Об установлении публичного сервитута товариществу с ограниченной ответственностью «KazPetroAlliance» Қолданыста

«KazPetroAlliance» жауапкершілігі шектеулі серіктестігіне қауымдық сервитут белгілеу туралы Қазақстан Республикасы Жер кодексінің 17- бабының 5- 1) тармақшасына, 69, 71-1-баптарына, «Қазақстан Республикасындағы жергілікті мемлекеттік басқару және өзін- өзі басқару туралы» Қазақстан Республикасы Заңының 31- бабы 1-тармағының 10) тармақшасына сәйкес, Қарқаралы ауданының әкімдігі ҚАУЛЫ ЕТЕДІ:

1. Осы қаулының қосымшасына сәйкес «KazPetroAlliance» жауапкершілігі шектеулі серіктестігіне қатты пайдалы қазбаларды барлау жөніндегі операцияларды жүргізу үшін 2032 жылғы 21 ақпанға дейінгі мерзімге жер учаскелерін алып қоймай, Қарағанды облысы, Қарқаралы ауданы, Тәттімбет ауылдық округі жерлерінде орналасқан жалпы ауданы – 1326,31 гектар жер учаскелеріне қаумдық сервитут белгіленсін.

2. «KazPetroAlliance» жауапкершілігі шектеулі серіктестігі (келісім бойынша) жер учаскелерінің меншік иелері мен жер пайдаланушыларға шығындарды толық көлемде өтеуді қамтамасыз етсін, залалдардың мөлшері мен оларды өтеу тәртібі Қазақстан Республикасының қолданыстағы заңнамасына сәйкес тараптардың келісімдері бойынша белгіленсін.

3. Барлау жұмыстарын жүргізу мерзімін, олардың нақты орнын, шығындарды өтеу және жердің нысаналы мақсаты бойынша пайдалануға жарамды күйге келтіру жөніндегі міндеттерді айқындау мақсатында уәкілетті органдармен пайдаланған жер учаскелерін жарамды күйде тапсыруға міндетті.

4. «Қарқаралы ауданының жер қатынастары бөлімі» мемлекеттік мекемесі осы қаулыдан туындайтын басқа да шараларды қабылдасын.

5. Осы қаулының орындалысына бақылау жасау жетекшілік ететін аудан әкімінің орынбасарына жүктелсін.

6. Осы қаулы қол қойылған күнінен бастап күшіне енеді және қолданысқа енгізіледі.

Қарқаралы ауданының әкімдігінің 2026 жылғы «____» ________ № _____ қаулысына қосымша «KazPetroAlliance» жауапкершілігі шектеулі серіктестігіне қауымдық сервитут белгіленетін жер учаскелерінің тізбесі (2026 жылғы 21 ақпандағы №4124-EL лицензиясы) № Орналасқан жері Кадастырлық номері Жалпы көлемі, га қауымдық сервитут белгіленуге жататын учаскелердің бөліктерінің ауданы (лицензия шекарасында) га; 1 ШҚ басшысы Саркенова Роза Кожахметовна 09:133:054:058 2000,0 729,10 2 ШҚ басшысы Саркенова Роза Кожахметовна 09:133:054:020 1000,0 408,56 3 ШҚ басшысы Саркенов Серик 09:133:054:084 800,0 36,72 4 ШҚ басшысы Кабылов Жанкутты Магдатович 09:133:054:025 1444,0 44,53 5 - Босалқы жерлер - 107,4 Барлығы 1326,31