О внесении изменения и дополнений N 2 в приказ Министерства финансов Республики Казахстан от 15 июня 1999 года N 292 Күшін жойған

Қазақстан Республикасы Қаржы министрлігінің 1999 жылғы 15 маусымдағы N 292 бұйрығына N 2 өзгеріс пен толықтырулар енгізу туралы "1999 жылға арналған республикалық бюджет туралы" Қазақстан Республикасының Заңына өзгерістер мен толықтырулар енгізу туралы" 1999 жылғы 28 маусымдағы N 406-1 Қазақстан Республикасының Заңына, "Көп балалы отбасыларды әлеуметтік қолдау жөніндегі шаралар туралы" Қазақстан Республикасы Президентінің 1992 жылғы 4 желтоқсандағы N 1002 Жарлығына, "Қазақстан Республикасы Үкіметінің 1998 жылғы 25 желтоқсандағы N 1334 қаулысына өзгерістер енгізу туралы" Қазақстан Республикасы Үкіметінің 1999 жылғы 26 маусымдағы N 1064 қаулысына сәйкес бұйырамын:

1. "Республикалық және жергілікті бюджеттердің есебінен мемлекеттік тапсырысты қаржыландырудың ережесін бекіту туралы" Қазақстан Республикасы Қаржы министрлігінің 1999 жылғы 15 маусымдағы N 292 бұйрығына мынадай өзгеріс пен толықтырулар енгізілсін: аталған бұйрықпен бекітілген Республикалық және жергілікті бюджеттердің есебінен мемлекеттік тапсырысты қаржыландырудың ережесінде (бұдан әрі - Ереже): 1) Ережеге N 1-қосымшада: мына жолдың атауы өзгертілсін: "4.6.206.9.31 Мемлекеттік білім беру тапсырыстары (грант) бойынша ел ішіндегі жоғары оқу орындарында кадрлар даярлау (2-топ)"; мынадай мазмұндағы жолдармен толықтырылсын: "1.5.606.31.31 Мәліметтердің ақпараттық-статистикалық базасын құру, 1-топ"; "12.1.215.36.31 Оңтүстік Қазақстан облысында Қызыләскер-Киров автомобиль жолын салу, 1-топ"; 2) Ережеге N 2-қосымшада: мынадай мазмұндағы жолмен толықтырылсын: "6.2.258.46.23 Көп балалы аналар".

2. Осы бұйрық Қазақстан Республикасының Әділет министрлігінде мемлекеттік тіркеуден өткен күнінен бастап күшіне енеді.