнi,фамилиясы_______________ _________________________________ телефон__________________________ Аукциондық сатудан алынатын алым жөнiндегi Д Е К Л А Р А Ц И Я _________ айы үшiн Аукцион өткiзiледi____________________________________                                                 мың теңге      199  жылғы "  " ______________      ______________________________________________________      Көрсеткiштер                             : Сома      ______________________________________________________      1. Тауарларды аукциондық сатудан түскен түсiм      2. Алым ставкасы      3. Аукциондық сатудан алынатын алым сомасы      4. Алым төлеу мерзiмi      ______________________________________________________                               Басшы________________________                               Бас бухгалтер________________                               Салық инспекциясының                               белгiсi                               Декларация 199 жылғы "  "                               алынды.