О перепрофилировании профессионально-технической школы № 2 г.Актау Күшін жойған

Ақтау қаласы № 2 кәсіптік-техникалық мектепті қайта бағдарлау туралы 📌 Ескерту. Күші жойылды – Маңғыстау облыстық Әділет басқармасы бастығының 02.12.2003 жылғы қорытындысымен. Қазақстан Республикасының "Білім туралы" Заңы мен Қазақстан Республикасы Үкіметінің 1998 жылғы 8 шілдедегі N 649 Қаулысымен бекітілген 1998-2000 жылдарға арналған Қазақстан Республикасында кәмелетке толмағандардың арасындаєы құқық бұзушылықтың алдын алудың кешенді бағдарламасына сәйкес, сондай-ақ тәрбие жағдайына ерекше көңіл бөлуді қажет ететін балалар мен жасөспірімдерді оқыту және тәрбиелеу мақсатында, шешім етемін:

1. Ақтау қаласы № 2 кәсіптік-техникалық мектебі мемлекеттік мекемесі "Маңғыстау облыстық арнаулы кәсіптік-техникалық мектеп-интернаты" мемлекеттік мекемесі болып қайта бағдарлансын.

2. Облыстық қаржы басқармасы (С.Б. Шаметова) 2000 жылға арналған облыс бюджетін әзірлеу кезінде 2000 жылдың 1-ші шілдесінен бастап Маңғыстау облыстық арнаулы мектеп-интернатын ұстауға арнап қаражат көздестірсін.

3. Облыстық білім басқармасы (Ж.Н. Сағымбаева), ішкі істер басқармасымен (Н.И. Приходько), облыстық денсаулық сақтау басқармасымен (А.Т. Айдарханов) бірлесіп:

1) Бір ай мерзім ішінде жасөспірімдерді облыстық арнаулы кәсіптік-техникалық мектеп-интернатына рәсімдеуге қажетті құжаттардың тізбесін әзірлесін;

2) 2000 жылдың 15 тамызына дейін облыстық арнаулы кәсіптік-техникалық мектеп-интернатты білікті педагогикалық, медицина кадрларымен және тәрбиесі қиын жасөспірімдермен жұмыс істеуге жауапты қызметкерлермен жасақтасын.

4. Облыстық білім басқармасы (Ж.Н. Сағымбаева) белгіленген Заңға сәйкес:

1) Мемлекеттік мекеменің Жарғысын әзірлесін және оны бекітсін;

2) Оны мемлекеттік қайта тіркеуден өткізуді қамтамасыз етсін;

3) Осы шешімнен туындайтын өзге де шараларын алсын.

5. Осы шешімнің орындалуына бақылау жасау облыс әкімінің орынбасары М.М. Бортникке жүктелсін.