Об утверждении размеров поощрений за высокие результаты членов национальных сборных команд Республики Казахстан на I Юношеских Олимпийских играх 2010 года в Сингапуре (Сингапур) Қолданыста

Қазақстан Республикасының ұлттық құрама командаларының мүшелерін Сингапурдағы (Сингапур) 2010 жылғы I Жасөспірімдердің Олимпиада ойындарындағы жоғары нәтижелері үшін көтермелеу мөлшерін бекіту туралы «Дене шынықтыру және спорт туралы» Қазақстан Республикасының 1999 жылғы 2 желтоқсандағы Заңына сәйкес Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасының ұлттық құрама командаларының мүшелерін Сингапурдағы (Сингапур) 2010 жылғы I Жасөспірімдердің Олимпиада ойындарындағы жоғары нәтижелері үшін көтермелеудің мынадай мөлшері бекітілсін:

1) спортшылар үшін: алтын медаль үшін - 10000 АҚШ долларына баламалы мөлшерде; күміс медаль үшін - 5000 АҚШ долларына баламалы мөлшерде; қола медаль үшін - 3000 АҚШ долларына баламалы мөлшерде;

2) жоғары нәтижелер көрсеткен спортшылардың дайындығын қамтамасыз еткен жаттықтырушылар үшін: алтын медаль үшін - 5000 АҚШ долларына баламалы мөлшерде; күміс медаль үшін - 3000 АҚШ долларына баламалы мөлшерде; қола медаль үшін - 2000 АҚШ долларына баламалы мөлшерде».

2. Осы қаулы қол қойылған күнінен бастап қолданысқа енгізіледі.