О внесении изменений в постановление акимата города Актау № 1469 от 29 декабря 2005 года "Об утверждении Правил назначения и выплаты социальной помощи для материального обеспечения детей-инвалидов до шестнадцати лет, воспитывающихся и обучающихся на дому" Қолданыста

Ақтау қаласы әкімдігінің "Үйде тәрбиеленетін және оқитын он алты жасқа дейінгі мүгедек балаларды материалдық қамтамасыз ету үшін әлеуметтік көмек тағайындау және төлеу Қағидасын бекіту туралы" 2005 жылғы 29 желтоқсандағы № 1469 қаулысына өзгерістер енгізу туралы Қазақстан Республикасының «Қазақстан Республикасындағы жергілікті мемлекеттік басқару және өзін - өзі басқару туралы» 2001 жылы 23 қаңтардағы № 148 Заңының 37 бабына, «Қазақстан Республикасында мүгедектерді әлеуметтік қорғау туралы» 2005 жылғы 13 сәуірдегі № 39 Заңына, «Қазақстан Республикасының халқын тіркеуді кейбір мәселелері туралы» Қазақстан Республикасы Үкіметінің 2005 жыл 21 шілдедегі № 761 қаулысына сәйкес, Ақтау қаласының әкімдігі ҚАУЛЫ ЕТЕДІ:

1. Ақтау қаласы әкімдігінің «Үйде тәрбиеленетін және оқитын он алты жасқа дейінгі мүгедек балаларды материалдық қамтамасыз ету үшін әлеуметтік көмек тағайындау және төлеу Қағидасын бекіту туралы» 2005 жылғы 29 желтоқсандағы № 1469 қаулысына (нормативтік құқықты кесімдерді мемлекеттік тіркеу тізімінде № 11-1-20 болып тіркелген, 14.03.2006 ж. № 41 «Маңғыстау» газетінде жарияланған) төмендегідей өзгерістер енгізілсін: осы қаулымен бекітілген Қағиданың 4 - тармағындағы «тұрғындарды есепке алу» сөздері «азаматтарды тіркеу» сөздерімен ауыстырылсын.

2. Осы қаулының орындалуын бақылау қала әкімінің орынбасары Т.К. Хитуовқа жүктелсін.

3. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.