329-бап. Жинақтаушы сақтандыру шарттары бойынша кіріс

Мыналар салық салуға жататын, жинақтаушы сақтандыру шарттары бойынша кіріс болып табылады:

1) сақтандыру ұйымдары жинақтаушы сақтандыру шарттары бойынша жүзеге асыратын, сақтандыру сыйлықақылары: бірыңғай жинақтаушы зейнетақы қорындағы және ерікті жинақтаушы зейнетақы қорларындағы зейнетақы жинақтары есебінен; жеке тұлға өз пайдасына; жұмыс беруші жұмыскердің пайдасына төлеген сақтандыру төлемдері;

2) осындай шарттар мерзімінен бұрын тоқтатылған жағдайларда төленетін өтеу сомалары;

3) сақтандыру ұйымы жүзеге асыратын сақтандыру төлемдері сомасының осы баптың 1) тармақшасында көрсетілмеген қаражат есебінен төленген сақтандыру сыйлықақыларының сомасынан асып кетуі.

2-параграф. Жеке тұлға дербес салық салуға жататын кірістер