О решении акима области № 414 от 3 апреля 2000 года «Об оказании адресной социальной помощи одиноким, нуждающимся в посторонней помощи пенсионерам Атырауской области в 2000 году Қолданыста

Облыс әкімінің 2000 жылғы 3 сәуірдегі № 414 "2000 жылы Атырау облысының жалғызілікті, өзгенің көмегін қажет ететін зейнеткерлеріне атаулы әлеуметтік көмек көрсету туралы" шешімі туралы Екінші шақырылған облыстық мәслихаттың IV сессиясы ШЕШІМ ЕТЕДІ: Облыс әкімінің 2000 жылғы 3 сәуірдегі № 414 "2000 жылы Атырау облысының жалғызілікті, өзгенің көмегін қажет ететін зейнеткерлеріне атаулы әлеуметтік көмек көрсету туралы" шешімі бекітілсін (шешім жалғанды).

Атырау облысы әкімінің шешімі 2000 жылғы 3 сәуір №414 2000 жылы Атырау облысының жалғызілікті, өзгенің көмегін қажет ететін зейнеткерлеріне атаулы әлеуметтік көмек көрсету туралы Қазақстан Республикасы Министрлер Кабинетінің 1992 жылғы 7 желтоқсандағы № 1027 "Зейнеткерлерді әлеуметтік қорғау туралы" қаулысын және облыстық мәслихат сессиясының 1999 жылғы 7 желтоқсандағы № 16-ІІ "2000 жылға облыстық бюджет туралы" шешімін орындауда ШЕШІМ ЕТЕМІН:

1. Телефон желісінің абоненті болып табылатын, жалғызілікті, өзгенің көмегін қажет ететін зейнеткерлерге атаулы әлеуметтік көмек төлеу жергілікті бюджет қаржысы есебінен жүзеге асырылсын.

2. Атаулы әлеуметтік көмек ай сайын телефонмен пайдаланғаны үшін нақты есептелген абоненттік төлемнің 50 пайызы мөлшерінде төленеді.

3. Телефон желісінің абоненті болып табылатын, жалғызілікті, өзгенің көмегін қажет ететін зейнеткерлерге атаулы әлеуметтік көмек тағайындау, қаржыландыру және төлеу тәртібі бекітілсін (қосымша).

4. Облыстық еңбек, жұмыспен қамту және халықты әлеуметтік қорғау басқармасы (С.Қайрешев) атаулы әлеуметтік көмекті тағайындауды және төлеуді қамтамасыз етсін.

5. Облыстық қаржы басқармасы (А.Әбдіқадырова) атаулы әлеуметтік көмекті жергілікті бюджетте қаралған қаржы есебінен уақытында қаржыландыруды қамтамасыз етсін.

6. Осы шешім облыстық мәслихаттың кезекті сессиясының қарауына ұсынылсын.

7. Шешімнің орындалуына бақылау жасау облыс әкімінің орынбасары Т.Мұрсалиеваға жүктелсін.

Облыс әкімінің 2000 жылғы 3 сәуірдегі № 414 шешіміне қосымша Телефон желісінің абоненті болып табылатын, жалғызілікті, өзгенің көмегін қажет ететін зейнеткерлерге атаулы әлеуметтік көмек тағайындау, қаржыландыру және төлеу тәртібі

1. Жалпы ережелер

1. Осы тәртіп Қазақстан Республикасы Министрлер Кабинетінің 1992 жылғы 7 желтоқсандағы №1027 "Зейнеткерлерді әлеуметтік қорғау туралы" қаулысын және облыстық мәслихат сессиясының 1999 жылғы 7 желтоқсандағы № 16-11 "2000 жылға облыстық бюджет туралы" шешімін орындау мақсатында әзірленді.

2. Тағайындау тәртібі

2. Атаулы әлеуметтік көмек телефон желісінің абоненті болып табылатын, жалғызілікті, өзгенің көмегін қажет ететін зейнеткерлерге тағайындалады (алға қарай - "атаулы әлеуметтік көмек").

3. Жалғызілікті азаматтардың арыздарын қарау үшін еңбек, жұмыспен қамту және халықты әлеуметтік қорғау органдарында денсаулық сақтау органдарының мамандарының қатысуымен комиссиялар құрылады (алға қарай - комиссия).

4. Комиссия жалғызілікті тұратын зейнеткердің атаулы әлеуметтік көмек тағайындау туралы арызының негізінде 5 күннің ішінде оның әлеуметтік-тұрмыстық, денсаулық жа¬дайын тексеріп, Әлеуметтік кӨмек та¬айындау немесе тағайындамау туралы шешім қабылдайды.

5. Тұрғын жері бойынша комиссияға төмендегідей құжаттар тапсырылады:

1) атаулы әлеуметтік көмек тағайындау туралы жеке арызы;

2) отбасы құрамы туралы анықтама;

3) арыз берушінің телефон желісінің абоненті екендігін растайтын анықтама;

6. Атаулы әлеуметтік көмек арыз берген күннен бастап тағайындалады.

7. Комиссия шешіміне сәйкесті хаттамамен ресімделеді және онымен арыз беруші міндетті түрде қол қою арқылы таныстырылады.

8. Комиссия тағайындалған атаулы әлеуметтік көмектің дұрыстығына жауап береді.

9. Атаулы әлеуметтік көмек тағайындаудан бас тарту жөніндегі комиссияның шешіміне заңмен тағайындалған тәртіпте шағымдануға болады.

10. Атаулы әлеуметтік көмек тағайындау туралы арыз, оған қоса тапсырылған барлық құжаттар және атаулы әлеуметтік көмек тағайындау туралы комиссия шешімінің хаттамасы алушының жеке ісінде сақталады.

3. Қаржыландыру және төлеу тәртібі

11. Телефон желісінің абоненті болып табылатын, жалғызілікті, өзгенің көмегін қажет ететін зейнеткерлерге атаулы әлеуметтік көмекті қаржыландыру сәйкесті жылда осы мақсатқа қаралған жергілікті бюджет қаржысы есебінен жүзеге асырылады.

12. Аумақтық еңбек, жұмыспен қамту және халықты әлеуметтік қорғау органдары атаулы әлеуметтік көмек алушылар тапсырған нақты есептелген абоненттік төлем туралы құжаттардың негізінде әрбір айдың 10 жұлдызына дейін өткен ай үшін атаулы әлеуметтік көмек төлеу Үшін қажетті қаржының көлемін анықтап, алушылардың тізімін шығарады.

13. Аумақтық еңбек, жұмыспен қамту және халықты әлеуметтік қорғау органдары әр айдың 10 жұлдызына дейін атаулы әлеуметтік көмек алушылардың тізімін қазақстан Халықтық банкісінің филиалдарына, ал қаржыландыруға тапсырысты облыстық еңбек, жұмыспен қамту және халықты әлеуметтік қорғау басқармасына жібереді.

14. Облыстық еңбек, жұмыспен қамту және халықты әлеуметтік қорғау басқармасы әр айдың 10 жұлдызына дейін облыс бойынша қажет қаржының көлемін анықтайды және облыстық қаржы басқармасына қаржыландыруға тапсырыс жібереді.

15. Облыстық қаржы басқармасы облыстық еңбек, жұмыспен қамту және халықты әлеуметтік қорғау басқармасының тапсырысы негізінде 105.60.00. "Жергілікті өкілетті органдардың шешімі бойынша азаматтардың жекелеген санаттарына әлеуметтік төлемдер" бағдарламалары бойынша телефон желісінің абоненті болып табылатын, жалғызілікті, өзгенің көмегін қажет ететін зейнеткерлерге әлеуметтік көмек төлеу үшін бюджетте қаралған қаржыны бөледі.

16. Облыстық еңбек, жұмыспен қамту және халықты әлеуметтік қорғау басқармасы ағымдағы есеп шотына қаржы түскеннен кейінгі 2 күннің ішінде қазақстан Халықтық банкісінің облыстық филиалының шотына атаулы әлеуметтік көмек төлеуге қажетті қаржының сомасын, сондай-ақ облыстық еңбек, жұмыспен қамту және халықты әлеуметтік қорғау басқармасы мен қазақстан Халықтық банкісінің облыстық филиалы жасақтаған агенттік келісімге сәйкес комиссиялық сыйақыларды аударады. Төлемдерді қазақстан Халықтық банкісінің филиалдары аумақтық еңбек, жұмыспен қамту және халықты әлеуметтік қорғау органдарынан алынған атаулы әлеуметтік көмек алушылардың тізімдері негізінде және жеке куәліктері бойынша төлейді.

4. Есеп, бақылау жүргізу және есеп беру тәртібі

17. Телефон желісінің абоненті болып табылатын, жалғызілікті және өзгенің көмегін қажет ететін зейнеткерлерге атаулы әлеуметтік көмек бойынша есеп, бақылау жүргізу және есеп беруді жүзеге асыру еңбек, жұмыспен қамту және халықты әлеуметтік қорғау органдарына жүктеледі.

18. Еңбек, жұмыспен қамту және халықты әлеуметтік қорғау органдары әр айдың 5 жұлдызына дейін қазақстан Халықтық банкісінің филиалдарымен өткен айда атаулы әлеуметтік көмек үшін төленген сомалар бойынша салыстыру актілерін жасап, облыстық еңбек, жұмыспен қамту және халықты әлеуметтік қорғау басқармасына жібереді.

19. Облыстық еңбек, жұмыспен қамту және халықты әлеуметтік қорғау басқармасы әр айдың 5 жұлдызына дейін облыстық қаржы басқармасына өткен айдың ішінде облыс бойынша төленген қаржының есебін жібереді.

20. Атаулы әлеуметтік көмектің дұрыс және уақытында төленуіне еңбек, жұмыспен қамту және халықты әлеуметтік қорғау, қаржы мен қазынашылық органдары бақылау жасайды.